2 Saameeli 21:10 - Kafa Linguistics Project

¹⁰ Aroochee Ayaahi bushee Ritsifi dubeno beetooch hammaꞌa, xaqqee guudi toommooch dookoona bashoon biich bashiyan. Biyoo maayi qecci gooroochee tiijjaꞌa, amiyo shimaayoochee dubenee toommooch dihimmi wottoon, arooch kotaꞌa, areddoon shimaajji gacoochee, wotta xumoon kubbi cooxoochee dubenoon quyaa beehan.

2 Saameeli 21:10 ပူးပေါင်းရင်းမြစ်များ

Halloo 40:19

Keejje qemi daggooch Farooni cuyee kexoochee neen kichemmone; ne qettoonoo kuxiree ne dubenoon mixooch yooddemmone; gaceenaꞌoo ne meenon maayemminaꞌone” iye.

2 Saameeli 21:11

Daawiti Ayaahi bushee, Saaꞌooli naamache Ritsifi tuniiti mooyon waayehe.

2 Saameeli 3:7

Saaꞌoolich Ritsifi getteebeeti naamache beetine. Biyoo Ayaahi busheene. Ishiboshesiyoo Abeneerin “Ta nihoochi naamache waan ne giyeto, amoyichiye?” iye.

1 Taateenaꞌo 21:27

Akaabi ebi qaaroon waayeꞌi, bi tahoon keexxiye; dookoon taheꞌi coomiye; dookoochoo qeyiye. Qumittimiꞌinoo hammii beehe.

Erimiyaasi 14:22

Iberoochaa aagetee nuggisheenaꞌo daggooch, amiyon dichoon hakkemmo danehe? Woyee shimaayoo amiyon dichoon hakkehe? No Nuggishoo Doono Yeeri ne toono neene? Ebi bullin tuniibeeto ne tunetoyich, no gibenaabeeto neeniye.

Hiziqeeli 39:4

Neennaa ne ginee naayinaꞌo bullina, neenna tookkii beeti asheenaꞌoo Israꞌeelee guudinaꞌooch dihemmo ittoshine; shimaajji gacoonaa kubbi cooxonoyich maayoon tuniiree ne meenon immemmo taane.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Yoꞌeeli 1:18

Boonoshi maayemmi mocoo aalletoyich miiminaꞌo giiqqiyeete; bageenaꞌoo shaaceꞌi shaawshaawimmiyeete.

Yoꞌeeli 2:23

Tsiyoonee asheenaꞌote, emiribote! Ittoshi Nuggishoo Doono Yeeri taanna oogichi emiribote! Marehee amiyon, cadiqoona ittoshich immeto taane. Marehee amiyonaa naawee amiyonon, woddii ittoshich dichito taane.

Zakaariyaasi 10:1

Naawee amiyon ittoshich bi immemmoyich Doono Yeerin qollebote; amichechi quboon immiibeeto Doono Yeerine. Biyoo ashich bede amiyon, bi ikkikkoyichoo budeexi bechoon immemmone.

Yibbaatoo 11:14

Ebin ittoshi tuniigaata, biyoo ittoshich naawee amiyonaa yoochi amiyonon bi goori gooroona bi dichaa, maayoon, woyinoonaa zayitoonon maci kicemmo ittoshine.

Yibbaatoo 21:13

Bi keccehooba, bi taheti tahoon shaddibuye. Ne kexooch koteree bi nihoonaa bi indeenoyich ikke agenoon bi eeppetoyee gubb, bi waan shagiree biich kenoon tunebe. Biyoo neech mecheen tunebuye.

Yibbaatoo 21:22

Muusi Israꞌeeleenaꞌoyich ishichiye: “Ikke asho qitooch bechemmi axaaxoon bi shuunetaa, biin wuxaꞌa bi dubenoon mixooch ne yoodigaata,

Yibbaatoo 21:23

ebi dubenoon arooch qeejjaanoon arooba duuhe. Ebiyoo mixooch yooddeto Yeerina uppeto bi tunetoyichiye. Ne Nuggishoo Doono Yeeri ne woraashemmoyich neech bi immiibeeti showoon ne eeꞌiyaachemmoyich arooba duuhe” iye.

1 Saameeli 17:44

Biyoo daakkiꞌi, “Eke ta waan wobe; ne meenon shimaajji gacoonaa kubbi cooxonoyich tuniyemmo taane” iye.

1 Saameeli 17:46

Hanaach Doono Yeeri neen ta kishooch beshiiree immemmone. Tawoo neen yexi dichiree, ne qettoon kuxxemmo taane. Filsixeemee ginee naayinaꞌo dubenoonoo shimaajji gacoonaa kubbi cooxonoyich hanaach immemmo taane. Showee toommooch beeti asho bulli Israꞌeeleenaꞌo waan Nuggishoo beemon ariyemmone;