2 Taateenaꞌo 1:13 - Kafa Linguistics Project

¹³ Taatoo wochinnoon bi waan keejjinnoochaa aache ginee iraashoon aache bi ginee naayinaꞌona tookkii daachiihe. Keejjinneexi aache ginee iraashoo damba hammiꞌi, Eliyaasi aafooch bi gutenoona dihiichii, “Yeer ashoocho, ta kasheenaa hini aache ne guuninaꞌochi kasheena ne aafoochaa gidoon bi danemmoyich neen qollehoye.

2 Taateenaꞌo 1:13 ပူးပေါင်းရင်းမြစ်များ

1 Taateenaꞌo 13:6

Aroochee Yeer ashoyich taatoo, “Taach ne Nuggishoo Doono Yeerin qollebe; ta kishoo wodemmoyich corootibe” iye. Ebich Yeer asho Doono Yeerin qollehe. Taatoochi kishoo wodiye; wonnee bi gooroochoo wottehe.

2 Taateenaꞌo 1:12

Tunebaani Eliyaasi wochiꞌi, “Yeer asho ta tunegaata, qaaqqoo shimaayoochee kindiree, neennaa aache ne asheenaꞌonon mame” iye. Areegaata, Yeerichi qaaqqoo shimaayoochee kindiꞌi, biinnaa aache bi asheenaꞌonon maahe.

2 Taateenaꞌo 1:14

Ebiyoche, qaaqqoo shimaayoochee kindiꞌi, gutte aache ginee iraasheenaꞌonaa aachi aache boonoshi asheenaꞌonon maatone. Tunebaani and ta kashe ne aafoochaa gaawe aafoona ciichebuye” iye.

Shoddo 102:17

Duꞌetinaꞌochi cookoon waayemmone; boonoshi qolloonoo hoxeyaachemmone.

Shoddo 72:14

Boonoshi kasho bi aafoochaa aaxxoo bi tunetoyich, neexaa hajjeyoonaa xuꞌonoochee boonoshin biishemmone.

Keyo 11:8

Hini ne iraasheenaꞌo bulli ta waan waaree yiti tiyibee, ‘Newoo tuneb neen dabbiibeeti asho bulli keyi hambote’ geti qollemminaꞌone. Tawoo aroyee gubb hammemmo taane” iye. Aroochee ippee shineꞌi, Farooni aafoochee kechiye.

Shaahiyoo 27:22

Tuushe ashoon, bottoochaa maayoon bottoommon, bottee bushoona ne bottetaanona, bi tuushoo biin gawukkaache.

Dojjecho 9:3

Kashecho bullichi ciiro ikke shaahoo tuno, ebi hini showee toommooch tuneebeeti gonde mooyone. Asheenaꞌochi mullooch gondo ceennitone; boonoshi kashee yemeeno bulliich boonoshi mullooch geyo beetone; ciiroochaanoo qitemminaꞌone.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 60:14

Neen neexxii hajjitinaꞌochi yareenaꞌo yiti goyinnebee, ne waan woyemminaꞌone; neen hoxetinaꞌo bulli ne baatooch goyinnemminaꞌone; neenoo ‘Doono Yeerichi katemee, Israꞌeelee Yaafoochi tuneti, Tsiyoone’ geti ceeggemminaꞌone.

Isiyaasi 66:2

Ebi bulli mooyon hallito taane; ebich ebi bulli mooyo taachone. Tunebaani ta ciinnaabeeto, boonoshi mullo tiishetinaꞌo waan, qelloon giishiyee ayaanechinaꞌonaa ta qaaroon oogii beetinaꞌona waaniye.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Yaaqobi 4:7

Illa Yeerich hajjeebote; daabiloosinoo koyebote; biyoo ittoshi waanee wokkemmone.

Yaaꞌoo 3:9

Ayihudo tuneyaanoon, ‘Ayihudo noone’ iꞌi koottiibeeti, Sheexaanoyich maddeebeeti guuphoochee tunetinaꞌon ne baatooch waaree boonoshi dihemmoyich tuniyemmo taane; ebinoo neen ta shunon ariyemminaꞌone.

1 Saameeli 26:21

Saaꞌooliyoo “Gondeto taane. Ta bushoo Daawito, wottebe; hanaach ta kashe ne aafoochaa aaxxe tunaꞌa bekketine. Ebich ebiyee damba ne toommooch gonde mooyon tuniyaachemmo taane. Tuushe ashi shuunoon shuuneto taane. Oogichaꞌa muricceto taane” iye.