2 Saameeli 21:15 - Kafa Linguistics Project

¹⁵ Filsixeemeenaꞌonaa Israꞌeeleenaꞌona daggooch wochinnoon koyo tiyiye. Daawitiyoo bi ginee naayinaꞌona tookkii desh hammiꞌi, Filsixeemeenaꞌona koyehe. Biyoo hakkoo guuteehe.

2 Saameeli 21:15 ပူးပေါင်းရင်းမြစ်များ

2 Saameeli 21:16

Gooshoochee shuuneeti, keejje kiilo giraamaa qachi ginoon yechiti, andire goraadoonoo cuyeti, Rafayimee yaroochee tuneti, Ishibenoobi Daawitin wuxiya iye.

2 Saameeli 5:17

Filsixeemeenaꞌo, Daawiti huutteꞌi Israꞌeeleenaꞌo toommooch bi taatoon waayeheete. Boonoshi bulliyoo Daawitin qaawi yecha kaama waaheete. Tunebaani Daawiti ebin waayeꞌi, mishigechi xaaꞌooch dugilla hammiye.

2 Saameeli 5:22

Filsixeemeenaꞌo wochinnoon waaꞌi, Refayee bambooch shaceꞌi koteheete.

2 Saameeli 5:25

Daawitiyoo Doono Yeeri gettitoommon tuniihe; Filsixeemeenaꞌon Geebee tiijjii Gezeer beddaahaa yookkii dabbiꞌi kochiye.

2 Saameeli 8:1

Ebiyee gubb, Daawiti wochinnoon Filsixeemeenaꞌona koyeꞌi, boonoshin kochii wochiye. Meteeg Amahi katemoon boonoshi kishoochee deqqiye.

1 Kiinoo 20:4

Ebiyee gubb, Filsixeemeenaꞌona tookkii Gezeeri katemoochaa koyo koyeehe; ebiyooba Hushatechi Sibekayi Refayee yaroochee tuneti Sifayin wuxiye. Filsixeemeenaꞌonoo kochii wochiyeete.

Shoddo 71:18

Yeero, ne hakkoonaa ne giidoonon, woyemmi shiijjeroyich ta awaajjimmi wottoon, geeneꞌa ta bukketaanona taan duppaahine.

Shoddo 71:9

Ta geenee yemeenooba taan duppaahine; ta giidoo qayiyooboo taan qajjaahine.

Shoddo 73:26

Ta kashoonaa ta meenona niroon hakkiye; tunebaani Yeeri bulli yemeenoon ta hakkoonaa ta qoodoonane.

Dojjecho 12:3

kellechinaꞌo qeweyaan beetaa, giidechinaꞌo goobeyaan beetaa, haddoona giishecheenaꞌo boonoshi tunee naboona maayi yiikkechi genneenaꞌo shuunoon neechaan beetaa, mallee kelloona ciinnii beetinaꞌo ciinnemmon mawiyaan beetaa, neen Halliton gabibe!