2 Saameeli 8:4 - Kafa Linguistics Project

⁴ Daawitiyoo hareshechi ikke humaa shabaatte balle ginee naayinaꞌonaa baatechi hiye hume ginee naayinaꞌonon kecciye. Balle gaarin geechemmi haresheenaꞌon baach echiichii echetinaꞌo bullichi tingoon qeccee kuxxiye.

2 Saameeli 8:4 ပူးပေါင်းရင်းမြစ်များ

Halloo 49:6

Boonoshi koceyooch ta giyaache; boonoshi iitee xaaꞌooch ta daneyaache. Ippoona tiyiꞌi asheenaꞌon wuxitinaꞌone; gatteenaꞌochi tingoonoo qeccee kaachitinaꞌone.

1 Taateenaꞌo 10:26

Solomooni gaarinaꞌonaa hareshechinaꞌonon kiciye. Ikke humaa awudde balle gaarinaꞌonaa aaraa gutte hume hareshechinaꞌona biich beetinaꞌone. Eboshinoo gaarinaꞌochi katemoonaa bi beeti Yerusaaleminooch boonoshi beeyemmoyich tuniihe.

1 Kiinoo 18:4

Daawitiyoo hume gaarin, shabaatte hume hareshechi ginee naayinaꞌonaa hiye hume baatechi ginee naayinaꞌonon kecciye. Balle gaarin geechemmi haresheenaꞌon baach echiichii echetinaꞌo bullichi tingoon qeccee kuxxiye.

Shoddo 20:7

Ikkikke asheenaꞌo boonoshi gaarinaꞌona, bareenaꞌo boonoshi haresheenaꞌona, yebeneheete; tunebaani no, no Nuggishoo Doono Yeerichi shigoona yebenehone.

Yibbaatoo 17:16

Ebi taatoo meeti hareshoon hajjaaye; meeti hareshoon danoyich asheenaꞌon Gibits daachiyaaye. Ebiyoo Doono Yeeri bi asheenaꞌo arooch boonoshi wotteyaachemmoyich bi gettitoyichiye.

Yaasi 11:6

Doono Yeeri Yaasin “Boonoshin shattaahine; eboshi bullin wuxemmo taane; yaach ebi goora Israꞌeeleenaꞌo kishooch beshiiree immemmo taane. Aroyee gubb boonoshi haresheenaꞌo tingoon qeccemmo neene; boonoshi gaarinaꞌonoo qaaqqoona michemmo neene” iye.

Yaasi 11:9

Doono Yeeri biich bi gettitoommon, Yaasi boonoshi haresheenaꞌo tingoon qeccehe; boonoshi gaarinaꞌonoo qaaqqoona michiye.