2 Saameeli 4:5 - Kafa Linguistics Project

⁵ Beerootechi Rimooni bushiisheenaꞌo Rekaabinaa Banaahina Ishiboshes waan hamma tiyiyeete. Boonoshiyoo hammiꞌi, aabo daggehaa, bi kexooch shaggiyeete. Areegaata, Ishiboshesi areddee aaboon kasheꞌi bi qeenooch tokketetone.

2 Saameeli 4:5 ပူးပေါင်းရင်းမြစ်များ

2 Saameeli 11:2

Ikke areddoon, showoo womikkoo wotteechaa, Daawiti bi qeenoochee tiyiꞌi taatee kechi toommooch kechiye. Biyoo aroochaa okk hach shaꞌeebee ikke ure bi achoon machaa bi beetaa, beeggiye. Ureyoo oogeton mallet gaawe ureene.

2 Saameeli 2:8

Arooba Saaꞌoolichi ginee naayinaꞌo iraashoo, Neeri bushoo Abeneeri Saaꞌooli bushoo Ishiboshesin yechii, Yoordaanoosin kimmiꞌi Mahanayim muricciꞌi hammiye.

2 Saameeli 4:2

Arooba Saaꞌooli bushoo Ishiboshesich bokkeenaꞌochi ukkireenaꞌo tuneti gutte asheenaꞌo beetinaꞌone. Ikkoochi shigo Banaahi, guttinnoocho wotta Rekaabi getteehe. Boonoshiyoo Biiniyaamee yoodo tuneti, Beerootechi Rimooni bushiisheenaꞌone. Beerooti katemee Biiniyaamee showeexi ikke kuxin tuniitaa haddeetine.

1 Taateenaꞌo 16:9

Tunebaani bi gaarinaꞌoochee qatinaꞌochi ukkiroo tuneti Zimiri bi toommooch koceeꞌi tiyiye. Ikke areddoon, Elaahi Tiritsaa, taatee kechi ukkiroo tuneti Arizaahi kexoochaa, uyoon uchiꞌi mashehe.

2 Kiinoo 24:25

Boonoshiyoo Yoꞌaashin qaakkii kochiꞌi mayiitinaꞌone. Sooriyee ginee naayinaꞌo aroochee boonoshi wotteechaa, bi naayinaꞌo bi toommooch koceeꞌi, bi qeenooch bi beetaa, biin wuxiyeete. Ebiyoo qeeshoo Yoyaadi bushoon bi wuxitoyichiye. Ebina biyoo qitiye. Biinoo Daawiti Katemooch duukkiyeete; tunebaani taateenaꞌochi maashooch duukkeyaanoone.

2 Kiinoo 25:27

Amasiyaasi Doono Yeerichi gommon bi qajjiti aaboochee tiijjiꞌi, asheenaꞌo biin wuxoyich Yerusaalemaa koceeheete. Aroochee Amasiyaasi Lakish muriccii hammiye. Tunebaani boonoshi bi hillooch ashoon daachiiꞌi, aroochaa biin wuxiiheete.

2 Kiinoo 33:24

Amooni naayinaꞌo bi toommooch koceeꞌi, taatee kexoochaa biin wuxiyeete.