2 Saameeli 4:11 - Kafa Linguistics Project

¹¹ Bi hajjee kexooch, bi qeenooch qeyiꞌi beeti, xalle ashoon wuxiti gonde asheenaꞌo toommooch ebiyee beshe mooyo tunemmone. Bi damoon ittoshi kishoochee qaawemmo, ittoshinoo showee toommoochee aalliyemmo taane” iye.

2 Saameeli 4:11 ပူးပေါင်းရင်းမြစ်များ

Halloo 4:11

Illa ebiyee bekk uppeto neene; ne ukkiti ne manoo damoon ucha bi kookkoon gaxxiti hini showee toommoochee yookketo neene.

Halloo 6:13

Ebich Yeeri Noohich ishichiye: “Ashi yaroo bullin showee toommo bulliichee ciroona aalliyoyich maacceto taane; boonoshi naboona xuꞌo showee toommo bulliich ceennitone. Tawoo ebiyoche, boonoshinaa showee toommooch beeto bullinon aalliyemmo taane.

Halloo 7:23

Yeeri showee toommooch beeti, kashechi halleenaꞌo bullin hidii aalliihe; ashoochee tiijjiꞌi gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaa, showee toommoochee hidii aalliihe. Noohinaa biinna tookkii markabooch giyitinaꞌona baach wodiyeete.

2 Saameeli 16:8

Bi taatittinoon ne deqqeti Saaꞌooli kechi asheenaꞌochi damoon Doono Yeeri ne toommooch wochitone. Doono Yeeri taatittinoon ne bushoo Abisoloomi kishooch beshiiꞌi immitone. Damee asho ne tunetoyich, ne aallo batt shaggitone” iye.

2 Saameeli 3:27

Abeneeri Kebiroon waammona, Yoꞌaabi ikke badd wochiree biin yibbaatiiya ii beeton shaahiꞌi, uxeree kello waan daammiye. Aroochaa bi manoo Asaheelin bi wuxitoyich, nichoon kichoyicha iꞌi, bi maacooch kochiꞌi wuxiye.

2 Saameeli 3:39

Huutteti taatoo ta tunetaanoona, hanaach hakkoo guuteeto taane. Tunebaani ebi Tseruuyi bushiisheenaꞌo tayee beshii giidetinaꞌone. Doono Yeeri bi shuunetoommon gondoyich shuunebe” iye.

1 Taateenaꞌo 2:32

Biyee gaaweti gutte cadiqe asheenaꞌon, eboshiyoo Israꞌeelee ginee iraashoo Neeri bushoo Abeneerinaa Yihudee ginee iraashoo Yeteeri bushoo Amaasinon, ta nihoo Daawiti ariyaanoon, goraadoona bi wuxitoyich, Doono Yeeri bi shuuneti shuunoon bi toommooch wochemmone.

Shoddo 109:15

Eboshichi axaaxoon Doono Yeeri bulli aabooch gabibe; boonoshi shalligichoo showee toommoochee bi waaxemmoyich tuniibe.

Shoddo 9:12

Damee nichoon gaaccecho boonoshin bi gabii beetoyich, xukketinaꞌochi eefon batteyaache.

Keyo 21:12

“Ashoon yexxii wuximmo qitibe.

Keyo 9:15

Ta mochoon neennaa ne asheenaꞌonochi toommooch tiijjiree, giidechi naxoona showee toommoochee ittoshin aalliyesho taane;

Shaahiyoo 2:22

Tunebaani gonde asheenaꞌo showoochee aallemminaꞌone; gibeneyaaneenaꞌoo aroochee waaxemminaꞌone.

Shaahiyoo 25:26

Gonde ashich dihiibeeti cadiqe asho, qude aachi xuuphoommo woyee wooreti kote aacoommone.

Erimiyaasi 10:11

Ittoshiyoo boonoshich: “Shimaayoonaa showoonon hallaani ebi nuggisheenaꞌo showoonaa shimaayoyee deshinoochee aallemminaꞌone” gettemmo ittoshine.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Imbaaqoomi 1:4

Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.

1 Yowannisi 3:12

Qayeeliyoommon tunaayone; aroo gondoochi nihoo magechone; aroo bi hajjee manoon wuxiye. Amoyichiye bi wuxito? Bi hajjee shuunoo gondo, bi manoochi shuunoo cadiqo bi tunetoyichiye.