2 Saameeli 19:8 - Kafa Linguistics Project

⁸ Ebich taatoo tiyii hammiꞌi, katemee kellee gaꞌooch kotehe. Taatoo katemee kellee gaꞌooch kotoon asheenaꞌo bulli waayeheete. Boonoshi bulliyoo waa bi aafooch kiceeheete. Areegaata, Israꞌeeleenaꞌo bulli aasheꞌi boonoshi kexooch wottetinaꞌone.

2 Saameeli 19:8 ပူးပေါင်းရင်းမြစ်များ

2 Saameeli 15:2

Biyoo maaddi maaddoona tiyiꞌi, katemee kellooch daammiibeeti gommooch neexee beehe. Asho koniyoona bi taggoon taatoyich giddiiya bi waammona, Abisoloomi biin ceeggiꞌi, aabekkee bi waato gaata echee beehe. Uro Israꞌeeleenaꞌo daggoochee koni yoodo gaata bi tunoon bi gettimmona,

2 Saameeli 18:24

Areegaata, Daawiti uxeree kellooch beeti maaci kelloonaa maachi kelloonochi gutte daggooch koteꞌi beehe. Qayecho kellee kaamooch beeti uxeree toommooch kechiye. Biyoo kaachii ciinniꞌi, bi ikkeeto woccii waabeeti uroon beeggiye.

2 Saameeli 18:4

Taatoo boonoshich wochiꞌi, “Gaaweto tuneꞌi ittoshich bekketon tuniyemmo taane” iye. Ebina taatoo uxeree kellee gaꞌooch neexee bi beetaa, asheenaꞌo bulli balloonaa humoona tuneꞌi yaaroona qaxiriyeete.

2 Saameeli 19:3

Arooba ginee naayinaꞌo ginoochaa koyaa yookkeꞌi yeelleti ginee naayo shashewimoommon, shashewimiꞌi katemooch giyiyeete.

1 Taateenaꞌo 22:36

Aabee gimooch Israꞌeelee ginee naayinaꞌo daggooch, “Asho bi ikkikkoona bi katemooch, bi ikkikkoona bi showooch wottebe” ii beeti cookoo cookeehe.

2 Taateenaꞌo 14:12

Israꞌeeleenaꞌo Yihudee asheenaꞌon koyaa, asho bi ikkikkoona bi kexi kexooch woccii aallehe.

2 Taateenaꞌo 8:21

Ebich Yehoraami bi gaari bullin yechiꞌi, Tsaꞌiiri katemooch koyoyich kechiye. Edoomee ginee naayinaꞌo boonoshin giichiyeete. Biinnaa gaarinaꞌochi ukkireenaꞌona xumoona tiyiꞌi boonoshin yexxiyeete; tunebaani bi ginee naayinaꞌo boonoshi kexi kexooch woceheete.

1 Saameeli 4:10

Ebina Filsixeemeenaꞌo koyeheete; Israꞌeeleenaꞌonoo kochii wochiyeete. Israꞌeeleenaꞌoo boonoshi duukkaani duukkaanooch woceheete. Arooba meeti asho ciirehe. Israꞌeeleenaꞌoochee shaashe hume ginee naayinaꞌo qitiyeete.