2 Saameeli 19:9 - Kafa Linguistics Project

⁹ Israꞌeelee yoodeenaꞌo tuneti asheenaꞌo boonoshinaa boonoshina gajjiteebee ishichiyeete: “Taatoo Daawiti no etteenaꞌo kishoochee noon wodiitone; Filsixeemeenaꞌo kishoocheenoo noon shiwetone. Tunebaani and Abisoloomi naboona aasheꞌi, no showoochee hammitone.

2 Saameeli 19:9 ပူးပေါင်းရင်းမြစ်များ

2 Saameeli 15:14

Ebich Daawiti biinna tookkii Yerusaalem beeti bi naayinaꞌo bullich ishichiye: “Ittoshi tiyaa muricone. Ebi tuno qayigaata, no daggoochee, Abisoloomi kishoochee muricon hakkemmo koniyoona aalloone. Kaateree hiniichee keyone. Eechoo no qayigaata, afaafinoona waa noon yeshiree, no toommooch gonde mooyon tuniyemmone. Hini katemeexi asheenaꞌonoo wuxi aalliyemmone” iye.

2 Saameeli 19:10

No toommooch bi taatemmoyich no huutteti Abisoloomi koyoochaa qititone. Ishigaata and, taatoon wochii deebichi mooyon ittoshi cikkii qajjiibeeto, amoyichiye?” ii beeheete.

2 Saameeli 19:40

Taatoo aacon kimmiꞌi, Galigala hammiye. Kimihamiyoo biinna tookkii hammitone. Yihudee ginee naayinaꞌo bullinaa qach bede Israꞌeeleenaꞌona gommon deennii daammiyeete.

2 Saameeli 22:44

“Deꞌa getaani macceenaꞌo kishoochee taan wodiihine; aageteenaꞌo toommooch taan iraashiihine; boonoshin ta ariyaani asheenaꞌo taach hajjeeheete.

2 Saameeli 5:20

Ebina Daawiti Baꞌaal Feratsim hammiꞌi, aroochaa Filsixeemeenaꞌon kochii wochiye. Biyoo “Diqqoona ambamboo shaggiꞌi bi gaahoommon, Doono Yeeri ta etteenaꞌon gaakkiye” iye. Ebich are xaaꞌoo Baꞌaal Feratsimi getteehe.

Shoddo 18:43

Deꞌa getaani macceenaꞌo kishoochee taan wodiihine; aageteenaꞌo toommooch taan iraashiihine; boonoshin ta ariyaani asheenaꞌo taach maddeheete.

Keyo 32:24

Ebich, ‘Aachee qiico bi waan beeto koniyoona kichibe’ iyoye. Aroochee aachoon taach immiyeete; tawoo qaaqqooch geddoye; ebina hini maanji misilo tunehe” iye.

1 Saameeli 17:50

Ebiyoommi gommona Daawiti xeppelloonaa xaqqoona baach are Filsixeemoon yexxii wuxiye. Daawiti kishooch goraado aalloone.

1 Saameeli 18:25

Saaꞌooliyoo “Daawitich ishichibote; ‘Taatoo bi etteenaꞌo toommooch nichoon kichoon bi qaawii beetoyich, ne waanee bi qaawiibeeti xiloosho, balle Filsixeemeenaꞌon wuxiꞌi boonoshi shookoon ne deebon baachiye’ getote” iye. Saaꞌooli bi ishichito, Daawiti Filsixeemeenaꞌo kishoona bi qitemmoyich bi qaawitoyichiye.

1 Saameeli 19:5

Daawiti Gooliyaadin bi wuxito, bi kashoon qitooch beshiiꞌi imonane. Doono Yeeriyoo Israꞌeeleenaꞌo worganikkiti wudoon boonoshi danemmoyich tuniihe. Newoo ebin beeggaꞌa emirihine. Ishigaata, ikke naboo aalloon Daawitin wuxoona xalle ashi toommooch gonde mooyon ne shuuneya iyaabeeto, amoyichiye?” iye.