2 Saameeli 7:12 - Kafa Linguistics Project

¹² Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.

2 Saameeli 7:12 ပူးပေါင်းရင်းမြစ်များ

Halloo 15:4

Arooba Doono Yeeri wochinnoon Abraamich ishichiye: “Neech beeto bullin woraashemmo, ne gutenoochee kechemmi, ne hajjee bushoani, hini uro toonoone” iye.

2 Saameeli 22:51

Doono Yeeri bi taatiiti taatoyich wudoon immii beetone; bi huuttitoyich bi shoodoon bekkii beetone; ebinoo Daawitinaa bi shiijjereenaꞌonoyich bulli yemeenoon tuniihe” iye.

1 Taateenaꞌo 1:21

Ebi tuno qayigaata, taatoo ta doono ne, kashaꞌa ne qaabbechinaꞌo waan ne xaꞌeehooba, taannaa ta bushoo Solomoonina gonde ashooch haddeyemmo noone” iyan.

1 Taateenaꞌo 1:48

‘Hanaach ta yaroochee ta taatee qeenooch kotemmon ta hajjee aafo beeggemmoyich tuniiti, Israꞌeelee Nuggishoo Doono Yeeri galleteebe’ itone” iye.

1 Taateenaꞌo 2:1

Daawiti qitemmi aabo katinee, bi bushoo Solomoonich ishichiꞌi gettiye:

1 Taateenaꞌo 2:10

Aroochee Daawiti qitii bi qaabbechinaꞌo waan xaꞌeeꞌi Daawiti Katemooch duukkehe.

1 Taateenaꞌo 2:4

Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

1 Taateenaꞌo 5:5

Ebiyoche, Doono Yeeri ta nihoo Daawitich ‘Ne keroon, ne taatee qeenooch ta kotiyemmi ne bushoo ta shigoyich kexon haggemmone’ iꞌi bi gettitoommon, ta Nuggishoo Doono Yeerich kexon hagoyich gabito taane.

1 Taateenaꞌo 8:15

Ishichiinoo iye: “Israꞌeelee Nuggishoo Doono Yeeri galleteebe! Biyoo ‘Ta asheenaꞌo tuneti Israꞌeeleenaꞌon Gibitsee kichaa ta deebeti aaboochee tiijjaꞌa, ta shigo arooch beeyemmi yaafee kexo hakkemmoyich, Israꞌeelee yoodo bulli daggoochee katemoo aabinona kaacaano taane; tunebaani ta asheenaꞌo tuneti Israꞌeeleenaꞌo toommooch ukkiroo bi tunemmoyich, Daawitin kaacceto taane’ iꞌi, ta nihoo Daawitich bi gibenikkiti gibenoon ceechitone.

1 Taateenaꞌo 8:19

Tunebaani ta shigoyich kexon haggemmo, ne gutenoochee kechemmi ne bushoani, ne toono neene’ itone.

1 Taateenaꞌo 8:20

“Andoo Doono Yeeri bi gibenikkiti gibenoon ceechitone. Doono Yeeri bi gibenikkitoommon, ta nihoo Daawitichi xaaꞌooch kereeto taane; Israꞌeelee taatee qeenooch koteto taane; Israꞌeelee Nuggishoo Doono Yeerichi shigoyichoo kexon haggeto taane.

1 Taateenaꞌo 9:5

ne nihoo Daawitich ‘Israꞌeelee taatee qeenooch kotemmi asho ne yaroochee mucceyaachemmone’ iyaꞌa ta gettetoommon, ne taatee qeenon Israꞌeeleenaꞌo toommooch bulli yemeenoon manjiyemmo taane.

2 Taateenaꞌo 8:19

Tunebaani Doono Yeeri bi guuno Daawiticha iꞌi, Yihudee taatittinoon aalliyoon qaawaanoone. Ebiyoo Daawitinaa bi yaroonochi ceechoon bulli yemeenoon takkaachemmo bi tunoon Daawitich bi gibenikkitoyichiye.

