2 Saameeli 2:4 - Kafa Linguistics Project

⁴ Aroochee Yihudee asheenaꞌo Kebiroon waa, Daawiti shimbooch zayitoon huuttiꞌi, Yihudee asheenaꞌo toommooch taatiiheete. Saaꞌoolin duukkitinaꞌo Gilaadee showooch beeti Yabeeshi asheenaꞌo tunoon Daawiti waayehe.

2 Saameeli 2:4 ပူးပေါင်းရင်းမြစ်များ

2 Saameeli 19:11

Ebi Israꞌeeleenaꞌo yibbaateebeeti mooyo taatoo Daawit waan shaggiye. Aroochee Daawiti qeesheenaꞌo tuneti Sadooqinaa Abiyataarinoyich ishichiibeeti wochoon daachiihe. Biyoo “Yihudee showee geeneenaꞌoyich, ‘Taatoon bi kexooch wochii deeboyich ashi ciiro ittoshi tuneebeeto amoyichiye?

2 Saameeli 19:42

Yihudee asheenaꞌo bulli Israꞌeeleenaꞌoyich ishichiyeete: “Ebin no tuniito, taatoo nooch katini xiboo bi tunetoyichiye. Ebich amoyichiye ittoshi kaareebeeto? No, taatoo waanee deqqaꞌa no maati mooyo beete? Woyee taatoo nooch wojjiti wojjoo beete?” iyeete.

2 Saameeli 2:11

Daawiti Kebiroon beechii Yihudee yoodeenaꞌo toommooch bi taateto, shabaatte nattaa qatone.

2 Saameeli 2:7

Illa maac kuxo tunebote; kupphebote; ittoshi doono Saaꞌooli qititone; Yihudee asheenaꞌo ta shimbooch zayitoon huuttiꞌi boonoshi toommooch taan taatiitinaꞌone” iye.

2 Saameeli 21:11

Daawiti Ayaahi bushee, Saaꞌooli naamache Ritsifi tuniiti mooyon waayehe.

2 Saameeli 21:12

Biyoo hammiꞌi, Gilaadee showooch beeti Yabeeshi asheenaꞌo waanee Saaꞌoolinaa bi bushoo Yonaataaninochi shaawushoon deqqiye. Ebi Yabeeshi asheenaꞌo Filsixeemeenaꞌo Saaꞌoolin Giliboꞌaa boonoshi wuxiyooba, Saaꞌoolinaa Yonaataaninochi dubenoon daammiꞌi boonoshi yoodditi Beet Shani addibaaboochee aashoona deebiti asheenaꞌone.

2 Saameeli 5:17

Filsixeemeenaꞌo, Daawiti huutteꞌi Israꞌeeleenaꞌo toommooch bi taatoon waayeheete. Boonoshi bulliyoo Daawitin qaawi yecha kaama waaheete. Tunebaani Daawiti ebin waayeꞌi, mishigechi xaaꞌooch dugilla hammiye.

2 Saameeli 5:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Taatoo Daawitiyoo Kebiroonaa Doono Yeeri aafoochaa boonoshina tookkii wogoon giyiye. Boonoshiyoo Daawiti shimbooch zayitoon huuttiꞌi, Israꞌeelee showooch biin taatiiheete.

2 Saameeli 5:5

Kebiroon beechii, Yihudee showooch shabaatte nattaa shiritte agenoon taatehe; wotta Yerusaalem beechii, Israꞌeelee showoo bullinaa Yihudee showoo bullinooch shaashaa keejje naton taatehe.

2 Taateenaꞌo 11:12

Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; biinoo huuttiꞌi taatiiheete. Boonoshiyoo koppeebee, “Taatoo hume naton taatebe” ii cookiyeete.

1 Kiinoo 10:11

Filsixeemeenaꞌo Saaꞌooli toommooch tuniito bullin Gilaadee showooch beeti, Yabeeshi asheenaꞌo bulli waayeꞌi,

1 Kiinoo 11:3

Ebina Israꞌeeleenaꞌon qeejjiibeeti geeneenaꞌo bulli Kebiroon, Daawit waan waaheete. Daawitiyoo Kebiroonaa Doono Yeeri aafoochaa boonoshina tookkii wogoon giyiye. Doono Yeeri Saameelina bi gettitoommon boonoshiyoo Daawitichi shimbooch zayitoon huuttiꞌi, Israꞌeelee showooch biin taatiiheete.

1 Kiinoo 12:23

Doono Yeeri bi gettitoommon, Saaꞌoolichi taatittinoon tiijjiree Daawitich imoyich, Daawiti beeti Kebiroon waati ginee naayinaꞌochi haddoo ebine:

1 Saameeli 16:13

Aroochee Saameeli zayitee xoofoon tiijjiꞌi, bi maneenaꞌo aafooch biin huuttiye. Aroobee aaboochee tiijjiꞌi, Doono Yeerichi Ayaano Daawiti toommooch giidoona kindiye. Aroochee Saameeli Raama wotteꞌi hammiye.