2 Saameeli 23:14 - Kafa Linguistics Project

¹⁴ Ebiyooba Daawiti mishigooch bi beetaa, Filsixeemee ginee naayinaꞌo Beetilehemin yechitinaꞌone.

2 Saameeli 23:14 ပူးပေါင်းရင်းမြစ်များ

Halloo 35:19

Raaheeliyoo qitiyan. Efiraata daammiibeeti gommi gashooch duukkahan. Efiraati and Beetilehemi gettee beetone.

2 Saameeli 5:17

Filsixeemeenaꞌo, Daawiti huutteꞌi Israꞌeeleenaꞌo toommooch bi taatoon waayeheete. Boonoshi bulliyoo Daawitin qaawi yecha kaama waaheete. Tunebaani Daawiti ebin waayeꞌi, mishigechi xaaꞌooch dugilla hammiye.

1 Kiinoo 12:16

Ikkikke Biiniyaamee asheenaꞌonaa Yihudee asheenaꞌona Daawit waan, bi beeti mishigooch waaheete.

1 Saameeli 10:5

“Aroyee gubb, Filsixeemee ginee kaambo beeti, Yeerichi geppooch, Gibaaha shaggemmo neene. Aroochee katemooch shagiichi, ooge ximboon, giishi ximboon, kamboonaa shumburoonon yechiꞌi, keemmiibee guudi toommeexi goyinnee xaaꞌoochee kindiibeeti, ikke guuphi keemechinaꞌona danemmo neene.

1 Saameeli 13:23

Areegaata ikke kuxi Filsixeemee ginee naayo Mikimaash waan daammiibeeti kaattooch hammiye.

1 Saameeli 13:4

Ebina Israꞌeeleenaꞌo bulli “Saaꞌooli Filsixeemeenaꞌon kochii wochite. Wotta Israꞌeeleenaꞌo Filsixeemeenaꞌo aafoochaa tiyaareetinaꞌo tuneteete” getaa bi getteyoon waayeheete. Ebich asheenaꞌo Saaꞌoolin dabbiya Galigala kiceeheete.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.

1 Saameeli 22:1

Daawiti Gaatee Adulaami katemee katinooch beeti xaqqee gofooch hammiye. Bi maneenaꞌonaa bi nihoochi kechi asheenaꞌona ebin waayeꞌi bi waan hammiyeete.

1 Saameeli 24:22

Daawitiyoo ebin Saaꞌoolich wogehe. Aroochee Saaꞌooli bi kexooch wottehe. Daawitinaa bi asheenaꞌona aafi boonoshi aashee xaaꞌooch wotteheete.