2 Taateenaꞌo 1:9 - Kafa Linguistics Project

⁹ Aroochee taatoo aache ginee iraashoon aache bi ginee naayinaꞌona tookkii Eliyaas waan daachiihe. Aache ginee iraashoo Eliyaasi koteꞌi beeti geppee toommooch kechiꞌi biich, “Yeer ashoocho, neen taatoo, ‘Waa kindibe’ itone” iye.

2 Taateenaꞌo 1:9 ပူးပေါင်းရင်းမြစ်များ

1 Taateenaꞌo 17:18

Ureyoo Eliyaasich “Yeeri ashoocho, amooniye neech ta hallito? Hiniich ne waato, ta axaaxoon shalligichiree ta bushoon wuxiyane?” iyan.

1 Taateenaꞌo 18:10

Beeyechi ne Nuggishoo Doono Yeeri beege! Ta doono neen qaawoyich, wochoon bi daachiyaani aagetoo woyee taatee showoo aalloone. Boonoshi showooch aallo ne tunoon boonoshi arichiihooba, neen daneyaaneenaꞌo boonoshi tunoon xiishoyich, boonoshin wogiitone.

1 Taateenaꞌo 18:4

Elizabeeli Doono Yeerichi keemechinaꞌon bi wuxiihooba, Abidiyi keemechi balle asheenaꞌon daammiꞌi, aachi aachoon gutte xaqqee gofooch aachiichii, koshonaa aaconon immii beehe.

1 Taateenaꞌo 18:42

Ebich Akaabi maa ucha hammiye. Eliyaasiyoo Qermeloosi guudi toommooch kechiye. Bi qelloon bi gutenee daggooch geddiꞌi, showooch guufehe.

1 Taateenaꞌo 19:2

Elizabeeliyoo, “Ebi keemechinaꞌo toommooch ne tuniitoommon, yaach ebi goora ne toommooch tuniyoo ta qayigaata, nuggisheenaꞌo ta toommooch ebin tuniibeete; ebinoo daakkibeete” iyaꞌa Eliyaas waan wocheyechon daachiihan.

1 Taateenaꞌo 22:8

Yoshafaaxich Israꞌeelee taatoo, “Biinna Doono Yeerin no echaabeeti ikke uro beetone; biyoo Imilaahi bushoo Mikiyaasine. Tunebaani taach bi keemmiibeeto gondoonani, deꞌoon tuno bi qajjitoyich, biin shixxoye” iye. Yoshafaaxiyoo, “Taatoo ishichaaye” iye.

2 Taateenaꞌo 2:25

Elisayi Qermeloosi guudooch hammiye. Aroocheenoo Shamaara wottehe.

2 Taateenaꞌo 4:25

Ebina tiyaꞌa, Yeer asho beeti, Qermeloosi guudooch hammahan. Yeer asho wohoochaa biin beeggiꞌi, bi aafee bushoo Giyaazich, “Ciine; bekk ebeege, Shuneemee ure!

Erimiyaasi 35:4

Yeer asho tuneti Igidalichi bushoo Hanaani bushiisheenaꞌochi gatooch, Doono Yeerichi yaafee kexooch boonoshin deebo; ebi gato bi beeto iraasheenaꞌochi gatee gaꞌooch, kellechi Shaluumichi bushoo Maseyaahichi gatoyee dambane.

Amootsi 7:12

Aroochee Amasiyaasi Amootsich ishichiye: “Yaaꞌechocho, Yihudee showooch tiyi hamiree, aroochaa keembe; ne maayemmonoo boonoshi waanee danebe!

Maatiyoosi 14:3

Heroodisi bi ishichiti naboo ebine: Heroodisi bi manoo Filipphoosichi mechee Heroodiyaadin bi shaaggitoyich, Yowannisi tiyiꞌi biich “ ‘Ne manoochi mecheen shaage’ iꞌi Muusichi Sheeroo daaggaanoone” iye. Heroodisi ureechi naboyich “Yowannisin yeshi cuyote” iꞌi bi ginee naayinaꞌoochee wochehe. Boonoshiyoo hammiꞌi yechii cuyee kexooch cuchiyeete.

Maatiyoosi 26:68

“Kiristooso, neen tappeto konine? Eke keemecho ne gaata, nooch gete” iyeete.

Maatiyoosi 27:29

Angixonoo gengiꞌi bi qellooch taatee malletoon tuneti gubbichoon ukiiheete; bi qanne kishooch shimeree gumboon yechiiheete; bi aafooch guteneꞌi, “Ayihudeenaꞌochi taatoocho, ne taatittino manjibe” iibee cooneheete; cudonoo bi toommooch cuddiyeete;

Maariqoosi 15:29

Aroona besheebeeti gommechinaꞌo boonoshi qelloon shuurikkiibee naageheete. “Eeh, yaafee kexon happiichi wochiree keejje qemona haggeshocho!

Maariqoosi 15:32

Beegiree no iberiyemmoyich Israꞌeelee taatoo Kiristoosi eke and masqaloochee kindibe” iyeete. Arooba biinna tookkii yooddeti bokkeenaꞌo wotta biin naaggiyeete.

Luqaasi 9:54

Bi dabbeenaꞌo Yaaqobinaa Yowannisina ebin beeggiꞌi Yesuusin “Doonocho, ‘Qaaqqoo shimaayoochee kindiree boonoshin aalliibe’ getona?” iꞌi echeheete.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;

1 Saameeli 19:21

Saaꞌooli ishin waayeꞌi, bare asheenaꞌon daachiihe. Boonoshiyoo keemoon keemooch giyiyeete. Biyoo keejjinnoon bare asheenaꞌon daachiihe. Boonoshiyoo wotta keemoon keemooch giyiyeete.