2 Saameeli 3:1 - Kafa Linguistics Project

¹ Saaꞌoolichi dabbeenaꞌonaa Daawitichi dabbeenaꞌonochi daggooch beeti koyo meeti yemeenoon yagiye. Daawitiyoo kupphee kupphee hammiye; tunebaani Saaꞌoolichi dabbeenaꞌo niree niree hammiyeete.

2 Saameeli 3:1 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

2 Saameeli 2:17

Aroochee gino duullii duullii hammiye, Daawitichi asheenaꞌo Abeneerinaa Israꞌeeleenaꞌonon kochii wochiyeete.

2 Saameeli 2:28

Ebich Yoꞌaabi tiroon huggiye; bi huggimmona, bi asheenaꞌo bulli Israꞌeeleenaꞌon yookkii dabboon qajjiyeete; koyoo ebina neexehe.

2 Saameeli 22:44

“Deꞌa getaani macceenaꞌo kishoochee taan wodiihine; aageteenaꞌo toommooch taan iraashiihine; boonoshin ta ariyaani asheenaꞌo taach hajjeeheete.

2 Saameeli 3:6

Saaꞌoolichi dabbeenaꞌonaa Daawitichi dabbeenaꞌona koyee toommooch boonoshi beehooba, Abeneeri Saaꞌoolichi dabbeenaꞌo daggoochee giidoona beshii beshii hammiye.

2 Saameeli 5:10

Daawitiyoo Beshe Mawe Nuggishoo Doono Yeeri biinna tookkii bi tunetoyich, qemi qemona kupphee kupphee hammiye.

1 Taateenaꞌo 14:30

Roboꞌaminaa Yeroboꞌamina kuxeyaani koyoon koyee beeheete.

1 Taateenaꞌo 15:16

Aasinaa Israꞌeelee taatoo Baꞌaashinochi taatee yemeeno bulliich, boonoshi daggooch koyo koyeehe.

1 Taateenaꞌo 15:32

Aasinaa Israꞌeelee taatoo Baꞌaashina daggooch boonoshi yemeeno bulliich koyoo koyeehe.

1 Kiinoo 11:9

Daawitiyoo Beshe Mawe Doono Yeeri biinna tookkii bi tunetoyich, qemi qemona kupphee kupphee hammiye.

1 Kiinoo 3:1

Taatoo Daawiti Kebiroon beechii bi shiyiti anaami bushiisheenaꞌo eboshine: Yezireelechee Akinoꞌam waanee shiijjeti bi gutenee bushoo Aminooni; guttinnoo Qermeloosechi Abigel waanee shiijjeti Daaneeli;

Asteeri 6:13

Bi toommooch shaggiti mooyo bullinoo bi mechee Zereeshinaa bi shunechinaꞌo bullinoyich gettiye. Bi mecheenaa shalligechi bi shunechinaꞌona ishichiyeete: “Bi aafooch ne giishaabeeti Mordokiyoosi yaroo Ayihudo bi tunetoyich, biin hakkaachemmo neene; ne qelloona ne aallo xiisheetone” iyeete.

Asteeri 9:4

Mordokiyoosi taatee kechi daggooch aricheti ashoon tunehe; bi mooyo woraafeenaꞌo bulliich waayeehe; biyoo oogoona beshii beshii hammiye.

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Iyoobi 8:7

Aafi ne beemo giishecho bi tunetaanoona, ebiyee gubbi ne beemo oogichi mashaamemmone.

Shoddo 18:43

Deꞌa getaani macceenaꞌo kishoochee taan wodiihine; aageteenaꞌo toommooch taan iraashiihine; boonoshin ta ariyaani asheenaꞌo taach maddeheete.

Shoddo 46:9

Koyoon showee toommo bulliichee wokkiihe; maꞌoon tiichiye; ginoonoo tiichii aalliihe; gaachoonoo qaaqqoona michiye.

Shoddo 84:7

Boonoshiyoo giide giide hammemminaꞌone; nuggisheenaꞌochi Nuggishoo Tsiyoonaa bekkemmone.

Galaati 5:17

Yaafe Ayaano qaatii beeton meeno shixxii beetone; wotta meeno qaatii beeton Yaafe Ayaano shixxii beetone. Eboshi boonoshinaa boonoshina qiiccee toommooch boonoshi beetoyich, ittoshi shunnii beeton tuniyoon hakkaachote.

Efesooni 6:12

No koyaabeeto, shimaajji xaaꞌooch beeti yinnee ginechinaꞌona tookkaa, ukkireenaꞌonaa iraasheenaꞌona tookkaa, hini manderee yemeenooch asheenaꞌon hajjiibeeti gonde ayaaneenaꞌona tookkaanalli, ashoona tookkaa toonoone.

Yaaꞌoo 6:2

Beeggaanoo iyo; areegaata nacce hareshoon beeggeho; aroon yebbeto kishooch maꞌo beetone; biichoo gubbichoo ichehe; kochii wochechon tuneꞌi bi shixechinaꞌon koyi wochiya shimaajji taatee xaaꞌoochee kechii hammiye.