2 Saameeli 2:9 - Kafa Linguistics Project

⁹ Aroochaa Abeneeri Ishiboshesin Gilaadee showooch, Aseeree showooch, Yezireelee showooch, Efreemee showooch, Biiniyaamee showoonaa Israꞌeelee showoo bullinooch taatiihe.

2 Saameeli 2:9 ပူးပေါင်းရင်းမြစ်များ

Halloo 30:13

Liyiyoo “Am shaahoon taan emirikkite. Illa maacheenaꞌo taan emirechi gettemminaꞌone” iyan. Ebich bushoo shigoon, Aseeri iyaa shigiihan.

2 Saameeli 2:10

Saaꞌooli bushoo Ishiboshesi Israꞌeelee showooch bi taatehooba bi eeno aabbe natone. Biyoo gutte naton taatehe. Tunebaani Yihudee asheenaꞌo Daawitin dabbiyeete.

2 Saameeli 3:6

Saaꞌoolichi dabbeenaꞌonaa Daawitichi dabbeenaꞌona koyee toommooch boonoshi beehooba, Abeneeri Saaꞌoolichi dabbeenaꞌo daggoochee giidoona beshii beshii hammiye.

1 Kiinoo 12:29

Saaꞌoolichi meechi xiboo tuneti, Biiniyaamee yoodoochee keejje hume asheenaꞌo; tunebaani Biiniyaamee yoodee asheenaꞌoochee meetinaꞌo arooba beddaahaa Saaꞌoolich gibeneetinaꞌone;

1 Kiinoo 12:30

Efreemi yoodoochee boonoshi yaree daggooch aricheti, ginee anaaminaꞌo tuneti hiye humaa shimitte balle asheenaꞌo,

Shoddo 108:8

Gilaadi taachone; Minaasi taachone; Efreemi ta xuuree ukoone; Yihudi ta taatee gumboone.

Haddoo 1:40

Aseeri yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

Yaasi 16:5

Efreemee asheenaꞌo boonoshi yari yaroona boonoshich icheti showoo ebine: Boonoshi showee daaro aabi-keyo waanaa Axaroot Adaari katemoochee tiijjiꞌi, Dambee Beet Horoonee showooch shaggii,

Yaasi 16:8

Bi daaro andoo Taphuuhi katemoochee aabi-gimo waan beeti Qaani aacooch shaggiꞌi, Meditiraanee baharooch neexehe. Illa Efreemee asheenaꞌo boonoshi yari yaroona qoodeeti showoo ebine.

Yaasi 16:9

Wotta Minaasi yoodoochi showee daggooch, Efreemi yoodoyich qoodeeti katemeenaꞌonaa boonoshi guudoona beeti gafeenaꞌona beetinaꞌone.

Yaasi 17:1

Minaasi Yooseefichi gutenee bushoo bi tunetoyich, bi yoodoyich ixoona shaggiti qoodee showoo ebine. Minaasichi gutenee bushoo, Gilaadi nihoo, Makiri kupphe ginee anaamo bi tunetoyich, Yoordaanoosi aacoochaa aabi-keyo waan beeti Gilaadee showoonaa Bashaanee showoona shiichiꞌi biich ichetone.

Yaasi 18:11

Biiniyaami yoodoyich, batti batti ixoo boonoshi yari yaroona kechiye; ixoona boonoshich shaggiti showoo beeto, Yihudi yoodoonaa Yooseefi yoodoonochi showee gutte daggoochiye.

Yaasi 18:20

Aabi-keyo waani dano Yoordaanoosine. Biiniyaami yoodo boonoshi yari yaroona boonoshi hajjee showoon tuniiꞌi boonoshi woraashiti showee dano ebine.

Yaasi 22:9

Ebich Roobeelinaa Gaadinochi yoodeenaꞌo, ebiyoommon Minaasi yoodoochee qatinaꞌo Kanaanee showooch beeti Shiloohi katemoochaa Israꞌeeleenaꞌo waanee bariꞌi, Doono Yeeri Muusina bi gettitoommon, boonoshi kochii yechiti, boonoshi hajjoo tuneti showoo Gilaad wotteheete.

Woraaferasheenaꞌo 1:32

Yookkii kichoo bi qajjitoyich, Aseeri yoodo are showooch beeti Kanaaneenaꞌona tookkii arooch kotehe.

1 Saameeli 29:1

Filsixeemeenaꞌo boonoshi ginee naayinaꞌo bullin Afeeq deebii kiciyeete. Israꞌeeleenaꞌo Yezireeli bambooch beeti aachi xuuphee gaꞌooch kaamboon geddiꞌi kotetinaꞌone.