2 Saameeli 21:7 - Kafa Linguistics Project

⁷ Tunebaani Daawiti, biinnaa Saaꞌooli bushoo Yonaataanina Doono Yeeri aafoochaa boonoshinaa boonoshina wogeti wogoyicha iꞌi, Saaꞌooli bushoo Yonaataanichi bushoo Mefiboshetin beshiiꞌi imaanoone.

2 Saameeli 21:7 ပူးပေါင်းရင်းမြစ်များ

2 Saameeli 16:4

Aroochee taatoo Siibich, “Illa ebiyee damba Mefibosheticho tuneto bulli neechone” iye. Siibiyoo “Ne aafooch dihaa goyinnoye; taatoo ta doonocho, ne aafoochaa gidoon daneton tunebone” iye.

2 Saameeli 19:25

Biyoo taatoona daneya Yerusaalemee bi waammona, taatoo biich, “Mefibosheto, taanna tookkii hamo ne qajjeto, amoyichiye?” iye.

2 Saameeli 4:4

Saaꞌooli bushoo Yonaataanich baata sheqqo tuneti ikke bushoo beetone. Biyoo Saaꞌoolinaa Yonaataaninochi qitee woroo Yezireelee waayeehooba, uuche nati bushoone. Baata sheqqo bi tuneto, arooba bi dichindee afaafinoona tiqqaꞌa bi woccaa beetaa, holliꞌiniye. Bi shigoo Mefibosheti getteehe.

2 Saameeli 9:1

Ikke areddoon taatoo Daawiti “Yonaataanicha getiree biich deꞌoon ta deeyemmoyich, Saaꞌooli kechi asheenaꞌo daggoochee echeti asho beete?” iꞌi echehe.

2 Saameeli 9:10

Ne, ne bushiisheenaꞌonaa ne naayinaꞌona ne doono bushoochi bushoo bi maayemmon bi danemmoyich bi showoon goyote; maayoonoo gotebote. Tunebaani Mefibosheti bi qelloona bulli aaboon ta madoocheeniye bi maayemmo” iye. Arooba Siibich aaraa uuche anaami bushiisheenaꞌonaa hiye naayinaꞌona beetinaꞌone.

2 Saameeli 9:6

Saaꞌooli bushoo tuneti Yonaataanichi bushoo Mefibosheti Daawit waan waahe. Biyoo Daawitich oogoon imoyich, baroona showooch guufehe. Daawitiyoo “Mefibosheto!” iꞌi ceeggiye. Biyoo “Ta doonocho, hini tawoche” iye.

2 Saameeli 9:7

Daawitiyoo biich ishichiye: “Shattaahine; ne nihoo Yonaataanicha getiree neech deeyemmo taane. Ne nihinihoo Saaꞌoolicho tuneti showoo bullin neech wochemmo taane. Bulli aaboonoo ta madoochee maayemmo neene” iye.

Dojjecho 8:2

Yeeri biich wogoon bi giyitoyich, taatoochi getoon ne ceechemmoyich neech gettehoye.

1 Saameeli 18:3

Yonaataani Daawitin bi kashoona tachiꞌi bi shunnitoyich, biinna tookkii wogoon giyiye.

1 Saameeli 20:12

Aroochee Yonaataani Daawitich ishichiye: “Israꞌeelee Nuggishoo Doono Yeeri no miixoo tunebe. Yaach woyee sharitta ta nihoo waanee mooyon xiishiree, neech bi gabiibeeti gaboo gaaweto bi tunegaata, ne waan wochoon daachiiree, neech arichiyemmo taane.

1 Saameeli 20:15

Doono Yeeri ne etteenaꞌo bullin showee toommoochee hidii bi aalliihooba, ne deꞌittinoon ta kechi asheenaꞌo waanee bulli yemeenoon kuxxaahine” iye.

1 Saameeli 20:17

Yonaataaniyoo Daawitin bi shunoochee tiyitona biich bi wogemmoyich tuniihe. Ebiyoo Daawitin bi kashoona tachiꞌi bi shunnii beetoyichiye.

1 Saameeli 20:42

Yonaataaniyoo Daawitin “ ‘Neennaa taanna daggooch, ne yaroonaa ta yaroona daggoochoo bulli yemeenoon Doono Yeeri tunebe’ iyaꞌa Doono Yeerichi shigoona wogoon no giyetoyee, illa diggoona hambe” iye. Aroochee Daawiti tiyii hammiye. Yonaataaniyoo katemooch wottehe.

1 Saameeli 20:8

Illa deꞌe mooyon taach tuniibe; ne guuno taanna tookkaa Doono Yeerina wogoon giyeto neene. Tunebaani gondo taach bi beegaata, ne taan wuxibe; amoyichiye ne nihoo taan wuxemmoyich, beshiiree ne immemmo?” iye.

1 Saameeli 23:18

Boonoshi guttiyoo Doono Yeeri aafoochaa wogoon giyiyeete. Daawiti Horeesh echemmona, Yonaataani bi kexooch hammiye.

1 Saameeli 24:22

Daawitiyoo ebin Saaꞌoolich wogehe. Aroochee Saaꞌooli bi kexooch wottehe. Daawitinaa bi asheenaꞌona aafi boonoshi aashee xaaꞌooch wotteheete.