2 Saameeli 24:13 - Kafa Linguistics Project

¹³ Gaadi Daawit waan hammiꞌi, Doono Yeeri gettiton biich gettiichii, biin ishichiꞌi echehe: “Keejje nati shaacoo ne showooch giba? Woyee keejje agenee wottoon ne etteenaꞌo neen yoohi dabbi beetaa boonoshi aafoochee woci beeyenne? Woyee keejje qemi wottoon qeqqichiibeeti biiyo ne showoon yexa? Ebi mooyon gaawichi gabiree taach ne getee, taan wocheto waan daambona” iye.

2 Saameeli 24:13 ပူးပေါင်းရင်းမြစ်များ

2 Saameeli 21:1

Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye.

2 Taateenaꞌo 8:1

Bi bushoon qitoochee bi wodiiti ureyich Elisayi, “Doono Yeeri showee toommooch shabaatte nati shaacoon deeba bi maaccitoyich, tiyiree ne kechi asheenaꞌona tookki bare xaaꞌoo aabiichona hamiree kotebe” iye.

1 Kiinoo 21:12

“Keejje nati shaacoo ne showooch giba? Woyee keejje agenee wottoon ne etteenaꞌo neen yoohi dabbi beetaa, boonoshi aafoochee woci beeyenne? Woyee keejje qemi wottoon Doono Yeerichi goraadoona, ebi geto qeqqichiibeeti biiyoona wuxii aalliibeeti maraakoon Israꞌeelee showoo bulliich deejjiba? Ebi mooyon gaawichi gabiree taach ne getee, taan wocheto waan daambona” iye.

Shoddo 91:6

Manderoochaa yexxiibeeti naxoyich, aabee qellayooch aalliibeeti gonde mooyoyich, shataachemmo neene.

Keyo 7:25

Doono Yeeri Abbaayi aacon bi yexxiichaa, shabaatte qemo beshehe.

Hiziqeeli 14:13

“Ashi bushoocho, ikke showee asheenaꞌo taach gibeneyaache ii axaaxoon boonoshi shuunetaa, tawoo ta mochoon boonoshi toommooch tiijjaꞌa boonoshi maayi woretoon ta kuxigaata, shaacoon deebaa ashoonaa gijjoonon ta wuxigaata,

Leweenaꞌo 26:20

Aajjii ittoshi shuunetaa amoonolla ittoshich gaacaachemmone. Ittoshi showoo maayoon shakkiyaachemmone; ittoshi showee toommooch beeti mixinaꞌoo aafoon aafeyaachemminaꞌone.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Luqaasi 4:25

Tunebaani iberoon ittoshich gettoye: Eliyaasichi yemeenooba keejje natonaa shiritte agenoonon Yeeri shimaayoon hicaa, amiyo dihoo qajjitoyich, showoo bulliich kupphe shaacoo giyiyooba, Israꞌeelee showooch meeti xuume maacheenaꞌo beeheete.

Yibbaatoo 28:22

Doono Yeeri shattiiti biiyoon deejji ittoshin bi yexaa, ittoshich bi immiibeeti showoochaa ittoshi bulli qiti ciiremmo ittoshine; maajjiibeeti biiyoona, gaaboonaa baribare qeddee gaamee biiyoonoo xuuxemmo ittoshine. Doono Yeeri ittoshiyee damba beeti shimaayoochee amiyon aalliitaa, ittoshiyee desh beeti showoo xuuroo wogoommon wogemmone; gaamiibeeti yongoonaa cindoonon deejji ittoshi maayoon aalliyemmone.

Yibbaatoo 28:25

“Doono Yeeri ne etteenaꞌo neen koyi wochemmoyich tuniyemmone. Ikke gommona hamiree boonoshina koyemmo neene; tunebaani shabaatte gommona boonoshi aafoochee woci aallemmo neene. Ebi ne toommooch shaggiton beegiree, showee toommooch beeti asheenaꞌo bulli keqqemminaꞌone.

Yibbaatoo 28:27

Doono Yeeri Gibitseenaꞌochi toommooch bi deejjitoommi biiyoona ittoshi xuuxemmoyich tuniyemmone. Gaaboonaa mayonon ne achooch kichemmone; ne qeddo bulli yaashemmone; huceshoo gettemmone; ebi biiyoochee wodaachemmo neene.

Yibbaatoo 28:35

Doono Yeeri wodaani, shajjiriibeeti gaaboona ne gutenoonaa ne borboroonon, ne baatoochee tiijjiꞌi ne shimbooch beddaahaa beeti ne ashittino bullin yexxemmone.

Yibbaatoo 28:52

Ne Nuggishoo Doono Yeeri neech immiti showoo bulliich beeti, ne gibenaabeeti, neexi genjeenaꞌonaa manjeenaꞌona tuneti xaqqee uxereenaꞌo bullin happii boonoshi aalliimmi wottoon, are showoo bulliich beeti ne katemeenaꞌo bullin giishi yechemminaꞌone.

1 Saameeli 25:17

Illa and, ebin ariiree ne tuniyemmon tuniibe. Gonde mooyo no doononaa bi kechi asheenaꞌo bullinochi toommooch gabeetone. Bi gaata, gonde asho bi tunetoyich, biich gettemmo koniyoona aalloone” iye.