2 Saameeli 8:14 - Kafa Linguistics Project

¹⁴ Edoomee showoo bulliich bi ginee kaamboon kotiihe. Edoomeenaꞌo bulliyoo biich hajjeeheete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

2 Saameeli 8:14 ပူးပေါင်းရင်းမြစ်များ

Halloo 25:23

Doono Yeeriyoo biich ishichiye: “Ne maacoochee shiijjemmi, gutte aageteenaꞌo tunemmi bushiisheenaꞌo gubb boonoshinaa boonoshina shixemmi aageteenaꞌon tunemminaꞌone; ikkoo baroyee beshe giidecho tunemmone; qaabboo guuchoyich hajjeyemmone” iye.

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

2 Saameeli 5:10

Daawitiyoo Beshe Mawe Nuggishoo Doono Yeeri biinna tookkii bi tunetoyich, qemi qemona kupphee kupphee hammiye.

2 Saameeli 7:9

Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane.

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

2 Saameeli 8:6

Aroochee Sooriyee showooch beeti Damaasiqa bi ginee kaamboon kotiihe. Ebina Sooriyeenaꞌo Daawitich hajjeeꞌi biich gibiroon qocciyeete. Doono Yeeriyoo Daawiti bi hammito aabiichaanona, wudoon bi danemmoyich tuniihe.

1 Taateenaꞌo 11:15

Ebiyee aaf Daawiti Edoomeenaꞌona bi koyehooba, qititinaꞌon duukka waati, bi ginee iraashoo Yoꞌaabi Edoomee showooch beeti anaamo bullin wuxitone.

1 Taateenaꞌo 22:47

Ebiyooba Edoomee showooch taatoo aalloone; showoon qeejjiibeeto, Yihudee taatoo iraashiiti iraashoone.

1 Taateenaꞌo 22:48

Yoshafaaxi aachoon deeboyich, Ofiir hammemmi, Tarisheshee markabeenaꞌon shuuniihe. Ebi markabeenaꞌo Etsiyoon Geberaa boonoshi tiishetoyich, hamaaneenaꞌone.

2 Taateenaꞌo 14:7

Biyoo Kiikki bamboo gettee beetoochaa aashire hume Edoomee asheenaꞌon wuxiye. Selaahi katemoon kochii yechiꞌi, bi shigoon Yoqiteeli iꞌi shigiihe. Hanaach beddaahaa ebi shigoona ceekkee beetone.

2 Taateenaꞌo 18:7

Doono Yeeri biinna tookkii bi beetoyich, bi tuniibeeto bulli biich kaamehe. Asooree taatoo toommooch hukkoon tiijjiꞌi biich hajjeyoon qajjiye.

1 Kiinoo 18:13

Biyoo Edoomee showooch ginee kaamboon kotiihe. Edoomeenaꞌo bulliyoo taatoo Daawitich hajjeeheete. Doono Yeeriyoo Daawiti bi hammito aabiichaanona wudoon bi danemmoyich tuniihe.

Shoddo 60:1

Yeero, noon duppetine; noon tiichetine; noon kaareto neene; noon wochiree wodiibe.