2 Saameeli 8:6 - Kafa Linguistics Project

⁶ Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

2 Saameeli 8:6 ပူးပေါင်းရင်းမြစ်များ

2 Saameeli 10:19

Hadadezeerich hajjeebeeti taateenaꞌo bulli Israꞌeeleenaꞌo boonoshin kochii wochoon ariiheete. Ebich Israꞌeeleenaꞌona tookkii shuneꞌi boonoshich hajjeeheete. Aroyee gubb, Sooriyeenaꞌo Amooneenaꞌon gaachemmon shattiyeete.

2 Saameeli 23:14

Ebiyooba Daawiti mishigooch bi beetaa, Filsixeemee ginee naayinaꞌo Beetilehemin yechitinaꞌone.

2 Saameeli 3:18

Doono Yeeriyoo, ‘Ta guuno Daawiti kishoona ta asheenaꞌo tuneti Israꞌeeleenaꞌon Filsixeemeenaꞌo kishoonaa boonoshi etteenaꞌo bulli kishoonoochee kichemmo taane’ iꞌi Daawitich bi gibenikkitoyich, illa ebi aafi ittoshi gaboon and tuniibote” iye.

2 Saameeli 5:10

Daawitiyoo Beshe Mawe Nuggishoo Doono Yeeri biinna tookkii bi tunetoyich, qemi qemona kupphee kupphee hammiye.

2 Saameeli 7:9

Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane.

2 Saameeli 8:14

Edoomee showoo bulliich bi ginee kaamboon kotiihe. Edoomeenaꞌo bulliyoo biich hajjeeheete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

2 Saameeli 8:2

Ebiyoommon wotta Moꞌabeenaꞌon kochii wochiye. Boonoshinoo showooch qeejjiichii, woderoona qellayiye. Ebi qellayeetinaꞌoochee gutte beeroon wuxiichii, ikke beeroon wuxaanoon echiihe. Ebina Moꞌabee asheenaꞌo Daawitich hajjeeꞌi biich gibiroon qocciyeete.

2 Saameeli 8:7

Daawiti Hadadezeerichi naayinaꞌo yechiibeeti, aachoochee shuuneeti gaacheenaꞌon deqqiꞌi Yerusaalem daammiye.

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

2 Taateenaꞌo 1:1

Akaabi qititoyee gubb, Moꞌabee asheenaꞌo Israꞌeeleenaꞌo toommooch hukkoon tiijjiyeete.

2 Taateenaꞌo 14:28

Yeroboꞌami shuuneti eche shuunoo, bi tuniiti mooyo bullinaa oogeti giidecho bi tunoona, aabichii bi koyeto gaata, wotta Yihudee showooch wotteti Damaasiqinaa Hamaatinon aabichiꞌi Israꞌeelee showooch bi wochito gaata Israꞌeelee taateenaꞌo kiinee macaafooch kooreetone.

2 Taateenaꞌo 18:7

Doono Yeeri biinna tookkii bi beetoyich, bi tuniibeeto bulli biich kaamehe. Asooree taatoo toommooch hukkoon tiijjiꞌi biich hajjeyoon qajjiye.

2 Taateenaꞌo 3:4

Ebiyooba Moꞌabee taatoo Meeshi bagoon shiijjii beetone. Biyoo balle hume gishiishi bagee baaddoonaa balle hume ogooge bagee baaddoonochi huushoon Israꞌeelee taatoyich giijjii beehe.

1 Kiinoo 18:13

Biyoo Edoomee showooch ginee kaamboon kotiihe. Edoomeenaꞌo bulliyoo taatoo Daawitich hajjeeheete. Doono Yeeriyoo Daawiti bi hammito aabiichaanona wudoon bi danemmoyich tuniihe.

2 Kiinoo 17:2

Yihudee showeexi mishigechi katemeenaꞌonaa Yihudee showoo bullinooch, bi nihoo kochii yechiti Efreemee katemeenaꞌoochoo ginee iraasheenaꞌon kotiihe.

Shoddo 140:7

Doono Yeero, giidechi wodiyechi ta Doonocho, koyee aabooba taan deebehine.

Shoddo 60:10

Yeero, noon duppeto neene; Yeero, no ginee naayinaꞌona tookkaa keyaano neene.

Shaahiyoo 21:31

Koyoobich hareshoo qanniye; tunebaani wudoon immiibeeto Doono Yeerine.

1 Saameeli 13:3

Yonaataani Geeba beeti Filsixeemeenaꞌon kochii wochiye. Filsixeemeenaꞌo ebin waayeheete. Saaꞌooliyoo “Hibireenaꞌo ebin waayebeete” iꞌi showoo bulliich tiroon (waaringoon) hukkiihe.

1 Saameeli 14:1

Ikke areddoon Saaꞌooli bushoo Yonaataani bi ginee qiicoon shaaggiibeeti gurimaashe bi naayon, “Ne waataa okk ebi Filsixeemeenaꞌo kaambooch hambone” iye. Tunebaani ebin bi nihoo Saaꞌoolich getaanoone.

1 Saameeli 14:15

Keqqoo ginee naayinaꞌo daggooch, goyee xaaꞌoonaa asheenaꞌo bulli daggoonooch tunehe. Kaambooch beeti ginee naayinaꞌonaa koyi aalliiya kechitinaꞌona qeweheete. Showeyoo qewahan. Ebi keqqoo Yeer waanee waati keqqoone.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.