2 Saameeli 3:12 - Kafa Linguistics Project

¹² Aroochee Abeneeri Daawitich wocheyechinaꞌon daachiiꞌi, “Hini showoo konichone? Taanna tookkaa wogoon ne giyemmona, Israꞌeeleenaꞌo bulli ne waan wottemmoyich neen gaachemmo taane” iye.

2 Saameeli 3:12 ပူးပေါင်းရင်းမြစ်များ

2 Saameeli 19:14

Ebin getona, Daawiti Yihudee asheenaꞌo bulli mullo ikkittinoona bi waan wottemmoyich tuniihe. Boonoshiyoo “Newoo, ne ginee naayinaꞌoo wottebote” iꞌi wocheheete.

2 Saameeli 19:41

Aroochee Israꞌeeleenaꞌo bulli taatoo waan waaꞌi, biich ishichiyeete: “No maneenaꞌo tuneti Yihudee asheenaꞌo neen gaajjiꞌi boonoshi daammito amoyichiye? Neen, ne kechi asheenaꞌonaa ne asheenaꞌo bullinon Yoordaanoosi aacon kichiyeete” iyeete.

2 Saameeli 19:6

Neen shixxii beeton shunnaabeeto, neen shunnii beetonoo shixxaabeeto neene. Ginee naayinaꞌochi iraasheenaꞌonaa ginee naayinaꞌonoyich ciroona aaxxiyaano ne tunoon xalla kichaꞌa hanaach bekkiito neene. Abisoloomi wodiichaa no bulli qitito gaata emiresho ne tuno hanaach taach bekketone.

2 Saameeli 3:11

Ishiboshesiyoo Abeneerin oogichiꞌi bi shattitoyich, ikke amoonolla biich wochaanoon qajjiye.

2 Saameeli 3:13

Daawitiyoo “Tunebe; neenna tookki wogoon giyemmo taane. Tunebaani ne waanee ta qaawaabeeti ikke mooyo beetone. Ebiyoo taanna daneya ne waahooba, Saaꞌooli bushee Mikaalin taach yeshiree ne woyemmoyichiye. Ebi tuno qayigaata, ta aafoon ciinaachemmo neene” iye.

2 Saameeli 3:21

Aroochee Abeneeri Daawitich, “Neenna tookki wogoon boonoshi giyemmoyich, ne qaawitoommonoo tuniiree showoo bulli toommooch ne taatemmoyich, kaate hamiree, taatoo ta doono ne waan Israꞌeeleenaꞌo bullin wochibona” iye. Ebina Daawiti Abeneeri hammemmoyich bi tuniitaa, diggoona kechii hammiye.

2 Saameeli 3:27

Abeneeri Kebiroon waammona, Yoꞌaabi ikke badd wochiree biin yibbaatiiya ii beeton shaahiꞌi, uxeree kello waan daammiye. Aroochaa bi manoo Asaheelin bi wuxitoyich, nichoon kichoyicha iꞌi, bi maacooch kochiꞌi wuxiye.

2 Saameeli 3:38

Aroochee taatoo bi naayinaꞌoyich ishichiye: “Hanaachi aabo aricheti iraashoo Israꞌeelee showooch qititi aabo bi tunoon ariyaachote?

Shoddo 62:9

Sharaaree ashi yaroo tunoyich gaaco aalloone; ooge ashi yaroo getteyoo kootoone; machoona bi qocceegaata am bedaaneenaꞌone. Boonoshi bulliyona hiinni bedaani ketteenaꞌone.