2 Saameeli 22:1 - Kafa Linguistics Project

¹ Doono Yeeri Saaꞌooli kishoochee, wotta bi etteenaꞌo bulli kishoochee biin bi wodiihooba, Daawiti ebi shoddoon Doono Yeerich shoddehe.

2 Saameeli 22:1 ပူးပေါင်းရင်းမြစ်များ

2 Saameeli 12:7

Naataaniyoo Daawitich ishichiye: “Are uro geto neene. Israꞌeelee Nuggishoo Doono Yeeri ishichiye: ‘Neen Israꞌeelee taatoo tuniyaꞌa huuttoye. Saaꞌooli kishoocheenoo neen wodiihoye.

2 Saameeli 22:49

Bi ta etteenaꞌo kishoochee taan wodii beetone. Doono Yeero, ta etteenaꞌo toommooch taan oogiihine; xuꞌechinaꞌo kishoochee taan wodiihine.

1 Kiinoo 16:7

Ebi galletee shoddoon Doono Yeerich boonoshi shoddemmoyich Asaafinaa bi maneenaꞌonon batti batt Daawiti kaaccito ebiyoobane.

Shoddo 34:19

Cadiqoyich iritoo woddoone; tunebaani Doono Yeeri ebi bulliichee biin wodiyemmone.

Shoddo 50:14

Galletee deejjoon Yeerich giddiibe; Beshoo Yeerich ne tiikkeshoon imbe.

Keyo 15:1

Aroochee Muusinaa Israꞌeeleenaꞌona ishichiibeeti shoddoon Doono Yeerich shoddeheete: “Oogoona beshii bi oogetoyich, hareshoonaa hareshechonon baharooch bi dichitoyich, Doono Yeerich shoddemmo taane.

2 Qorontoosi 1:10

Biyoo ebin shaahiibeeti qitoochee noon wodiihe; andoo wodiyemmone; ittoshiyoo wotta Yeerin qolloona noon ittoshi gaache beetaa, gubboo wotta noon wodiyemmo bi tunoon gibenaabeeto noone; wodde corootoona Yeerichi wojjoon no danetaa, meeti asheenaꞌo no naboona Yeerin galletemminaꞌone.

Yibbaatoo 31:30

Aroochee Muusi Israꞌeelee iiteenaꞌo bullich hini shoddee qaaroon waayiiꞌi gettii ciichiye. Ebi shoddee qaaro ishichii beetone:

2 Ximootiyoosi 4:18

Doono Yesuus Kiristoosi gonde mooyo bulliichee taan echiyemmone; wodiiree shimaajji bi taatittineech taan giijjemmone; bulli yemeenoon oogee yiiroo biich tunebe. Ameena.

Woraaferasheenaꞌo 5:1

Arooba Diiboorinaa Abinoꞌami bushoo Baraaqina ishichiibeeti shoddoon shoddeheete:

1 Saameeli 23:14

Daawiti barahooch beeti mishigoonaa Ziifi barahooch beeti geppe showoonooch aasheꞌi beehe. Saaꞌooliyoo biin qemi qemona qaawii beehe. Tunebaani Yeeri bi kishooch beshiiꞌi biin imaanoone.

1 Saameeli 24:15

Andoo Doono Yeeri nallecho tuneree, neennaa taanna daggooch nallibe. Ta mooyon beegiree bi ta qoodoon taggebe. Ne kishoocheenoo taan wodiibe” iye.

1 Saameeli 25:29

Asho koniyoona neen wuxiya yookkii bi dabbigaata, asho aaxxe bi qiicoon quyoommon ne Nuggishoo Doono Yeeri neen quye wodiyemmone. Tunebaani ne etteenaꞌochi kasheen, asho xaqqoon xeppelloona awuroommon awuremmone.

1 Saameeli 26:24

Ne kashoon aaxxe mooyon tuniyaꞌa hanaach ta wodiyoommon, ebiyoommon ta kasho Doono Yeeri aafoochaa aaxxe mooyon tuneree bekkebe. Biyoo ta iritoo bulliichee taan wodiibe” iye.

1 Saameeli 27:1

Tunebaani Daawiti bi mulloona “Ikke areddoon Saaꞌooli taan wuxoon qayaachemmone. Ebich muricciꞌi Filsixeemeenaꞌo showooch hamoyee besh, taach bare gaawe mooyo aalloone. Aroochee Saaꞌooli Israꞌeelee showoo bulliich taan qaawoon qajjemmone. Tawoo bi kishoochee muriccemmo taane” iꞌi gabiye.