2 Saameeli 23:5 - Kafa Linguistics Project

⁵ “Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

2 Saameeli 23:5 ပူးပေါင်းရင်းမြစ်များ

Halloo 9:16

Ximbittoo qubee daggooch tunehooba, ciiniichi, taannaa showee toommooch beeti, meenon taheti kashechi halleenaꞌo bullina daggooch beeti, bulli yemeenee wogoon gabemmo taane” iye.

2 Saameeli 12:10

And illa ebich, gino bulli yemeenoon ne kechi asheenaꞌo daggoochee baraachemmone. Ebiyoo taan ne qallayitoyich, wotta Uuriyi mecheen daammaa ne shaaggetoyichiye’ iye.

2 Saameeli 13:14

Tunebaani bi getteton waayemmon qajjiye. Biyoo areyee beshe giidecho bi tunetoyich, giidoona yechiꞌi, biin qeyiye.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

2 Saameeli 18:14

Yoꞌaabiyoo uroyich “Ta ebi mooyon neenna tookki ebiyee beshoon yibbaata beetaache” iichii, keejje ginoon yechiꞌi hammii, andoo Abisoloomi mixooch yeendereꞌi kashoona bi beetaa, bi mullee kaamooch kochiye.

2 Saameeli 7:12

Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.

2 Saameeli 7:18

Aroochee taatoo Daawiti danee duukkaanooch giyiye. Doono Yeeri aafooch koteechii ishichiye: “Nuggishoo Doono Yeero, ebiich taan ne bechiti ta, halla koni taane? Ta kechi ashochi, konine?

1 Taateenaꞌo 1:5

Ebiyooba Hagiiti bushoo Adoniyaasi “Taatemmo taane” iꞌi tiyiye. Gaarinaꞌon, hareshechinaꞌonaa bi aafooch woccemmi aache asheenaꞌonon qanniihe.

1 Taateenaꞌo 11:38

Ta guuno Daawitichoommon ta geto bullin ne waayegaata, ta gommona ne hamigaata, ta qociyoonaa ta getoonon quyoona ta aafooch kaame mooyon ne tuniigaata, neenna tookki tunemmo taane. Daawitichi taatittinoon ta manjiyoommon, ne taatittinoon manjiyemmo taane; Israꞌeeleenaꞌon neech immemmo taane.

1 Taateenaꞌo 12:14

Biyoo gurimaasheenaꞌochi ciicoon waayeꞌi, “Ta nihoo magge waanjoon ittoshi toommooch minjitone; tunebaani ta aroyee beshoon ittoshich maggiyemmo taane. Ta nihoo arengoona ittoshin xoobbitone; tunebaani ta, barahee machoona ittoshin xoobbemmo taane” iye.

Shoddo 111:9

Bi wodiyoon bi asheenaꞌoyich deejjiye; bi wogoonoo bulli yemeenooch manjiihe; bi shigoo yaafoonaa shattiitonane.

Shoddo 119:81

Ta kashe ne wodiyoon sharaatehane; ne qaaroonoo gibenehoye.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 62:2

Ta deebe xaqqoonaa taan wodiyechona bi baachiye; ta mishigo bi tunetoyich ciroona keqqaache.

Shoddo 89:3

Newoo “Ta kaaccetona tookkaa wogoon giyehoye; ta guuno Daawitich ishichaꞌa wogehoye:

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Erimiyaasi 32:40

Gaawe mooyon boonoshich tuniyoochee gubb wottee qayoyich, boonoshina tookki bulli yemeenee wogoon giyemmo taane; ta waanee bara boonoshi wotteyaachemmoyich, taan shaton boonoshi mullooch kotiyemmo taane.

Erimiyaasi 33:21

ebiyooba ta guuno Daawitina tookkii ta giyeti wogo happeyemmone; ebina bi taatee qeenooch kotemmi bushoo biich beetaachemmone; ta maddechi Leweenaꞌona tookkii ta giyeti wogo happeyemmone.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Mishiraachechinaꞌo 13:34

Yeeri qitoochee bi tiijjito, guttinnoon qitiree bi ashittino oꞌaachemmoyichiye. Ebich Yeeri ‘ “Yaafeeti wojjoon neech immemmo taane” iyaꞌa Daawitich gibenikkito taane; hini are gibenoon iberoon ittoshich ceechemmo taane’ itone.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

Hibireena'o 6:19

Shuuraanoon no beeyemmoyich, ebi no gibenaabeeti gibeno no kashoon quyee beetone; ebi are no gibeno Yesuusine; biyoo shimaajji yaafee kechi maaci Yaafe Xaaꞌooch maccillaatoon beshee giyitone.

1 Saameeli 2:35

Ta mulleexonaa ta gaboonon ceechemmi, gibeneeti, ta qeeshoon taach kaaccemmo taane. Bi shiijjeroon meeti yemeenoon beeyemmo tuniyemmo taane. Biyoo ta huutteti taatoo aafooch bulli aaboon maddemmone.

1 Saameeli 25:28

Ta doono ne, Doono Yeerichi koyoon ne koyaa beetoyich, Doono Yeeriyoo meeti yemeenoon beeyemmi taatittinoon ta doono neech immemmone. Ebich ne gonnee ta xuꞌoon maaribe. Ne beemi yemeeno bulliichoo gondo ne waanee danaaye.