2 Taateenaꞌo 11:1 - Kafa Linguistics Project

¹ Akaziyaasi indee Ataaliyi bi bushoo qitoon ariyaꞌa, tiyaa taatee yaroo bullin aalliihan.

2 Taateenaꞌo 11:1 ပူးပေါင်းရင်းမြစ်များ

Halloo 9:5

Iberoochaa ashi kashoon kichimmon echeyaanoon qayaachemmo taane. Gijjoo woyee cooxolla bi tunegaata, ashi kashoon bi kichigaata, biin echemmo taane. Ashi kashoon kichimmi asho koniyoona bi tunegaata, biin echemmo taane.

Halloo 9:6

“Asho, Yeeri ta malletoona halleetone; ebich ashi damoon ukkimmochi damoon bare asho ukkemmone.

1 Taateenaꞌo 1:12

Andoo waaree, ne kashoonaa ne bushoo Solomooni kashoonon aabichiree ne wodiyemmo gaata, ta ciicoon waayebe.

1 Taateenaꞌo 2:44

Aroochee taatoo daakkiꞌi, Shimeꞌich ishichiye: “Ta nihoo Daawiti toommooch ne tuniiti gonde mooyo bullin ne mulloona ariyaabeeto neene. Ebich Doono Yeeri ne shuuneti gonde shuunoon ne toommooch wochemmone;

2 Taateenaꞌo 10:36

Yehi Shamaara beechii, Israꞌeeleenaꞌo toommooch hiyaa shimitte naton taatehe.

2 Taateenaꞌo 10:7

Koorichoo boonoshich shagaa, taatoochi bushiisheenaꞌo tuneti shabeenaꞌon yechii wuxiyeete. Eboshichi qelloon mokkooch geddiꞌi, Yezireel, Yehi waan daachiiheete.

2 Taateenaꞌo 12:1

Yehi taateti shabaattinnee natooba, Yoꞌaashi taatehe; Yerusaalem beechii aabbe naton qeejjiye. Bi indee Tsibiyi getteehan; biyoo Beershaabi katemee asheene.

2 Taateenaꞌo 25:25

Tunebaani aroobee natoobee shabaattinnee agenooba, taatee yaroochee tuneti Elishami bushoo Netaani bushoo Ishmaꞌeeli aashire asheenaꞌona tookkii waaꞌi, Gedaliyin, biinna tookkii Mitsiphi gafooch beeti Ayihudeenaꞌonaa Baabloonee asheenaꞌonon wuxiye.

2 Taateenaꞌo 8:26

Akaziyaasi bi taatehooba, bi eeno hiyaa gutte natone; Yerusaalem beechii ikke naton qeejjiye. Bi indee Ataaliyi getteehan; biyoo Israꞌeelee taatoo Omiri bushoochi busheene.

2 Taateenaꞌo 9:27

Yihudee taatoo Akaziyaasi ebin beeggiꞌi, Beet Hagaani katemee gommona bi gaarin yookkiꞌi wocciye. Yehiyoo, “Hini aroonoo wotta koyote” iibee yookkii dabbiye. Ibilaami katemee gaꞌooch beeti Guuri qaalloochaa bi gaariich bi beetaa, kochiyeete. Biyoo Megidi katemooch beddaahaa hammiꞌi, aroochaa qitiye.

2 Kiinoo 24:7

Ebiyooba gonde ure Ataaliyi bushiisheenaꞌo, Doono Yeerichi yaafee kexon boonoshi tiichitoyichiye; Doono Yeerichi yaafee kechi yaafe qiiceenaꞌonoo Baꞌaaleenaꞌochi maddooch boonoshi heechemmoyich tuniitinaꞌone.

Erimiyaasi 41:1

Aroobee natoobee shabattinnee agenooba, taatee yaroonaa taatoochi katini ginee iraasheenaꞌoochee ikkoo tuneti Elishami bushoo, Netaani bushoo Ishmaꞌeeli aashire asheenaꞌona tookkii Mitsipha, Ahiqaamichi bushoo Gedaliy waan waahe; are Mitsiphaa koshon tookkiꞌi maabee,

Maatiyoosi 2:13

Xojjenee hiddechinaꞌo hammitoyee gubb, Doonochi maraakoo gumona daneꞌi, Yooseefin “Heroodisi hini gaggere bushoon wuxiyoyich qaawii beetone; ebich tiyiree gaggeroonaa bi indeenon yeshiree, Gibits maxxebe; neech ta gettemmi wottoon, arooch kotebe” iye.

Maatiyoosi 2:16

Heroodisi xojjenee hiddechinaꞌo biin dawushoon ariiꞌi oogichii kaarehe; xojjenee hiddechinaꞌon manjii bi echee waayeti aaboon shalligiꞌi, bi ginechinaꞌon daachii Beetilehemi katemoonaa bi katinoonooch shiijjeti gutte natonaa gutte natoyee deshina tuneti gaggere anaami bushiisheenaꞌon wuxiihe.

Woraaferasheenaꞌo 9:5

Aroochee Ofira beeti bi nihoo kexooch hammiye. Yerubaꞌali bushiisheenaꞌo tuneti shabe bi maneenaꞌon ikke xaqqee toommoochaa guuriye. Tunebaani Yerubaꞌalichi guuche ciire bushoo Yotaami baach aasheꞌi wodiye.