2 Taateenaꞌo 11:18 - Kafa Linguistics Project

¹⁸ Aroochee asheenaꞌo bulli Baꞌaalee yaafee kexooch hammiꞌi, Baꞌaalee kexon happiyeete. Bi deejjee gudeenaꞌonaa shahalleenaꞌonon tiichii aalliiheete. Baꞌaalee qeeshoo Mataaninoo deejjee gudee aafoochaa wuxiyeete. Qeeshoo Yoyaadi Doono Yeerichi yaafee kexooch quyechinaꞌon ukkiriihe.

2 Taateenaꞌo 11:18 ပူးပေါင်းရင်းမြစ်များ

1 Taateenaꞌo 18:40

Aroochee Eliyaasi boonoshich, “Baꞌaalee keemechinaꞌon yeshote; boonoshiichee ikkolla muriccaaye” iye. Boonoshiyoo yechiyeete. Eliyaasiyoo Qishooni aacooch daammiꞌi, aroochaa boonoshin wuxiye.

2 Taateenaꞌo 10:21

Yehiyoo Israꞌeelee showoo bulliich wochoon daachiihe. Baꞌaaloyich goyinnee beetinaꞌo bulli waaheete. Waataanoon echeto ikkolla aalloone. Bulliyona Baꞌaalee yaafee kexooch giyiyeete. Ebi kexoo hachi gocoochee okki gocooch beddaahaa ceenniye.

2 Taateenaꞌo 10:25

Yehi deejjoon giddii ciichiichii, bekkech kellechinaꞌonaa ginee iraasheenaꞌonoyich, “Giyiree boonoshin wuxibote; ikke asholla muriccaaye” iye. Ebich boonoshiyoo goraadoona wuxiyeete. Aroochee kellechinaꞌonaa ginee iraasheenaꞌona ebi dubenoon maach kichii duppiyeete. Aroocheenoo Baꞌaalee yaafee kechi maaci gatooch giyiyeete.

2 Taateenaꞌo 10:26

Goyinnee xaqqee giimboon aroochee kichiꞌi michiyeete.

2 Taateenaꞌo 10:27

Aroochee Baꞌaalee xaqqee giimboon qicciyeete; Baꞌaalee yaafee kexon happiyeete. Ebinoo hanaach beddaahaa qashee kexo tuniiheete.

2 Taateenaꞌo 18:4

Guudi toommeexi goyinnee xaaꞌeenaꞌon happii aalliihe; goyinnee xaqqee giimbeenaꞌonoo tiichiye; nuggishee Asheeri misiloon kuxxii duppiye. Arooba beddaahaa Israꞌeeleenaꞌo ixaanoon aroyich shookkii boonoshi beetoyich, Muusi gooshoochee shuuneti, Nehushitaani getteebeeti dingeree misiloonoo tiichiye.

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

2 Taateenaꞌo 23:14

Aroochee taatoo Yosiyaasi goyinnee xaqqee giimboo bullin tiichiye; wotta Asheeri misileenaꞌon kuxxiꞌi duppiye. Ebi misileenaꞌo neexeti xaaꞌoochoo ashi shaawushoon ceechiye.

2 Taateenaꞌo 23:20

Ebi guudi toommeexi goyinnee xaaꞌeenaꞌooch maddeebee echeti qeesheenaꞌo bullin deejjee gudoochaa wuxiye; boonoshi deejjee gudeenaꞌo toommoochaa ashi shaawushoon michiye. Ebi bullin bi tuniitoyee gubb, Yerusaalem wottehe.

2 Kiinoo 21:17

Boonoshiyoo waaꞌi Yihudee showoon kochiyeete; taatee kexooch beeti qiico bullin, bi anaami bushiishoonaa bi mecheenaꞌonon keccii daammiyeete. Guuche ciire bi bushoo Akaziyaasiyee besh bushoo biich echeyaanoone.

2 Kiinoo 34:4

Bi daaggoona Baꞌaaleenaꞌochi deejjee gudeenaꞌo happeeheete. Biyoo boonoshi gaꞌooch beeti ixaanee deejjee gudeenaꞌon yiikkee aalliihe. Asheeri misileenaꞌon, qiicaa shuuneeti misileenaꞌonaa ukkaa shuuneeti misileenaꞌonon tiichii buricciꞌi bi yiikketoyee gubb, ebi aroon boonoshich deejjiibee echeti asheenaꞌochi maashee toommooch shacciye.

2 Kiinoo 34:7

Israꞌeelee showoo bulliich beeti deejjee gudeenaꞌonaa Asheeri misileenaꞌonon happiye. Shahalleenaꞌonoo buddinochiye; ixaanee deejjee gudeenaꞌon tiichii buricciye. Aroochee Yerusaalem wottehe.

Keyo 32:20

Boonoshi shuuneti maamon daammii qaaqqooch michiye; aroochee buddino bi tunemmi wottoon, yiikkehe; aroonoo aachi daggooch shacciye; Israꞌeeleenaꞌo uchemmoyichoo tuniihe.

Isiyaasi 2:18

Shahalleenaꞌo ciroona aallemminaꞌone.

Yibbaatoo 12:2

Ittoshi yookkii kichiibeeti aageteenaꞌo boonoshi nuggisheenaꞌoyich boonoshi goyinneebeeti ogooge guudinaꞌo toommooch, geppeenaꞌo toommonaa wodde waajjechi mixinaꞌo bulli baatoonooch beeti goyinnee xaaꞌeenaꞌo bullin happi ciroona aalliibote.

Yibbaatoo 12:3

Boonoshi deejjee gudoon happi bayote. Boonoshi goyinnee xaqqee giimboon tiishi buricote. Boonoshi nuggishee Asheeri misiloon qaaqqoona michibote. Boonoshi shahalloon kuxote. Boonoshi shigo are showoochee bi aallemmoyich tuniibote.

Yibbaatoo 13:10

Xaqqoona yexiree wuxibe. Ebiyoo guuno tunaa hajjeyaꞌa beebee ne echeti Gibitsee neen kichii deebiti, ne Nuggishoo Doono Yeer waanee neen bariiya bi qaawitoyichiye.

Yibbaatoo 13:5

Tunebaani guuno tunee hajjeeꞌi beebee ittoshi echeti Gibitsee ittoshin biisheꞌi deebiti, ittoshi Nuggishoo Doono Yeeri toommooch hukkoon ittoshi shuunemmoyich bi gettitoyich, wotta ittoshi Nuggishoo Doono Yeeri gettiti gommoochee gubb ittoshi wottemmoyich tuniiya bi qaawitoyich, ebiyoommi keemechon woyee gumi gummechon wuxibote. Ebin tuniyoona, ebiyoommi gonde mooyonoo ittoshi daggoochee wokkiibote.

Yibbaatoo 13:6

“Ne manoo, ne indee shiyeto woyee ne bushoo woyee ne bushee woyee ne shunnaabeeti ne mechee woyee kashoommi ne nuuchoo, newoo tuneb ne qaabbechinaꞌo goyinnee maddee ariyaani nuggisheenaꞌoyich ne goyinne maddemmoyich tuniiya qaawiree, ‘Ne waataa hamiree bare nuggisheenaꞌoyich goyinne maddebone’ getiree aashoona neen dachemmo tunemmone.

Yibbaatoo 13:9

Biin wuxibe. Ne biin shiichi xaqqoona yexe. Aroyee gubb asheenaꞌo bulli xaqqoona yexeete.