2 Taateenaꞌo 11:12 - Kafa Linguistics Project

¹² Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; biinoo huuttiꞌi taatiiheete. Boonoshiyoo koppeebee, “Taatoo hume naton taatebe” ii cookiyeete.

2 Taateenaꞌo 11:12 ပူးပေါင်းရင်းမြစ်များ

2 Saameeli 1:10

“Tawoo bi dihigaata bekkech qitemmo bi tunoon ta ariitoyich, bi waan giddaꞌa biin wuxiyoye. Bi shimbooch beeti gubbichoonaa bi kishee dibbooch beeti shagaamoonon yechaꞌa, ta doono neech ebiyoche deebeto taane” iye.

2 Saameeli 12:30

Boonoshi taatoochi gubbichoon bi qelloochee kindii daammiye. Ebi gubbichoo shaashaa awudde kiilo giraamee aachoona shuuneetone; bi toommoochoo aaxxe xaqqo beetone; ebinoo Daawiti qellooch ukiiheete. Daawitiyoo are katemoochee wodde mooyon keccii daammiye.

2 Saameeli 16:16

Daawitichi boyechi, Arikee asho Hushayi Abisoloom waan waahe. Biyoo Abisoloomin “Taatoocho, ne eeno genjebe; ne eeno genjebe” iye.

2 Saameeli 2:4

Aroochee Yihudee asheenaꞌo Kebiroon waa, Daawiti shimbooch zayitoon huuttiꞌi, Yihudee asheenaꞌo toommooch taatiiheete. Saaꞌoolin duukkitinaꞌo Gilaadee showooch beeti Yabeeshi asheenaꞌo tunoon Daawiti waayehe.

2 Saameeli 2:7

Illa maac kuxo tunebote; kupphebote; ittoshi doono Saaꞌooli qititone; Yihudee asheenaꞌo ta shimbooch zayitoon huuttiꞌi boonoshi toommooch taan taatiitinaꞌone” iye.

2 Saameeli 5:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Taatoo Daawitiyoo Kebiroonaa Doono Yeeri aafoochaa boonoshina tookkii wogoon giyiye. Boonoshiyoo Daawiti shimbooch zayitoon huuttiꞌi, Israꞌeelee showooch biin taatiiheete.

1 Taateenaꞌo 1:25

Hanaach desh kindiꞌi, meeti wuron, gubbeneenaꞌonaa bageenaꞌonon deejjitone. Taatoochi bushiishoo bullin, ginee iraashoo Yoꞌaabinaa qeeshoo Abiyataarinon ceeggitone. Ebiyoche, boonoshiyoo bi aafoochaa maa uchiibee, ‘Taatoo Adoniyaasi hume naton taatebe!’ ii beetinaꞌone.

1 Taateenaꞌo 1:34

Aroochaa qeeshoo Sadooqinaa keemechi Naataanina biin huutiree, Israꞌeeleenaꞌo toommooch taatiibeete; tiroon (waaringoon) hugibee, ‘Taatoo Solomooni hume naton taatebe!’ getote.

1 Taateenaꞌo 1:39

Qeeshoo Sadooqiyoo zayitee xoofoon danee duukkaanoochee deebiꞌi, Solomoonin huuttiye; tiroon huggiyeete. Asheenaꞌo bulliyoo “Taatoo Solomooni hume naton taatebe!” iyeete.

1 Taateenaꞌo 2:44

Aroochee taatoo daakkiꞌi, Shimeꞌich ishichiye: “Ta nihoo Daawiti toommooch ne tuniiti gonde mooyo bullin ne mulloona ariyaabeeto neene. Ebich Doono Yeeri ne shuuneti gonde shuunoon ne toommooch wochemmone;

2 Taateenaꞌo 11:11

Ginee naayinaꞌoo taatoon quyoyich, boonoshi ikkikkoona ginee qiicoon yechiꞌi, yaafee kexoochaa deshi-waaninaa dambi-waaninooch beddaahaa, deejjee gudoonaa yaafee kexonochi guudooch neexeheete.

2 Taateenaꞌo 11:2

Tunebaani taatoo Yehoraami bushee, Akaziyaasi manee Yehoshaabi, wuxeyemmi taatoochi bushiisheenaꞌo daggoochee Akaziyaasi bushoo Yoꞌaashin gaajjaꞌa daammahan; biinnaa bi dichindeenon yaafee kechi gatooch aachiyan. Ebiyoommi gommona bushoo Ataaliyi kishoochee wodiye.

2 Taateenaꞌo 11:4

Tunebaani shabaattinnee natooba, Yoyaadi Kaareenaꞌonaa kellechinaꞌonochi ballee iraasheenaꞌon wochiiꞌi, bi beeti Doono Yeerichi yaafee kexooch boonoshi woyemmoyich tuniihe. Boonoshina tookkii wogoon giyiꞌi, Doono Yeerichi yaafee kexoochaa boonoshin wogiihe. Aroochee taatoochi bushoon boonoshich bekkiihe.

