2 Saameeli 9:7 - Kafa Linguistics Project

⁷ Daawitiyoo biich ishichiye: “Shattaahine; ne nihoo Yonaataanicha getiree neech deeyemmo taane. Ne nihinihoo Saaꞌoolicho tuneti showoo bullin neech wochemmo taane. Bulli aaboonoo ta madoochee maayemmo neene” iye.

2 Saameeli 9:7 ပူးပေါင်းရင်းမြစ်များ

Halloo 43:18

Uro Yooseefi kexooch boonoshin daammitoyich shattiyeete; ishichii gabiyeete: “Hiniich noon bi deebito, ebiyee aaf hini showooch waaꞌa no wottehooba, no mollexxooch wochaa giyiti gijjee naboyich tuno qayaache. Uro no toommooch ikke mooyon hallemmone; no kureenaꞌon boggemmone; noonoo giidoona guunon tuniyemmone” iꞌi shattiyeete.

Halloo 43:23

Uroo “Keqqiyaahote; amoyichona shattaahote; ittoshi mollexxi mollexxee daggooch daneti gijjoon ittoshich immito, ittoshinaa ittoshi nihoonochi Nuggishoone. Ta gaata, ittoshi gijjoon arooba deqqeto taane” iye. Aroochee Simoonin kichii deebii boonoshina daniihe.

2 Saameeli 12:8

Bi taatittinoon neech immehoye; bi mecheenaꞌonoo ne sheenooch ne tiqqemmon tuniihoye. Israꞌeeleenaꞌonaa Yihudee asheenaꞌonochi toommooch neen taatiihoye. Ebi giisheto gaata, ebiyee beshoon daakkiree immesho taane.

2 Saameeli 19:28

Ta nihinihoochi kechi asheenaꞌo bulli taatoo ta doono ne aafoochee wuxaa aalli bedeenaꞌone; tunebaani ne guuno taan ne madoochee maa beetinaꞌo daggooch tuniihine. Ebiyee besho taach bi tunemmon taatoon echoyich beddeti asho toono taane” iye.

2 Saameeli 19:29

Taatoo biich wochiꞌi, “Mooyon aakkiyane geechaa genjiyaa ne beeto? Neennaa Siibina showoon ittoshi qoodeyemmoyich getteto taane” iye.

2 Saameeli 19:33

Taatoo Barizilayin “Taanna tookki Yerusaalem beebe. Tawoo ta kechi daggooch neen tuniiree deggemmo taane” iye.

2 Saameeli 21:7

Tunebaani Daawiti, biinnaa Saaꞌooli bushoo Yonaataanina Doono Yeeri aafoochaa boonoshinaa boonoshina wogeti wogoyicha iꞌi, Saaꞌooli bushoo Yonaataanichi bushoo Mefiboshetin beshiiꞌi imaanoone.

2 Saameeli 9:1

Ikke areddoon taatoo Daawiti “Yonaataanicha getiree biich deꞌoon ta deeyemmoyich, Saaꞌooli kechi asheenaꞌo daggoochee echeti asho beete?” iꞌi echehe.

2 Saameeli 9:10

Ne, ne bushiisheenaꞌonaa ne naayinaꞌona ne doono bushoochi bushoo bi maayemmon bi danemmoyich bi showoon goyote; maayoonoo gotebote. Tunebaani Mefibosheti bi qelloona bulli aaboon ta madoocheeniye bi maayemmo” iye. Arooba Siibich aaraa uuche anaami bushiisheenaꞌonaa hiye naayinaꞌona beetinaꞌone.

2 Saameeli 9:11

Siibiyoo taatoyich “Ta doono ne gettetoommon, ne guuno ta, tuniyemmo taane” iye. Ebina Mefibosheti taatoochi bushiishoochee ikkoochoommon bi madoochee maa beehe.

2 Saameeli 9:13

Mefiboshetiyoo taatoochi madoochee maabee Yerusaalem beehe. Biyoo gutte baata sheqqoone.

2 Saameeli 9:3

Taatoo biin “Yeeri aafooch wogoon ta giyetoommon, biich ta deeyemmoyich, Saaꞌooli kechi asheenaꞌo daggoochee echeto beete?” iye. Siibiyoo taatoyich “Yonaataani bushoo beetone. Biyoo gutte baata sheqqoone” iye.

1 Taateenaꞌo 2:7

“Ne manoo Abisoloomi aafoochee maxxaꞌa ta hammehooba, gaawe mooyon taach boonoshi tuniitoyich, Gilaadee asho Barizilayi bushiisheenaꞌoyich gaawe mooyon tuniibe. Ne madoochee maabeeti asheenaꞌona tookki mameete.

2 Taateenaꞌo 25:29

Cuyee kexoochaa Yoyakiini taheebeeti tahoonoo shaddiye. Aroochee Yoyakiini bi qitimmi wottoon taatoochi madoochee maa beehe.

Shoddo 41:9

Ta gibeneti ta katini xiboo ta koshon taanna tookkii maato, ta toommooch tiyiye.

Erimiyaasi 52:33

Yoyakiini cuyee kechi tahoon shaddiye. Aroochee Yoyakiini bi kashee yemeeno bulliich taatoochi madoochee maa beehe.

Zakaariyaasi 7:9

“Beshe Mawe Doono Yeeri ta, ta asheenaꞌoyich ishichiyoye: ‘Ibere nalloon nallibote; ittoshinaa ittoshina ariqqeebote; shoodeeshoo getote.

Maatiyoosi 6:11

Heeyi koshon hanaach nooch imbe.

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.

1 Saameeli 12:24

Ittoshi baach Doono Yeerin shatote; biich gibeneeton tuneree, ceeni ittoshi mulloona biich goyinne maddebote; ittoshich bi tuniiti worganikkiti mooyinaꞌon shalligibote.

1 Saameeli 20:15

Doono Yeeri ne etteenaꞌo bullin showee toommoochee hidii bi aalliihooba, ne deꞌittinoon ta kechi asheenaꞌo waanee bulli yemeenoon kuxxaahine” iye.

1 Saameeli 22:23

Andoo taanna tookki beebe; shattaahine; taan wuxiya qaawiibeeto, neenoo wuxiya qaawii beetone; taanna tookki diggoona beeyemmo neene” iye.