2 Saameeli 22:29 - Kafa Linguistics Project

²⁹ Doono Yeero, ne ta ceechoo neene; ta Nuggishoo ta manderoon bekkii beetone.

2 Saameeli 22:29 ပူးပေါင်းရင်းမြစ်များ

2 Saameeli 21:17

Tseruuyi bushoo Abishayi Daawitin gaacheya waahe; are Filsixeemoonoo kochii wuxiye. Aroochee Daawitichi ginee naayinaꞌo biich ishichiyeete: “Ne Israꞌeelee showooch aaxxeebeeti ceechoommo neene; ne qitigaata, ne shiijjeroocheenoo koniyoona ne taatittinoon yesho qayigaata, nooch beemo manderemmone. Ebich illa ebiyee damba noonna tookki koyooch hamaachemmo neene” iꞌi wogeheete.

1 Taateenaꞌo 11:36

Ta shigo arooch bi beeyemmoyich, ta kaacceti katemoo Yerusaalem, ta guuno Daawitich ceechoo bulli aaboon ta aafooch bi beeyemmoyich, bi bushoyich ikke yoodoon immemmo taane.

Iyoobi 29:3

Arooba, Yeeri bi ceechoon ta toommooch aaxxii beetone; tawoo manderoon bi bekkoona shaꞌaabee echeto taane.

Shoddo 112:4

Deꞌo, ariqqechonaa cadiqoona bi tunetoyich, kaame ashich manderoochaa bekko koojjemmone.

Shoddo 18:28

Doono Yeero, ne, ta ceechoon aaxxiihine; ta Nuggishoo ta manderoon bekkooch wochiye.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 4:6

“Gaawe mooyon koni nooch bekkiiba!” ii beetinaꞌo meetinaꞌone; Doono Yeero, ne aafee biroo no toommooch birebe.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shoddo 97:11

Cadiqeenaꞌoyich bekko bekkehe; mulli kaameenaꞌoyichoo emiroo tunehe.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Mikiyaasi 7:9

Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Yowannisi 12:46

Bi mulloon ta toommooch tooꞌiibeeto bulli, manderooch bi beetaachemmoyich, bekko tunaꞌa hini alemooch waato taane.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Yaaꞌoo 21:23

Katemeechoo Yeerichi oogee yiiroo aaxxee beetoyich, bi ceechoo Bago bi tunetoyich, aabee aaxxo woyee agenee aaxxo qaawiyaachemmone.