2 Saameeli 7:13 - Kafa Linguistics Project

¹³ Taach kexon haggemmo, biine. Bi taatittinee qeenonoo bulli yemeenoon manjiyemmo taane.

2 Saameeli 7:13 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

2 Saameeli 22:51

Doono Yeeri bi taatiiti taatoyich wudoon immii beetone; bi huuttitoyich bi shoodoon bekkii beetone; ebinoo Daawitinaa bi shiijjereenaꞌonoyich bulli yemeenoon tuniihe” iye.

2 Saameeli 7:16

Ne kexonaa ne taatittinoona ta aafooch bulli yemeenoon manjiree beeyemmone. Ne taatee qeenoo bulli yemeenoon manjiree beeyemmone’ itone gete” iye.

2 Saameeli 7:27

“Beshe Mawe Doono Yeero, Israꞌeelee Nuggishoocho, ‘Ta neech kexon haggemmo taane’ iyaꞌa ebi mooyon taach ne arichiitoyich, ne guuno ta ebi corootoon ne waan corootoyich aafoon kuppheto taane.

1 Taateenaꞌo 2:24

Andoo taan manjiiti, ta nihoo Daawitichi taatee qeenooch taan kotiiti, bi gibenikkitoommon, kuxeyaani taatittinoon taannaa ta shiijjeroonoyich immiti, beeyechi Doono Yeeri beege! Adoniyaasi hanaach qitemmone” iye.

1 Taateenaꞌo 2:4

Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

1 Taateenaꞌo 2:45

tunebaani taan diiremmone; Daawitichi taatee qeenonoo bi aafooch bulli yemeenoon manjiyemmone” iye.

1 Taateenaꞌo 5:5

Ebiyoche, Doono Yeeri ta nihoo Daawitich ‘Ne keroon, ne taatee qeenooch ta kotiyemmi ne bushoo ta shigoyich kexon haggemmone’ iꞌi bi gettitoommon, ta Nuggishoo Doono Yeerich kexon hagoyich gabito taane.

1 Taateenaꞌo 6:12

“Ta qociyoona ne hamigaata, ta doyoyich deꞌa ne getigaata, ta geto bullin ne quyegaata, ne tuniigaatoo, ebi ne shuunaabeeti kexichon ne nihoo Daawitich ta gibenikkiti gibenoon neenna ceechemmo taane.

1 Taateenaꞌo 8:13

Tawoo bulli yemeenoon ne beeyemmi, worganikkiti yaafee kexon neech haggeto taane” iye.

1 Taateenaꞌo 8:15

Ishichiinoo iye: “Israꞌeelee Nuggishoo Doono Yeeri galleteebe! Biyoo ‘Ta asheenaꞌo tuneti Israꞌeeleenaꞌon Gibitsee kichaa ta deebeti aaboochee tiijjaꞌa, ta shigo arooch beeyemmi yaafee kexo hakkemmoyich, Israꞌeelee yoodo bulli daggoochee katemoo aabinona kaacaano taane; tunebaani ta asheenaꞌo tuneti Israꞌeeleenaꞌo toommooch ukkiroo bi tunemmoyich, Daawitin kaacceto taane’ iꞌi, ta nihoo Daawitich bi gibenikkiti gibenoon ceechitone.

1 Taateenaꞌo 8:19

Tunebaani ta shigoyich kexon haggemmo, ne gutenoochee kechemmi ne bushoani, ne toono neene’ itone.

2 Taateenaꞌo 21:4

Doono Yeeri, “Ta shigo Yerusaalem bi beeyemmoyich tuniyemmo taane” bi iti, Doono Yeerichi yaafee kechi daggooch aageteenaꞌo nuggisheenaꞌoyich deejjee gudeenaꞌon shuunehe.

