2 Saameeli 7:10 - Kafa Linguistics Project

^10-11 Ta asheenaꞌo tuneti Israꞌeeleenaꞌoyich xaaꞌoon immemmo taane; boonoshinoo arooch manjiyemmo taane. Keqqaalloon boonoshi hajjee xaaꞌooch kotemminaꞌone. Ebiyee aafichoommon, ta asheenaꞌo tuneti Israꞌeeleenaꞌo toommooch woraaferasheenaꞌon ta ukkiriiti yemeenoochoommon gonde asheenaꞌo boonoshin neexi hajjaachemminaꞌone. Ne etteenaꞌo bulli waanee neen kashiyemmo taane. Andoo daakkaꞌa Doono Yeeri ta, taatoo tunemmi shiijjeroon neech immemmo taane.

2 Saameeli 7:10 ပူးပေါင်းရင်းမြစ်များ

1 Kiinoo 17:9

Ta asheenaꞌo tuneti Israꞌeeleenaꞌoyich xaaꞌoon immemmo taane; boonoshinoo arooch manjiyemmo taane. Keqqaalloon boonoshi hajjee xaaꞌooch kotemminaꞌone. Ebiyee aafichoommon, ta asheenaꞌo tuneti Israꞌeeleenaꞌo toommooch woraaferasheenaꞌon ta ukkiriiti yemeenoochoommon, gonde asheenaꞌo boonoshin neexi hajjaachemminaꞌone. Ne etto bullin neech hajjiyemmo taane. “ ‘Andoo daakkaꞌa Doono Yeeri ta, taatoo tunemmi shiijjeroon neech immemmo taane.

Shoddo 44:2

Aageteenaꞌon ne mochoona yookkaa kichihine; tunebaani no qaabbechinaꞌon bechihine; macceenaꞌon yiikkehine; tunebaani no qaabbechinaꞌochi mooyon kaachihine.

Shoddo 44:4

Yaaqobi wudoon danemmoyich tuniyaabeeti ne, ta Nuggishoo, ta Taatoo neene.

Shoddo 80:8

Woyinee qomboon Gibitsee deebehine; aageteenaꞌon yookkaachaa boonoshi showooch bechihine.

Shoddo 80:9

Bi guudeexi mocoon dappehine; cammon awurehe; dicciꞌi showoona ceenniye.

Keyo 1:22

Aroochee Farooni bi asho bullich ishichiye: “Israꞌeeleenaꞌo waanee shiijjemmi anaami bushiishoo bullin Abbaayi aacooch dufote. Tunebaani maache bushiishoo boonoshi tunegaata, kashoona boonoshi beeyemmoyich qayote” iꞌi gettiye.

Keyo 15:17

Doono Yeero, ne beeyi kexo bi tunemmoyich, ne shuuneti xaaꞌooch, ta Doonocho, ne kishoo shuuneti, ne yaafee kexooch, ne hajjoo tuneti guudi toommooch, boonoshin deebemmo neene; aroochoo boonoshin manjiyemmo neene.

Isiyaasi 5:2

Showoon gochiye; xaqqoonoo macii kichiye; gaaweti woyinee qomboon arooch bechiye; bi gutte daggooch dilaaloon shuunehe; woyinee aafo hiichemmi oppoon iijjiye; aroochee gaawe aafoon aafemmone ii quyehe; tunebaani kiikkeroon aafehe.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Erimiyaasi 18:9

Ebiyoommon wotta ikke aagetee showoon woyee taatittinoon manjiyemmo, wottoo bechemmo ta tunoon ta gettaachaa

Erimiyaasi 24:6

Deꞌe mooyoyich ta aafoon boonoshi waan wochemmo taane; hini showooch boonoshin wochi deebemmo taane; boonoshin hagishalli ta gettemmo happaachemmo taane; boonoshin bechishalli ta gettemmo waaxaachemmo taane.

Hiziqeeli 28:24

Doono Yeeri ishichiye: “Ebiyee bekk biin hoxeti bi giyeenaꞌo bulli daggooch Israꞌeelich shooddiibeeti guccinonaa biijjiibeeti angixonon tunemmo daneyaachemmone; ebina ta, Nuggishoo Doono Yeeri ta tunoon ariyemminaꞌone” iye.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Amootsi 9:15

Boonoshi hajjee showooch daamiree, mixo bechoommon boonoshin bechemmo taane; boonoshich ta immeti showoochee, boonoshin waaxxemmo koniyoona aalloone” iye ittoshi Nuggishoo Doono Yeeri.

Yaaꞌoo 21:4

Biyoo acimo bullin boonoshi aafoochee hidemmone; aafi mooyinaꞌo boonoshi beshetoyich, ebiyee bekk qitoo aalloone; muusheno tuneba eefo tuneba biiyo tuneba aalloone” iꞌi bi getaa waayeho.

Woraaferasheenaꞌo 4:3

Yabiinich yiixiye balle xuuree gaari beetone. Biyoo hiye naton Israꞌeeleenaꞌon neexxii hajjiye. Ebich Israꞌeeleenaꞌo Doono Yeer waan cookiyeete.

1 Saameeli 13:17

Filsixeemee ginee naayinaꞌo keejje kuxona qoodeeꞌi koyi aalliiya kechiyeete. Ikke kuxo Shuwaalee showooch beeti Ofir waan guuddiye.