2 Saameeli 24:1 - Kafa Linguistics Project

¹ Ebiyee gubb, wochinnoon Doono Yeeri kaaro Israꞌeeleenaꞌo toommooch cufiye. Biyoo Daawiti boonoshi toommooch bi tiyemmoyich tuniiꞌi, “Hamiree Israꞌeeleenaꞌonaa Yihudee asheenaꞌonochi daggooch beeti, koyoyich bedditi asheenaꞌon haddibe” iye.

2 Saameeli 24:1 ပူးပေါင်းရင်းမြစ်များ

Halloo 45:5

Andoo taan kemmiꞌi hiniich ittoshi deejjitoyich, ayiniyaahote. ‘Aakkiya ebin tuniitone?’ gettaahote. Ebin tuniito Yeerine; asheenaꞌochi kashoon wodiyoyich ittoshiyee shiichii taan deejjitone.

Halloo 50:20

Ittoshi ta toommooch gondoon gabiyote; tunebaani and tunee beetoommon, meeti asheenaꞌochi kashoon wodiiya iꞌi, Yeeri deꞌe mooyooch shadditone.

2 Saameeli 12:11

“Andoo Doono Yeeri ishichiye: ‘Ebiyoche, ne hajjee kechi ashi daggoochee gonde mooyon ne toommooch tiijjemmo taane. Ne ciini beetaa, ne mecheenaꞌon daamiree bare ashich immemmo taane. Areddee aaboona ne mecheenaꞌona tookki qeyemmone.

2 Saameeli 16:10

Tunebaani taatoo ishichiye: “Tseruuyi bushiisheenaꞌote, ebiich ittoshin geddemmi mooyo beete? Doono Yeeri, ‘Daawitin ufe’ getaa uppiibeeto bi tunegaata, biin ‘Ebin amoyich tuniinne?’ geton hakkemmo, konine?” iye.

2 Taateenaꞌo 3:6

Ebich ebiyooba taatoo Yoraami Shamaaree kechii hammii, Israꞌeelee asho bullin kiciye.

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

1 Kiinoo 7:2

Toolichi anaami bushiisheenaꞌo: Uuzi, Refayi, Yereeli, Yahimaayi, Ibisaaminaa Shemuꞌeelinane. Boonoshiyoo yari yaree iraasheenaꞌonaa ginee anaaminaꞌonane. Daawitichi taatee yemeenooba, boonoshi haddoo hiyaa gutte humaa shiritte ballo tunetone.

1 Kiinoo 7:40

Eboshi bulli Aseeri yoodeenaꞌone. Boonoshiyoo yaree iraasheenaꞌo, woraafa getteeti asheenaꞌo, ginee anaaminaꞌonaa aricheti iraasheenaꞌonane. Aseeri yoodee daggooch yari yaree woretoona kobereeti, ginee koyoyich bedditi hiyaa shiritta hume asheenaꞌo beetinaꞌone.

2 Kiinoo 32:25

Tunebaani Hiziqiyaasi bi mulloo geecaa, Doono Yeeri biich tuniiti deꞌe mooyoyich biin galleteyaanoone. Ebich bi toommooch, Yihudee showoonaa Yerusaaleminochi toommooch, Doono Yeeri kaaro kindiye.

Keyo 7:3

Tunebaani Farooni mulloon muumiyemmo taane. Worganikkiti malleteenaꞌonaa gaakkechi shuuneenaꞌonon Gibitsee showooch woddiyaꞌa ta tuniitaanona,

Hiziqeeli 14:9

“Are keemecho dacheeꞌi bi wochigaata, are keemechon dachito Doono Yeeri taane; ta mochoon bi toommooch tiijjemmo taane; ta asheenaꞌo tuneti Israꞌeeleenaꞌo daggoochee biin aalliyemmo taane.

Hiziqeeli 20:25

Aroochee boonoshich gaaweyaani qociyoon, kashoona boonoshi betaachemmi doyoonoo immehoye.

Leweenaꞌo 10:6

Muusiyoo Haroonich, bi bushiisheenaꞌo Elazaarinaa Itamaarinoyich ishichiye: “Ittoshi qitaachemmoyich, asheenaꞌo toommoochoo kaaree shiixxoo kindaachemmoyich, ittoshi qelloon shiimoon qajjaahote. Ittoshi tahoonoo keexxaahote. Tunebaani ebi Doono Yeeri deejjiti qaaqqoona qititinaꞌoyich, ittoshi maneenaꞌo tuneti Israꞌeeleenaꞌo bulli eefeete.

Haddoo 1:19

Doono Yeeri biich gettitoommon, Muusi Siini barahoochaa boonoshin haddiye.

Mishiraachechinaꞌo 4:28

Boonoshi kiceeti naboo, ne shiichaꞌa ne giidoonaa ne shalligoona bi tunemmoyich ne maacceto ceennemmoyichiye.

2 Tasaloonqi 2:11

Ebichi naboona koote mooyon boonoshi iberiyemmoyich, Yeeri muriciibeeti giidoon boonoshi toommooch deejjii beetone.

Woraaferasheenaꞌo 2:14

Ebina Doono Yeeri kaaro Israꞌeeleenaꞌo toommooch cufiye; biyoo boggemmi bokkeenaꞌo kishooch boonoshin beshiiꞌi immiye. Boonoshi guudoona beeti boonoshi etteenaꞌo kishooch boonoshin beshiiꞌi immiye. Ebich boonoshi etteenaꞌo aafooch kuppheꞌi neexoon mawiiheete.

Woraaferasheenaꞌo 2:20

Ebich Doono Yeeri kaaro boonoshi toommooch cufiye. Biyoo ishichiye: “Hini asheenaꞌo boonoshi qaabbechinaꞌoyich ta immeti ta wogoon boonoshi shaaddetoyich, ta qaaroonoo waayemmon boonoshi qajjitoyich,

1 Saameeli 26:19

Andoo taatoo ta doonocho, ne guuno ta gettaa beeton waayebe. Taanna ne kaaremmoyich tuniito Doono Yeeri bi tunegaata, deejjoon deꞌe. Tunebaani asheenaꞌo tunegaata, Doono Yeerina uppetinaꞌon tunebeete. Taan ‘Hamiree bare nuggisheenaꞌoyich goyinne maddebe’ iꞌi Doono Yeerichi showooch ta beetaachemmoyich hanaach taan yookkitinaꞌone.