2 Taateenaꞌo 11:4 - Kafa Linguistics Project

⁴ Tunebaani shabaattinnee natooba, Yoyaadi Kaareenaꞌonaa kellechinaꞌonochi ballee iraasheenaꞌon wochiiꞌi, bi beeti Doono Yeerichi yaafee kexooch boonoshi woyemmoyich tuniihe. Boonoshina tookkii wogoon giyiꞌi, Doono Yeerichi yaafee kexoochaa boonoshin wogiihe. Aroochee taatoochi bushoon boonoshich bekkiihe.

2 Taateenaꞌo 11:4 ပူးပေါင်းရင်းမြစ်များ

Halloo 50:25

Yooseefiyoo Israꞌeelichi bushiishoyich “Yeeri ittoshin gaacheya bi waahooba, ta shaawushoon hiniichee tiijjiree ittoshina tookki daambote” iꞌi boonoshin wogiihe.

2 Saameeli 20:23

Yoꞌaabi Israꞌeelee ginee naayinaꞌo bulli toommooch iraashoone; Yoyaadi bushoo Beenayiyoo taatoochi quyee naayinaꞌo tuneti Kereeteenaꞌonaa Feleeteenaꞌona toommooch iraashoone.

2 Saameeli 8:18

Yoyaadi bushoo Beenayi taatoochi quyee naayinaꞌo tuneti Kereeteenaꞌonaa Feleeteenaꞌonochi toommooch ukkiroone. Daawitichi anaami bushiisheenaꞌo wotta mikkirechinaꞌone.

1 Taateenaꞌo 14:27

Taatoo Roboꞌami eboshi keroon gooshee gaacheenaꞌon shuuniiꞌi, taatee kechi kelloon quyeebeeti kellechinaꞌochi ukkireenaꞌoyich quyiihe.

1 Taateenaꞌo 18:10

Beeyechi ne Nuggishoo Doono Yeeri beege! Ta doono neen qaawoyich, wochoon bi daachiyaani aagetoo woyee taatee showoo aalloone. Boonoshi showooch aallo ne tunoon boonoshi arichiihooba, neen daneyaaneenaꞌo boonoshi tunoon xiishoyich, boonoshin wogiitone.

2 Taateenaꞌo 11:17

Aroochee Yoyaadi, taatoonaa asheenaꞌona Doono Yeerichi asheenaꞌo boonoshi tunee wogoon boonoshi giyemmon tuniihe. Ebiyoommon wotta taatoonaa asheenaꞌonoo wogoon giyemmoyich tuniihe.

2 Taateenaꞌo 11:19

Biyoo ballee iraasheenaꞌon, Kaareenaꞌon, kellechinaꞌonaa asheenaꞌo bullinon kiciye. Boonoshiyoo taatoon Doono Yeerichi yaafee kexoochee deennii dugilla daammii, kellechinaꞌochi uxeree kelloona beshiiꞌi, taatee kexooch shakkiiheete. Aroochee taatoo bi taatee qeenooch kotehe.

2 Taateenaꞌo 11:3

Ataaliyi showoon qeejjaa bi beehooba, Yoꞌaashi Doono Yeerichi yaafee kexooch aasheꞌi Yehoshaabina tookkii shiritte naton kotehe.

2 Taateenaꞌo 11:9

Ballee iraasheenaꞌoo qeeshoo Yoyaadi gettito bullin tuniiheete. Boonoshi ikkikkoona shambetee aaboon kellee quyooch giyii beetinaꞌonaa kellee quyoochee kechii beetinaꞌona tuneti boonoshi ginee naayinaꞌon yechiꞌi, qeeshoo Yoyaad waan waaheete.

2 Taateenaꞌo 12:7

Ebich Yoꞌaashi qeeshoo Yoyaadinaa bare qeesheenaꞌonon ceeggiꞌi, “Yaafee kechi tiishoon wochinnoon shuuno ittoshi qajjito, amoyichiye?” iꞌi echehe. Daakkiꞌinoo, “Illa yaafee kechi tiishoon shuuniyoyich beshii imbotani, ebiyee bekk ittoshi qellich, asheenaꞌo waanee gijjoon deqqaahote” iye.

2 Taateenaꞌo 23:3

Taatoo giimbee gaꞌooch neexeechii, ceeni bi mulloonaa ceeni bi kashoona Doono Yeerin dabboyich, bi getoon, bi qociyoonaa bi sheeroonon quyoyich, ebi macaafooch kooreeti wogoon ceechoyich, Doono Yeeri aafooch wogoon giyiye. Asheenaꞌo bulliyoo wogoon giyiyeete.

1 Kiinoo 9:13

Yari yaree iraasheenaꞌo tuneti qeesheenaꞌo ikke humaa shabaatta ballaa shiche asheenaꞌone. Eboshi bulli Yeerichi kechi daggooch shuunee shuunoon hakkiti asheenaꞌone.

2 Kiinoo 15:12

Boonoshi qaabbechinaꞌochi Nuggishoo Doono Yeer waan ceeni boonoshi mulloona, ceeni boonoshi kashoonoo wottoyich wogoon giyiyeete.

2 Kiinoo 29:10

Andoo bi kaaree shiixxoo no waanee bi wottemmoyich, Israꞌeelee Nuggishoo Doono Yeerina tookki wogoon gimoyich ta mulloona gabito taane.

Nehimi 10:29

Boonoshi maneenaꞌonaa ogoogeenaꞌona ikkotteꞌi, Yeeri guuno Muusina icheti Yeerichi sheeroon ceechoyich, no Doono Yeerichi getoon, qociyoonaa doyoo bullinon deꞌa getoyich maxxaaree, ishichiꞌi wogoon giyiyeete:

Nehimi 5:12

Boonoshiyoo, “Wochemmo noone; boonoshi waanee amoonolla echeyaachemmo noone; ne gettetoommon tuniyemmo noone” iyeete. Qeesheenaꞌon ceeggaꞌa, boonoshi aafoochaa ebi boonoshi gettiton boonoshi tuniyemmoyich, wogiiho.

Nehimi 9:38

“Ebi mooyo bullich manjiti wogoon giyaꞌa koorichooch kooraabeeto noone. No ogoogeenaꞌo, Leweenaꞌonaa qeesheenaꞌona aree toommooch boonoshi maatemoona dukkee beetinaꞌone” iyeete.

Mishiraachechinaꞌo 5:24

Yaafee kechi kellechinaꞌochi ukkiroonaa qeeshee ukkireenaꞌona hini mooyon waayeꞌi, “Hini mooyo gubb amo bi tunemmo gaata ariyaachone” iibee boonoshi gettemmi mooyon mucceheete.

Mishiraachechinaꞌo 5:26

Aroochee bekkech yaafee kechi kellechinaꞌochi ukkiroonaa ikkikke bi naayinaꞌona hammii, mishiraachechinaꞌon yechiꞌi deebiyeete; boonoshi deebito giidoona toonoone. Ebiyoo “Asheenaꞌo noon xaqqoona yexxemminaꞌone” iꞌi boonoshi shattitoyichiye.

Yaasi 24:25

Arooba Yaasi asheenaꞌona tookkii wogoon giyiye; boonoshin yaabemmi qociyoonaa doyoonon Shekeemaa boonoshich immiye.

1 Saameeli 18:3

Yonaataani Daawitin bi kashoona tachiꞌi bi shunnitoyich, biinna tookkii wogoon giyiye.

1 Saameeli 23:18

Boonoshi guttiyoo Doono Yeeri aafoochaa wogoon giyiyeete. Daawiti Horeesh echemmona, Yonaataani bi kexooch hammiye.