2 Saameeli 22:22 - Kafa Linguistics Project

²² Ebiyoo Doono Yeerichi gommon ta dabbitoyichiye; gondoon shuunoona Yeer waanee gubb wotteyaano ta tunetoyichiye.

2 Saameeli 22:22 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

1 Taateenaꞌo 9:4

“Newoo, ne nihoo Daawitichoommon, ta getoon ne waayegaata, xalle mulloonaa kaamittinoona taach ne maddegaata, neech ta getteto bullin ceechaa ne tuniigaata, ta qociyoonaa ta doyoonon ne quyegaatoo,

Shoddo 119:1

Xallittinoona shaꞌee beetinaꞌo, Doono Yeerichi sheeroona hammii beetinaꞌo, diireetinaꞌone.

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 128:1

Doono Yeerin shattii beetinaꞌo, bi gommonoo hammii beetinaꞌo diireetinaꞌone.

Shoddo 18:1

Doono Yeeri ta hakkoocho, neen shunnehoye.

Shoddo 36:3

Bi yibbaatoo maroonaa dawushoonane; shalligoona shuunoonaa deꞌe mooyon tuniyoonon qajjiye.

Shaahiyoo 8:32

“Ta bushiisheenaꞌote, andoo ta waanee ellebote; ta gommon dabbii beetinaꞌo diireetinaꞌone.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Haddoo 16:15

Muusiyoo oogichii ippehe; Doono Yeerichoo ishichiye: “Boonoshi deejjoon deqqaahine. Ikke kuroonona, boonoshi waanee deꞌaano taane; boonoshi daggoochee ikkoonolla xuꞌaano taane” iye.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

2 Qorontoosi 1:12

No geecaabeeti mooyo ebine: Hini showeexi asheenaꞌo daggooch, beshoonoo ittoshi daggooch no beemo, Yeeri nooch immiti yaafittinoonaa xalle mulloona bi tunoon no mullo miixee beetone. Ebin no tuniito, Yeer waanee no danaabeeti wojjoonalli, meechi ariyoona toonoone.

1 Saameeli 12:3

And ittoshi aafooch neexeto taane. Illa Doono Yeerinaa bi huuttitonochi aafoochaa ta toommooch miixebote; koni gattooniye ta deqqeto? Koni kurooniye ta deqqeto? Koniniye ta dawushito? Wotta koniniye ta xuqqeto? Beeggaabee beegaanoon shaahaꞌa koni waaneeniye xuccoon ta maato? Ebiichee ikkoonolla tuniito ta tunegaata, ittoshich wochemmo taane” iye.