2 Taateenaꞌo 9:13

Aroochee boonoshi bulliyona afaafinoona boonoshi iddimoon daammii, bi shaaddeebeeti daqqellooch yaggiyeete; tiroonoo huggiꞌi, “Yehi taatetone” iꞌi awaajjiyeete.

2 Taateenaꞌo 9:3

Aroochee qiicoon daami zayitoon bi shimbooch ukkiichi, ‘Doono Yeeri, “Israꞌeelee taatoo ne tunemmoyich neen huutteto taane” itone’ gete. Aroochee kelloon qechiree woce; arooch yagiyaahine” iye.

2 Kiinoo 23:11

Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; Yoyaadinaa bi bushiisheenaꞌona biin huuttiꞌi taatiiheete. Boonoshiyoo, “Taatoo hume naton taatebe” iibee cookiyeete.

Asteeri 2:17

Taatoo bare maache bushiisheenaꞌo bulliyee beshoon Asteerin shunniye. Bare gidiide bushiisheenaꞌoyee beshoon biin shunniye; gaawe aafoonoo biin ciinniye. Ebich taatoo Yekisesi taatee gubbichoon bi shimbooch ukiiꞌi, Ashixiini keroon gennee abeetin tuniihe.

Asteeri 6:8

taatoo taheebeeti taatee tahoonaa taatoochi malletoo beeti gubbichoon bi shimbooch uketi, taatoo yebbeebeeti hareshoona wobe.

Shoddo 132:18

Bi etteenaꞌoyich yeelloon tajjemmo taane; tunebaani bi uketi gubbichoo waccemmone” iye.

Shoddo 21:3

Wodde diiroon imona biinna danehine; xalle aachee gubbichoon bi qellooch ukiihine.

Shoddo 21:4

Kashoon ne waanee qollehe; kashee genjoon, bulli yemeenooch biich immehine.

Shoddo 47:1

Macceenaꞌote, ittoshi bulli kishoon koppebote; qaaroon oogichiꞌi shoddoona Yeerich ililibote.

Shoddo 78:5

Biyoo Yaaqobichi shiijjereenaꞌoyich qociyoon neechiye; Israꞌeeleenaꞌoyichoo sheeroon geddiye; no qaabbechinaꞌoo boonoshi bushiisheenaꞌoyich boonoshi dojjemmoyichoo gettiye.

Shoddo 89:39

Ne guunona tookkaa ne giyeti wogoon biichehine; bi gubbichoonoo showooch duppaꞌa eeꞌiihine.

Shoddo 98:8

Aacinaꞌo boonoshi kishoona koppebeete; geppeenaꞌo ikkittinoona ililibee shoddebeete.

Keyo 25:16

Neech ta immemmi, sheeroo kooreeti gutte yalle xaqqeenaꞌon taabootee maac kotiibe.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Isiyaasi 8:16

Miixittinoon qodi cuye; sheeroonoo kaafi nashiree, ta dabbeenaꞌoyich imbe.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Shoosho 4:20

“Aageteenaꞌo daggoochaa nooch deebo tunemmone, bi yiirooch beeyemmo noone” no iti no taatoo, Doono Yeerina huutteti no kashee hiinno, boonoshi hiriyooch yechehe.

Daaneeli 3:9

Boonoshiyoo taatoo Nabukadinatsorich ishichiyeete: “Taatoocho, hume naton taatebe!

Daaneeli 6:21

Daaneeliyoo ishichiꞌi wochiye: “Taatoocho, hume naton taatebe!

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Maatiyoosi 27:29

Angixonoo gengiꞌi bi qellooch taatee malletoon tuneti gubbichoon ukiiheete; bi qanne kishooch shimeree gumboon yechiiheete; bi aafooch guteneꞌi, “Ayihudeenaꞌochi taatoocho, ne taatittino manjibe” iibee cooneheete; cudonoo bi toommooch cuddiyeete;

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.

2 Qorontoosi 1:21

Kiristoosina, ittoshina tookkii noon kupphii beetonaa biich no maddemmoyich noon huuttitona Yeerine.

Hibireena'o 1:9

Cadiqoon shunnehine; hukkoon shixxehine; ebich Yeeri ne Nuggishoo, ne nuucheenaꞌoyee ne beshemmoyich, neen oogiiꞌi emiree zayitoona huuttiye” iye.

Hibireena'o 2:9

Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.

Yaaꞌoo 19:12

Bi aafo qaaqqee aaxxoommone; bi shimboochoo meeti gubbichoon uketone; bi ikkeeto baachalli koniyoona ariyaani kooreeti shigo biich beetone.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 10:24

Saameeliyoo asheenaꞌo bullich “Ebi Doono Yeeri kaacciti uroon beeggii beetote? Asho bulli daggoochee biinna tato koniyoona aalloone” iye. Aroochee asheenaꞌo bulli “Taatoocho, ne taatittino manjibe” iibee cookiyeete.

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.