2 Saameeli 3:3 - Kafa Linguistics Project

³ guttinnoo Qermeloosechi Naabaali mechee Abigel waanee shiijjeti Kiliꞌaabi; keejjinnoo Geshuuree taatoo Talimayi bushee Maꞌakichi bushoo Abisoloomi;

2 Saameeli 3:3 ပူးပေါင်းရင်းမြစ်များ

2 Saameeli 13:1

Daawiti bushoo Abisoloomich Tamaari getteyaabeeti mallet gaawe manee beehan. Biinoo Daawiti bushoo Aminooni shunniye.

2 Saameeli 14:23

Yoꞌaabiyoo tiyii Geshuuree showooch hammiꞌi, Abisoloomin Yerusaalem deebiye.

2 Saameeli 14:24

Tunebaani taatoo, “Hiniichee wohiree bi kexooch beebe. Ta aafoon beegaachemmone” iye. Ebina Abisoloomi aroochee wokkiꞌi bi kexooch hammii kotehe; biyoo taatoona daneyaanoone.

2 Saameeli 14:32

Abisoloomiyoo Yoꞌaabich ishichiye: “Ne waan ta wochetaa, waataache iyaꞌa ne qajjetoyichiye. Taatoo waan hamiree, ‘Geshuuree aakkiyane ta waato? Arooch ta beemmo gaata, taach gaawiye’ itone getiree ne gettemmoyich, neen wocheya qaawiyoye. Andoo tunetaa, hamiree taatoo aafoon beegona; gondo taach beegaata, bi taan wuxibe” iye.

2 Saameeli 15:7

Awudde natoyee gubb, Abisoloomi taatoyich ishichiye: “Doono Yeerich ta mookketi mookkoon Kebiroon hamiree ta ceechemmoyich, taach daaggibe.

2 Saameeli 15:8

Ne guuno ta, Sooriyee showooch, Geshuur beechaa, ‘Iberoon Doono Yeeri taan Yerusaalem wochiꞌi bi deebigaata, Kebiroonaa biich goyinnemmo taane’ iyaꞌa mookketo taane” iye.

2 Saameeli 18:33

Taatoo oogeton ayiniye. Uxeree kellee toommooch beeti kexooch kechiꞌi, aroochaa eeppiye. Biyoo hammiibee, “Ta bushoo Abisoloomo, ta bushoocho, ta bushoo Abisoloomo, ne qoodoon ta qitito gaata amo beete! Abisoloomo, ta bushoocho, ta bushoocho!” iibee eeppiye.

2 Saameeli 2:2

Ebina Daawiti bi gutte mecheenaꞌona, eboshiyoo Yezireelechi Akinoꞌaminaa Qermeloosechi Naabaali mechee Abigelina tookkii arooch hammiye.

1 Taateenaꞌo 1:6

Bi nihoo kashoona bi beeti yemeenooch, “Amoyich ebin tuniinne?” iꞌi ciroona biin kaaree ariyaanoone. Adoniyaasiyoo oogeton mallet gaawe ashoone; biyoo Abisoloomi hilloone.

1 Taateenaꞌo 2:15

Adoniyaasiyoo “Taatittino taacho bi tunoon, Israꞌeeleenaꞌo bulli taatoo ta tunemmoyich, boonoshi aafoon ta waan boonoshi wochoonoo ariyaabeeti neene. Tunebaani mooyo Doono Yeer waanaa bi maachetoyich, taatittino ta waanee besheꞌi ta manoyich tunetone.

1 Kiinoo 3:1

Taatoo Daawiti Kebiroon beechii bi shiyiti anaami bushiisheenaꞌo eboshine: Yezireelechee Akinoꞌam waanee shiijjeti bi gutenee bushoo Aminooni; guttinnoo Qermeloosechi Abigel waanee shiijjeti Daaneeli;

1 Kiinoo 3:2

keejjinnoo Geshuuree taatoo Talimayi bushee Maꞌak waanee shiijjeti Abisoloomi; awuddinnoo Hagiit waanee shiijjeti Adoniyaasi;

Yibbaatoo 3:14

Minaasi yoodoochee tuneti Yaꞌiiri, Geshuureenaꞌonaa Maꞌakeenaꞌonochi daarooch beddaahaa beeti Arigobee showoo bullin, ebiyoo Bashaanee showoon yechiye. Arooch beeti gafeenaꞌon Yaꞌiiri Gafoo ii bi shigoona ceeggiye. Hanaach beddaahaa ebi shigoona ceekkee beetone.

Yaasi 13:13

Tunebaani Israꞌeeleenaꞌo Geshuureenaꞌonaa Maꞌakeenaꞌonon boonoshi showoochee yookkii aalliyaaneenaꞌo boonoshi tunetoyich, hanaach beddaahaa Israꞌeeleenaꞌo daggooch beetinaꞌone.

1 Saameeli 25:42

Afaafinoona tiyaa kuroon yebbahan. Bi naayinaꞌo tuneti uuche maache bushiisheenaꞌon dabbiyaꞌa Daawiti wocheti asheenaꞌona tookkaa hammahan. Daawitichoo mecheen tunehan.

1 Saameeli 27:8

Daawitinaa bi asheenaꞌona kechiꞌi Geshuureenaꞌon, Gerizeenaꞌonaa Amaleeqeenaꞌonon kochii beeheete. Ebi asheenaꞌo Xeleemee tiijjiꞌi, Shuurinaa Gibitsinooch beddaahaa beeti asheenaꞌone.