2 Saameeli 6:21 - Kafa Linguistics Project

²¹ Daawitiyoo Mikaalich ishichiye: “Bi asheenaꞌo tuneti Israꞌeeleenaꞌochi iraashoo ta tunemmoyich, ne aabbinaa bi kechi asheenaꞌonoyee beshiiꞌi taan kaacciti Doono Yeeri aafooch cappheto taane. Andoo daakkiree Doono Yeeri aafooch capphemmo taane.

2 Saameeli 6:21 ပူးပေါင်းရင်းမြစ်များ

2 Saameeli 5:2

Besheti yemeenooch, Saaꞌooli no toommooch taateꞌi beehooba, Israꞌeeleenaꞌon ginee koyee xaaꞌoochaa yaabito neene. Doono Yeeriyoo neech ‘Ta asheenaꞌo tuneti Israꞌeeleenaꞌon qiddemmo neene; boonoshinoo qeejjemmo neene’ itone” iyeete.

2 Saameeli 6:14

Daawitiyoo muttee tuppoochee shippeti efoodoon gitee desh marixxiꞌi, bi giidoon qoophaanoon Doono Yeeri aafooch capphii beehe.

2 Saameeli 6:16

Doono Yeerichi taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti taabootee aafooch capphii duubbii bi beetaa beeggaꞌa, bi mulloona biin hoxahan.

2 Saameeli 6:22

Halla ebiyee beshoon ta qelloon giishiyemmo taane. Neennoo hoxeeton tunemmo taane; tunebaani ebi are ne getteti shaajjeteenaꞌo taan oogiyemminaꞌone” iye.

2 Saameeli 6:5

Daawitinaa Israꞌeeleenaꞌo bullina boonoshi giidoon qoophaanoon, Doono Yeerin oogiyoyich, giishi ximboon, ooge ximboon, kamboon, bare duubbi qiicoonaa qaaxilloonon yexxii kaachiibee, shoddee beeheete.

2 Saameeli 7:8

“Andoo ta guuno Daawitich ishichibe: Beshe Mawe Doono Yeeri ishichiye: ‘Neen gaddoochee, bagee quyoochee daammaꞌa, ta asheenaꞌo tuneti Israꞌeeleenaꞌo toommooch ne iraashemmoyich tuniihoye.

1 Kiinoo 15:29

Doono Yeerichi wogee taabooto Daawiti Katemooch giyii bi beetaa, Saaꞌooli bushee Mikaali mallee kelloona ciinnaa beehan. Taatoo Daawiti emiriꞌi capphi duubbii bi beetaa beeggaꞌa, bi mulloona biin hoxahan.

Mishiraachechinaꞌo 13:22

Biin bi kindiitoyee gubb, Daawiti boonoshi toommooch bi taatemmoyich kaacciye. Biichon ishichiꞌi miixehe: ‘Ta mullooch giyiti ashoon daneto taane; biyoo ta gaboo bullin ceechemmi, Iseyichi bushoo Daawitine’ iye.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

1 Saameeli 13:14

Tunebaani and illa ne taatittino gappaachemmone. Doono Yeeri bi mullooch giyiti ashoon danetone. Ne, Doono Yeerichi getoon tuniyaano ne tunetoyich, bi asheenaꞌon bi qeejjemmoyich biin ukkiriitone” iye.

1 Saameeli 15:28

Saameeliyoo ishichiye: “Doono Yeeri Israꞌeeleenaꞌochi taatittinoon hanaach ne waanee keexxiꞌi, neyee besho tuneti bare ashich immitone.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 16:12

Ebina Iseyi wocheꞌi bi woyemmoyich tuniihe. Biyoo dama qeeco, mallet gaawoonaa gaawe aafechonane. Doono Yeeriyoo “Ta kaacceto hinine; tiyiree huute” iye.