1 Kiinoo 17:11

Qitaꞌa ne qaabbechinaꞌo waan ne xaꞌeehooba, ne bushiisheenaꞌo daggoochee ikkoon taatiyemmo taane; bi taatittinoonoo manjiyemmo taane.

2 Kiinoo 1:9

Nuggishoo Doono Yeero, ta nihoo Daawitich ne gibenikkiti gibenoon ceechibe. Showee toommeexi qacoochoommon woddeti asheenaꞌo toommooch taan taatiito neene.

2 Kiinoo 13:5

Israꞌeelee Nuggishoo Doono Yeeri Daawitinaa bi yareenaꞌona Israꞌeeleenaꞌo toommooch bulli yemeenoon boonoshi taatemmoyich, kiikki wogoon bi gimon ariyaachote?

2 Kiinoo 21:7

Tunebaani Doono Yeeri Daawitina tookkii bi giyiti wogoyich, bi yareenaꞌon aalliyoon qaawaanoone; Daawitinaa bi yareenaꞌonoyich bulli yemeenoon beeyemmi ceechoon yeshiyoyich gibenikkitone.

2 Kiinoo 23:3

Boonoshi bulliyoo Yeerichi yaafee kexoochaa taatoona tookkii wogoon giyiyeete. Yoyaadiyoo boonoshich ishichiye: “Taatoochi bushoo ebiyoche, Doono Yeeri Daawitichi shiijjereenaꞌochon bi gettitoommon, taatemmo biine.

2 Kiinoo 6:15

Ne guuno tuneti, ta nihoo Daawitich ne gibenikkiti gibenoon quyeto neene; ne gibenikkiti gibeno bullin hanaach ceechito neene.

2 Kiinoo 6:9

Tunebaani ta shigoyich kexon haggemmo, ne gutenoochee kechemmi ne bushoani, ne toono neene’ itone.

Shoddo 89:29

Bi shiijjeroon bulli yemeenoon, bi taatee qeenonoo shimaayoo manjiꞌi beemoommon, manjiyemmo taane.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 33:17

Ebich Doono Yeeri ishichiye: “Daawiti yaroochee Israꞌeelee taatee qeenooch kotemmo mucceyaachemmone.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Maatiyoosi 1:1

Abrahamichi bushoonaa Daawitichi bushoona tuneti Yesuus Kiristoosichi shiijjee yoodo ebine:

Luqaasi 1:32

Biyoo oogoo tunemmone; Beshoo Yeerichi Bushoo getteyemmone; bi qaabbechi taatoo Daawitichi taatee qeenonoo Nuggishoo Doono Yeeri biich immemmone.

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Mishiraachechinaꞌo 2:30

Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’ iꞌi bi wogeti wogoon bi ariitoyich,

1 Qorontoosi 15:51

Ellebote! Ikke maacee mooyon ittoshich getona: No bulli qitaachemmo noone; tunebaani ciireexi tiroo hugaa, no bulli qillifee yexx bekkech shaddeyemmo noone. Are tiroo hukkemmone; qititinaꞌo oꞌaachemminaꞌo tuneree tiyemminaꞌone; nowoo bekkech shaddeyemmo noone.

Yibbaatoo 31:16

Doono Yeeriyoo Muusich ishichiye: “Ne, qitiree ne qaabbechinaꞌon waan xaꞌeyemmo neene. Ne qititoyee gubb, hini asheenaꞌo taach gibeneyaaneenaꞌo tuneree boonoshina tookkaa ta giyeti wogoon biichemminaꞌone. Taan qayiree, boonoshi giya ii beeti showooch beeti bare nuggisheenaꞌoyich goyinne maddemminaꞌone.

1 Tasaloonqi 4:14

Yesuusi qitoonaa qitoochee bi timonon iberiito noone; ebiyoommon wotta boonoshi mulloon Kiristoosi toommooch tooꞌiichii qititinaꞌon Yeeri Yesuusina tookki bi waan daammemmo bi tunoon iberiibeeto noone.