2 Saameeli 20:21 - Kafa Linguistics Project

²¹ No gaboo ebi toonoone. Geppechi Efreemi showee asho, Bikiri bushoo Sheebi taatoo Daawiti toommooch hukkoon tiijjitone. Biin baach beshiiree nooch imbotani, katemeen qayi hammemmo taane” iye. Ureyoo Yoꞌaabich, “Uroochi qello kuxaa xaqqee uxeree toommona neech awureyemmone” iyan.

2 Saameeli 20:21 ပူးပေါင်းရင်းမြစ်များ

2 Saameeli 20:1

Arooba Bikiri bushoo, Sheebi getteebeeti ikke gaacaalli Biiniyaamee asho arooch beehe. Biyoo tiroon (waaringoon) huggiꞌi ishichiye: “Daawit waanee nooch qoodoo aalloone, Iseyi bushoo waanee nooch danemmi mooyo aalloone; Israꞌeeleenaꞌote, ittoshi kexi kexooch wottebote” iye.

2 Saameeli 20:2

Ebich Israꞌeeleenaꞌo bulli Daawitin qajjii Bikiri bushoo Sheebin dabbiꞌi hammiyeete. Tunebaani Yihudee asheenaꞌo boonoshi taatoo waan giddeꞌi, Yoordaanoosee Yerusaalem beddaahaa tookkii hammiyeete.

2 Saameeli 20:20

Yoꞌaabiyoo wochiꞌi, “Ebi ta waanee wohe; katemoon tiisho woyee aalliyoo ta waanee wohe!

2 Saameeli 23:18

Tseruuyi bushoo, Yoꞌaabi manoo Abishayi shaasheenaꞌochi toommooch ukkiroone. Aroo bi ginoon tiijjiꞌi keejje balle asheenaꞌon wuxiye. Ebina keeminaꞌoyee barii aricheti ashoon tunehe.

1 Taateenaꞌo 11:26

Bi naayinaꞌoochee ikkoo, Efreemee showooch beeti Tsereedi katemee asho, Nebaaxi bushoo Yeroboꞌami taatoo Solomooni toommooch tiyiye. Bi indeyoo Tseruꞌaahi getteyaabeeti xuume ureene.

2 Taateenaꞌo 10:7

Koorichoo boonoshich shagaa, taatoochi bushiisheenaꞌo tuneti shabeenaꞌon yechii wuxiyeete. Eboshichi qelloon mokkooch geddiꞌi, Yezireel, Yehi waan daachiiheete.

2 Taateenaꞌo 5:22

Aroochee Giyaazi wochiꞌi, “Diggoone; ta doono, ‘And keemechinaꞌochi guuphoochee gutte gurimaasheenaꞌo geppechi Efreemee showoochee ta waan waatinaꞌone. Shaashaa awudde kiilo giraamee birewoonaa gutte shaddee tahoonon boonoshich ne immemmoyich neen qollehoye’ iꞌi taan wochetone” iye.

Erimiyaasi 4:15

Daani katemoochee qaaro waayee beetone; geppechi showoo Efreemee gonde mooyo aawaajjee beetone.

Erimiyaasi 50:19

Israꞌeelee asheenaꞌon boonoshi showooch wochemmo taane; Qermeloosi guudonaa Bashaani showoonooch shaggito bullin maayemminaꞌone; Efreemi guudonaa Gilaadee showoonoochaa, boonoshi michimmi wottoon maayemminaꞌone.

Yaasi 24:33

Ebiyee gubb, Harooni bushoo Elazaari qitiye. Aroo geppechi Efreemee showooch beeti, bi bushoo Finihaasich icheti Gibaahi katemooch duukkehe.

Woraaferasheenaꞌo 2:9

Geppechi Efreemi yoodee showoo beeti, Gaashi guudoochaa dambi-waan beeti, bi hajjee showoo Timinaat Herees duukkiyeete.

Woraaferasheenaꞌo 7:24

Geediyooniyoo geppechi Efreemee showoo bulliich wochoon daachiiꞌi, “Dugilla waaree Miidiyameenaꞌon koyote; aacon boonoshi kimaachemmoyich, Beet Baari katemooch beddaahaa beeti, Yoordaanoosi aachi kimeenaꞌo bullin yeshote” iye. Ebina Efreemi yoodo ceegaa waaꞌi, Beet Baari katemooch beddaahaa beeti aachi kimeenaꞌon yechiye.

Woraaferasheenaꞌo 9:55

Israꞌeeleenaꞌo bi qitoon beeggiꞌi, boonoshi kexi kexooch wotteheete.

1 Saameeli 24:6

Biyoo bi asheenaꞌoyich ishichiye: “Doono Yeeri huuttiti ta doono toommooch ebiyoommi mooyon tuniyoonaa Doono Yeeri huuttito toommooch gonde mooyon tuniyoonon Doono Yeeri ta waanee wokkiibe” iye.

1 Saameeli 26:9

Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone.