2 Saameeli 23:3 - Kafa Linguistics Project

³ Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

2 Saameeli 23:3 ပူးပေါင်းရင်းမြစ်များ

Halloo 33:20

Aroochoo deejjee gudoon shuuneꞌi, aroon El Eloohee Israꞌeeli ii shigiihe.

2 Saameeli 22:32

“Doono Yeeriyee besh, Nuggishoo konine? No Nuggishoyee besh, Xaqqee Inderoo konine?

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

1 Taateenaꞌo 10:9

Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

Nehimi 5:14

Ebiyee wotta Yihudee showooch showee iraashoo ta tunemmoyich taatoo taan iraashiiti aaboochee tiijjiꞌi, Arta Yekisesichi hiyinnee natoochee shaashaa guttinnee natooch beddaahaa aaraa gutte nati wottoon, taannaa ta maneenaꞌona showee iraashoo deqq bede mooyon deꞌaano noone.

Iyoobi 34:17

Dayinnetoon shixxiibeeto showoon qeejjoon hakkehe? Cadiqoonaa giidechona tuneti Yeerin gondiinne?

Shoddo 110:2

Doono Yeeri ne taatee giidoon Yerusaalemee tiijji gamichemmone; newoo ne etteenaꞌo daggoochaa hajjemmo neene.

Shoddo 42:9

Ta Deebe Xaqqo Yeerich, “Amoyich taan battenne? Ta etteenaꞌo taan xuuxiitaa, ayinoona ta shaꞌe beeyemmo amoyichiye?” gettemmo taane.

Shoddo 72:1

Yeero, taatoo dayinnetoona nallemmoyich, taatoochi bushoo cadiqoona bi qeejjemmoyich, hakkoon imbe.

Shoddo 72:2

Biyoo ne asheenaꞌon tatoona qeejjemmone; xukketi ne asheenaꞌoyichoo tachi nallemmone.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 3:15

Wotta Yeeri Muusich “Israꞌeeleenaꞌoyich ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo tuneti Doono Yeeri ittoshi waan taan wochee deejjitone’ gete. Ta shigoo bulli yemeenoon ishine; gubbi shiijjeroo bulli taan shalligemmo, ebi shigoonane.

Shaahiyoo 31:9

Boonoshi qoodoon yibbaatebe; kaachi nallibe; girechonaa iritechonochi qoodooch neexebe” iyan.

Isiyaasi 32:1

Taatoo cadiqoona iraasheenaꞌoo tatoona qeejjemminaꞌone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Hibireena'o 1:8

Tunebaani Yeeri bi Bushoochon gettiibee, “Nuggishoo Yeero, ne taatee qeeno bulli yemeenoon beeyemmone; ne taatittinee daggooch beetinaꞌo bullin tatoona qeejjihine.