2 Saameeli 20:9 - Kafa Linguistics Project

⁹ Yoꞌaabiyoo Amaasin, “Ta manoocho, diggee beetine?” iye. Aroochee shummemmon shaahiꞌi qanne kishoona bi ishaanoon yechiye.

2 Saameeli 20:9 ပူးပေါင်းရင်းမြစ်များ

2 Saameeli 15:5

Asho koniyoona biich goyinneya bi waan giddemmona, Abisoloomi bi kishoon yaggii yechiꞌi shummii beehe.

2 Saameeli 17:25

Abisoloomi Yoꞌaabi qoodoon Amaasin ginee naayinaꞌo toommooch iraashiihe. Amaasiyoo Israꞌeelee asho tuneti Yeteeri bushoone. Bi indeyoo Nahaashi bushee, Yoꞌaabichi indee Tseruuyichi manee tuneti Abigeline.

2 Saameeli 18:29

Taatoo “Ta bushoo Abisoloomi diggeebeete?” iye. Ahimaaziyoo wochiꞌi, “Yoꞌaabi Topphiyee asho tuneti ne guunonaa taannon bi wochee beegaata, bi beetoochaa oogeti dulloon beeggeto taane. Tunebaani amo tuneto gaata, ta ariyaano taane” iye.

2 Saameeli 3:27

Abeneeri Kebiroon waammona, Yoꞌaabi ikke badd wochiree biin yibbaatiiya ii beeton shaahiꞌi, uxeree kello waan daammiye. Aroochaa bi manoo Asaheelin bi wuxitoyich, nichoon kichoyicha iꞌi, bi maacooch kochiꞌi wuxiye.

1 Taateenaꞌo 2:32

Biyee gaaweti gutte cadiqe asheenaꞌon, eboshiyoo Israꞌeelee ginee iraashoo Neeri bushoo Abeneerinaa Yihudee ginee iraashoo Yeteeri bushoo Amaasinon, ta nihoo Daawiti ariyaanoon, goraadoona bi wuxitoyich, Doono Yeeri bi shuuneti shuunoon bi toommooch wochemmone.

Shoddo 55:21

Bi yibbaatoo qefoyee beshe aniꞌoone; tunebaani bi gabiibeeto koyooniye; bi qaareenaꞌo zayitoyee beshe nireenaꞌone; tunebaani kaacheti goraadoomminaꞌone.

Shaahiyoo 26:23

Gonde mooyo bi mullooch beetaa, noonoon shaawiibeeti asho, birewoona nasheeti nuuqqee qiicoommone.

Shaahiyoo 27:6

Shixecho wochii wochii shumoyee, shunechochi mayiyoo gibeneehe.

Erimiyaasi 41:2

Netaani bushoo Ishmaꞌeelinaa biinna tookkii beeti aashire asheenaꞌona tiyiꞌi, showee toommooch Baabloonee taatoo iraashiiti, Shafaanichi bushoo, Ahiqaamichi bushoo Gedaliyin goraadoona wuxiyeete.

Mikiyaasi 7:2

Yeer asho showee toommooch aalletone; ashi daggoochoo kaamoo tuneti asho aalloone. Asho bulli ashi damoon ukkoyich ottii quyee beetone; bi manoon dabboona dabbe yecha ii beetone.

Woraaferasheenaꞌo 3:15

Israꞌeeleenaꞌo wochinnoon Doono Yeer waan cookiyeete. Doono Yeeriyoo boonoshin wodiyemmi, Geeri bushoo, kisha yoochoo Ehuudin Biiniyaamee yoodoochee tiijjiye. Israꞌeeleenaꞌo ebi Ehuudi kishoona gibiroon Moꞌabee taatoo Egiloon waan daachiiheete.