2 Saameeli 3:27 - Kafa Linguistics Project

²⁷ Abeneeri Kebiroon waammona, Yoꞌaabi ikke badd wochiree biin yibbaatiiya ii beeton shaahiꞌi, uxeree kello waan daammiye. Aroochaa bi manoo Asaheelin bi wuxitoyich, nichoon kichoyicha iꞌi, bi maacooch kochiꞌi wuxiye.

2 Saameeli 3:27 ပူးပေါင်းရင်းမြစ်များ

2 Saameeli 13:26

Abisoloomiyoo “Ishigaata, ta manoo Aminooni noonna tookki bi hammemmoyich tuniibe” iye. Taatoo “Neenna tookki bi hammemmo, aakkiyane?” iye.

2 Saameeli 19:13

Wotta Amaasin ‘Ne, ta meenonaa ta damoona toono neene? Ebiyee gubb, Yoꞌaabi keroon ta ginee iraashoo neen ta tuniyoo qayigaata, Yeeri ta toommooch ebin tuniibe; ebinoo daakkibe’ itone getote” iye.

2 Saameeli 3:26

Aroochee Yoꞌaabi Daawiti aafoochee kechiꞌi, Abeneeri hillooch wocheyechinaꞌon daachiihe. Boonoshiyoo biin Siiri aachi oppo beetoochee wochiꞌi deebiyeete. Tunebaani Daawiti ebin ariyaanoone.

2 Saameeli 3:28

Daawitiyoo ebi mooyon waayehe; biyoo ishichiye: “Taannaa ta taatittinoona Neeri bushoo Abeneeri damoochee Doono Yeeri aafoochaa bulli yemeenoon xalloo noone.

2 Saameeli 4:1

Abeneeri Kebiroonaa qitoon Saaꞌooli bushoo Ishiboshesi waayehooba, bi giidoo qajjiye. Israꞌeeleenaꞌo bulliyoo keqqiyeete.

1 Taateenaꞌo 2:32

Biyee gaaweti gutte cadiqe asheenaꞌon, eboshiyoo Israꞌeelee ginee iraashoo Neeri bushoo Abeneerinaa Yihudee ginee iraashoo Yeteeri bushoo Amaasinon, ta nihoo Daawiti ariyaanoon, goraadoona bi wuxitoyich, Doono Yeeri bi shuuneti shuunoon bi toommooch wochemmone.

1 Taateenaꞌo 2:5

“Newoo Tseruuyi bushoo Yoꞌaabi ta toommooch bi tuniiton, Israꞌeelee ginee naayinaꞌochi iraasheenaꞌo tuneti Neeri bushoo Abeneerinaa Yeteeri bushoo Amaasinochi toommooch bi shuuneton ariyaabeeto neene; ginoochaa ufeti damoyich nichoon kichoona diggee aaboona boonoshi damoon ukkitone. Ebi damoona bi shimetooch bi cuyeti shachoonaa bi baatooch bi gedditi caammoonon wooriitone.

1 Kiinoo 27:21

Gilaadee showooch beeti Minaasi yoodoochee qatinaꞌoyich ukkiroo, Zakaariyaasi bushoo Iidi; Biiniyaami yoodoyich ukkiroo, Abeneeri bushoo Yaseli;

Shaahiyoo 26:26

Shixecho bi tunoon maroona oppeebeeto, bi gondo iitoo aafoochaa xalla bekkemmone.

Erimiyaasi 41:2

Netaani bushoo Ishmaꞌeelinaa biinna tookkii beeti aashire asheenaꞌona tiyiꞌi, showee toommooch Baabloonee taatoo iraashiiti, Shafaanichi bushoo, Ahiqaamichi bushoo Gedaliyin goraadoona wuxiyeete.

Haddoo 35:19

Nichoon kichecho bi qelloona wuxibe. Ebi uroon bi danehooba wuxibe.

Haddoo 35:20

Ikke asho baroon shixxiꞌi, xuqqii dichiꞌi bi wuxigaata woyee ikke mooyon bi toommooch duppiꞌi bi wuxigaata,

Yibbaatoo 27:24

“ ‘Aashoona biinoommi bi manoon wuxiibeeto uppeton tunebe’ geteete. “Asheenaꞌo bulliyoo ‘Ameena’ geteete.