2 Taateenaꞌo 21:7

Doono Yeeri Daawitinaa bi bushoo Solomooninoyich, “Hini yaafee kexo, hini Yerusaalemi ta shigo bulli yemeenoon bi beeyemmoyich, Israꞌeelee yoodeenaꞌo showoo bulliichee ta kaacceti xaaꞌoone. Israꞌeeleenaꞌo boonoshich ta getteti mooyo bullin boonoshi quyegaata, ta guuno Muusi boonoshich gettiti sheeroo bullin boonoshi ceechi gaatoo, boonoshi qaabbechinaꞌoyich ta immeti hini showoochee waaxeree boonoshi yallyallimemmoyich tuniyaachemmo taane” iꞌi bi gettiti yaafee kexooch, nuggishee Asheeri misiloon qiicii shuuneꞌi, deebii neechiye.

2 Taateenaꞌo 8:19

Tunebaani Doono Yeeri bi guuno Daawiticha iꞌi, Yihudee taatittinoon aalliyoon qaawaanoone. Ebiyoo Daawitinaa bi yaroonochi ceechoon bulli yemeenoon takkaachemmo bi tunoon Daawitich bi gibenikkitoyichiye.

1 Kiinoo 28:10

Illa and, Doono Yeeri yaafee kexon biich ne haggemmoyich neen bi kaacon batteyaahine; kuppheree shuunebe” iye.

2 Kiinoo 33:4

Doono Yeeri, “Ta shigo Yerusaalem bulli yemeenoon bi beeyemmoyich tuniyemmo taane” bi iti, Doono Yeerichi yaafee kechi daggooch aageteenaꞌochi nuggisheenaꞌoyich deejjee gudeenaꞌon shuunehe.

2 Kiinoo 6:16

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta sheeroon ne quyoommon, ne bushiisheenaꞌo baach manjii quyebeetani, ta aafooch Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

Iyoobi 36:7

Yeeri cadiqeenaꞌon quyee beetone; taateenaꞌochoommon qeenooch boonoshin kotii beetone; bulli yemeenoon boonoshin oogii beetone.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Shoddo 89:21

Ebich ta kishoo bulli aabooch biinna tookki tunemmone; ta mochoo biin kupphiyemmone.

Shoddo 89:29

Bi shiijjeroon bulli yemeenoon, bi taatee qeenonoo shimaayoo manjiꞌi beemoommon, manjiyemmo taane.

Shoddo 89:4

‘Ne yareenaꞌon bulli yemeenoon taatiyemmo taane; ne taatee qeenon shiijjeroo bulliich manjiyemmo taane’ iyoye” ito neene.

Isiyaasi 49:8

Doono Yeeri ishichiye: “Shucheti aabooba neech wochemmo taane; wodiyee aabooba neen gaachemmo taane; neenoo quyemmo taane; showoon wochi ne shuunemmoyich, ashaalli shokkoo echeti showoon ne qoodemmoyich, wogoon neen tuniiya asheenaꞌoyich immeto taane.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 33:17

Ebich Doono Yeeri ishichiye: “Daawiti yaroochee Israꞌeelee taatee qeenooch kotemmo mucceyaachemmone.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Daaneeli 2:44

“Ebi are taateenaꞌochi yemeenooch shimaajji Nuggishoo bulli yemeenoon beeyemmi taatittinoon neechemmone. Ebi taatittino bare asheenaꞌo kochii wochoon hakkaani taatittinoone. Biyoo ebi taatittineenaꞌo bullin buriciree aalliichi, bulli yemeenoon beeyemmone.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Zakaariyaasi 6:13

Doono Yeerichi yaafee kexon haggemmo biine. Taatee oogoon deꞌiree, taatee qeenooch koteechi bi asheenaꞌon qeejjemmone; bi taatee qeechi gaꞌoochoo qeeshoon tunemmone. Guttiyona ikkittinoona, diggoona shuunemminaꞌone’ itone gete.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Hibireena'o 3:3

Kexon haggiibeeti asho ebi are kexoyee beshe oogo biich beemoommon, Yesuusiyoo Muusiyee beshiti oogee yiirecho bi tuno qaawiti mooyone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.