2 Saameeli 8:3 - Kafa Linguistics Project

³ Daawiti Efiraaxisi aachi gaꞌooch beeti showoon wochi yecha hammii beehe. Hammiibee gommoochaa, Sooriyeenaꞌo beeti, Tsobaahee taatoo tuneti, Rehoobi bushoo Hadadezeerin kochii wochiye.

2 Saameeli 8:3 ပူးပေါင်းရင်းမြစ်များ

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

2 Saameeli 10:15

Sooriyeenaꞌo Israꞌeeleenaꞌo boonoshin kochii wochoon beeggiꞌi, boonoshi ginee naayinaꞌo bullin ikkooch kiciyeete.

2 Saameeli 10:16

Taatoo Hadadezeeri Efiraaxisi aachee beqach beeti Sooriyeenaꞌo waan wochoon daachiiꞌi, boonoshi woyemmoyich tuniihe. Boonoshiyoo Hadadezeerichi ginee iraashoo Shobaakina tookkii Helaam hammiyeete.

2 Saameeli 10:19

Hadadezeerich hajjeebeeti taateenaꞌo bulli Israꞌeeleenaꞌo boonoshin kochii wochoon ariiheete. Ebich Israꞌeeleenaꞌona tookkii shuneꞌi boonoshich hajjeeheete. Aroyee gubb, Sooriyeenaꞌo Amooneenaꞌon gaachemmon shattiyeete.

2 Saameeli 10:6

Amoonee asheenaꞌo Daawiti boonoshin bi tiyaaroon ariiheete; ebich Beet Rehoobinaa Tsobaahinoochee hiye hume Sooriyee ginee naayinaꞌon, Maꞌaki taatoon ikke hume bi asheenaꞌona tookkii, wotta Xoobee aaraa gutte hume asheenaꞌon kiraayiyeete.

2 Saameeli 23:36

Tsobaahechi Naataani bushoo Igaali, Gaadee asho Baniyi,

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

1 Kiinoo 18:3

Daawiti Efiraaxisi aachi gaꞌooch beeti showoon koyi yecha bi hamiyooba, Tsobaahee taatoo Hadadezeerin Hamaat beddaahaa hammii kochiye.

2 Kiinoo 8:3

Aroochee Solomooni Hamaat Tsobaaha hammiꞌi kochii yechiye.

Shoddo 60:1

Yeero, noon duppetine; noon tiichetine; noon kaareto neene; noon wochiree wodiibe.

Shoddo 72:8

Baharoochee baharooch beddaahaa, Efiraaxisi aacoochee showee tuggooch beddaahaa, qeejjibe.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Yibbaatoo 11:24

Ittoshi baatoo neexxiti showoo bulli ittoshicho tunemmone. Ittoshi showee daaro deshi-waan beeti barahoochee tiijjiree, dambi-waan beeti Libanoosi guudinaꞌooch beddaahaa, aabi-keyo waanaa Efiraaxisi aaconaa aabi-gimo waanaa Meditiraanee baharoonooch beddaahaa tunemmone.

1 Saameeli 14:47

Saaꞌooli Israꞌeeleenaꞌo toommooch bi taatittinoon bi manjiitoyee gubb, bi guudoona beeti bi etteenaꞌo bullina koyehe. Eboshiyoo Moꞌabeenaꞌo, Amooneenaꞌo, Edoomeenaꞌo, Tsobaahee taateenaꞌonaa Filsixeemeenaꞌone. Bi hammito, aabiichona beetinaꞌo bullin kochii wochiye.