2 Saameeli 5:3 - Kafa Linguistics Project

³ Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Taatoo Daawitiyoo Kebiroonaa Doono Yeeri aafoochaa boonoshina tookkii wogoon giyiye. Boonoshiyoo Daawiti shimbooch zayitoon huuttiꞌi, Israꞌeelee showooch biin taatiiheete.

2 Saameeli 5:3 ပူးပေါင်းရင်းမြစ်များ

2 Saameeli 2:4

Aroochee Yihudee asheenaꞌo Kebiroon waa, Daawiti shimbooch zayitoon huuttiꞌi, Yihudee asheenaꞌo toommooch taatiiheete. Saaꞌoolin duukkitinaꞌo Gilaadee showooch beeti Yabeeshi asheenaꞌo tunoon Daawiti waayehe.

2 Saameeli 2:7

Illa maac kuxo tunebote; kupphebote; ittoshi doono Saaꞌooli qititone; Yihudee asheenaꞌo ta shimbooch zayitoon huuttiꞌi boonoshi toommooch taan taatiitinaꞌone” iye.

2 Saameeli 3:21

Aroochee Abeneeri Daawitich, “Neenna tookki wogoon boonoshi giyemmoyich, ne qaawitoommonoo tuniiree showoo bulli toommooch ne taatemmoyich, kaate hamiree, taatoo ta doono ne waan Israꞌeeleenaꞌo bullin wochibona” iye. Ebina Daawiti Abeneeri hammemmoyich bi tuniitaa, diggoona kechii hammiye.

1 Taateenaꞌo 1:34

Aroochaa qeeshoo Sadooqinaa keemechi Naataanina biin huutiree, Israꞌeeleenaꞌo toommooch taatiibeete; tiroon (waaringoon) hugibee, ‘Taatoo Solomooni hume naton taatebe!’ getote.

2 Taateenaꞌo 11:17

Aroochee Yoyaadi, taatoonaa asheenaꞌona Doono Yeerichi asheenaꞌo boonoshi tunee wogoon boonoshi giyemmon tuniihe. Ebiyoommon wotta taatoonaa asheenaꞌonoo wogoon giyemmoyich tuniihe.

1 Kiinoo 11:1

Ebiyee gubb, Israꞌeeleenaꞌo bulli Kebiroon, Daawit waan waa kiceeꞌi, biich ishichiyeete: “No, ne meeno, ne damoo noone.

1 Kiinoo 11:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Daawitiyoo Kebiroonaa Doono Yeeri aafoochaa boonoshina tookkii wogoon giyiye. Doono Yeeri Saameelina bi gettitoommon boonoshiyoo Daawitichi shimbooch zayitoon huuttiꞌi, Israꞌeelee showooch biin taatiiheete.

1 Kiinoo 28:4

“Israꞌeelee Nuggishoo Doono Yeeri ta yaroo bulliichee Israꞌeeleenaꞌo toommooch bulli yemeenoon no taatemmoyich taannaa ta shiijjeroonon kaaccitone. Yihudin iraashoo bi tunemmoyich kaacciye. Yihudi yaroochee ta nihoochi kechi asheenaꞌon kaacciye. Ta nihoochi bushiishoochee Israꞌeelee showoo bulliich taan taatiyoyich shunniye.

2 Kiinoo 23:16

Aroochee Yoyaadi bi qelloona, taatoonaa asheenaꞌo bullina Doono Yeerichi asheenaꞌo boonoshi tunee wogoon boonoshi giyemmoyich tuniihe.

Nehimi 9:38

“Ebi mooyo bullich manjiti wogoon giyaꞌa koorichooch kooraabeeto noone. No ogoogeenaꞌo, Leweenaꞌonaa qeesheenaꞌona aree toommooch boonoshi maatemoona dukkee beetinaꞌone” iyeete.

Keyo 3:16

“Hamiree Israꞌeelee ukkireenaꞌon kicibe; ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri taach bekkeꞌi ishichitone: “Ittoshi mooyon ciinneto taane; Gibitsaa ittoshi toommooch shaggiton beeggeto taane.

Yaasi 10:36

Aroochee Yaasinaa biinna tookkii beeti Israꞌeelee ginechinaꞌo bullina Egiloonee Kebiroon besheꞌi kochiyeete;

Woraaferasheenaꞌo 11:11

Ebina Yofitaahi Gilaadee showee geeneenaꞌona tookkii tiyii hammiye. Asheenaꞌo biin boonoshi toommooch wulloonaa iraashoonon tuniiheete. Yofitaahiyoo bi gettiti qaaro bullin Doono Yeeri aafoochaa, Mitsiphaa gettiye.

1 Saameeli 11:15

Asheenaꞌo bulli Galigala hammiyeete. Aroochaa Saaꞌoolichi taatittinoon Doono Yeeri aafoochaa manjiiheete. Aroochaa asheenaꞌo Doono Yeerich ikkittinee deejjoon deejjiyeete. Ebina Saaꞌoolinaa Israꞌeeleenaꞌona oogeti emiree baaroon baariyeete.

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.

1 Saameeli 23:18

Boonoshi guttiyoo Doono Yeeri aafoochaa wogoon giyiyeete. Daawiti Horeesh echemmona, Yonaataani bi kexooch hammiye.