2 Saameeli 19:43 - Kafa Linguistics Project

⁴³ Israꞌeeleenaꞌo wochiꞌi ishichiyeete: “Taatoo waanee, ittoshichoyee besho tuneti, aashire kishee qoodoo nooch beetone. Ishigaata, noon ittoshi qallayito amoyichiye? Taatoon wochiꞌi deebichi mooyon shiichaꞌa tiijjito, no toono noone?” iyeete. Tunebaani Yihudee asheenaꞌochi yibbaatoo Israꞌeeleenaꞌochoyee beshe kuppho tunehe.

2 Saameeli 19:43 ပူးပေါင်းရင်းမြစ်များ

2 Saameeli 19:14

Ebin getona, Daawiti Yihudee asheenaꞌo bulli mullo ikkittinoona bi waan wottemmoyich tuniihe. Boonoshiyoo “Newoo, ne ginee naayinaꞌoo wottebote” iꞌi wocheheete.

2 Saameeli 19:9

Israꞌeelee yoodeenaꞌo tuneti asheenaꞌo boonoshinaa boonoshina gajjiteebee ishichiyeete: “Taatoo Daawiti no etteenaꞌo kishoochee noon wodiitone; Filsixeemeenaꞌo kishoocheenoo noon shiwetone. Tunebaani and Abisoloomi naboona aasheꞌi, no showoochee hammitone.

2 Saameeli 20:1

Arooba Bikiri bushoo, Sheebi getteebeeti ikke gaacaalli Biiniyaamee asho arooch beehe. Biyoo tiroon (waaringoon) huggiꞌi ishichiye: “Daawit waanee nooch qoodoo aalloone, Iseyi bushoo waanee nooch danemmi mooyo aalloone; Israꞌeeleenaꞌote, ittoshi kexi kexooch wottebote” iye.

2 Saameeli 20:6

Ebich taatoo Abishayich, “Bikiri bushoo Sheebi, Abisoloomi tuniitoyee beshe iritoon no toommooch deebemmone; ta asheenaꞌon yeshiree biin yoohi dabbibe. Ebi tuno qayigaata xaqqee uxerechi katemooch giyi aasheree, no waanee muriccemmone” iye.

2 Saameeli 5:1

Ebiyee gubb, Israꞌeelee yoodeenaꞌo bulli Kebiroon, Daawit waan waaꞌi, biich ishichiyeete: “No, ne meeno, ne damoo noone.

1 Taateenaꞌo 12:16

Israꞌeeleenaꞌo bulli taatoo boonoshi mooyon waayee qayon beeggiꞌi, ishichii wochiyeete: “Daawit waanee no danemmi mooyo amoone? Iseyi bushoo waanee no woraashemmi mooyo aalloone. Israꞌeeleenaꞌote, ittoshi duukkaani duukkaanooch wottebote; Daawito, and ne hajjee kexon quyebe” iyeete. Ebina Israꞌeeleenaꞌo boonoshi duukkaani duukkaanooch wotteheete.

Shaahiyoo 13:10

Geecoo yexooch bechiye; tunebaani ciicoon deqqii beetinaꞌo mullechinaꞌone.

Shaahiyoo 15:1

Maanjoona wochoo kaaroon aqqiihe; tunebaani kupphe qaaro kaaroon booddiye.

Shaahiyoo 17:14

Kaaro bi tiyiibeeto aaco bi gabbetoochee ufoommoniye; ebich kaaro tiyaan beetaa hayoon neechibe.

Shaahiyoo 18:19

Xukketi manoo mishigechi katemoommi kupphoone; boonoshi kaaro xaqqee uxeree tuggoommone.

Roomi 12:21

Gondoon deꞌoona wochiballi, gondo neen koyi wochaaye.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Galaati 5:26

Noonnaa noonna qemeteyoonaa qanaatoona beebee duuboon geecaayone.

Filipphisiyoosi 2:3

Ittoshi qelloon giishiyoona “Ta manoo tayee gaawiye” getiree gabibotalli, beshi bekkeya getiree woyee duube naadoon daneya getiree ikke mooyonona tuniyaahote.

Yaaqobi 1:20

Ashi kaaro Yeerin emirikkiibeeti cadiqee shuunoon shuuneyaachemmone.

Woraaferasheenaꞌo 8:1

Aroochee Efreemi yoodo Geediyoonin, “Ebi no toommooch ne tuniiti mooyo amoone? Miidiyameenaꞌon koyoyich ne hammehooba, noon ceegon ne qajjeto, amoyichiye?” iyeete. Kupphiiꞌinoo biinna kaareheete.

Woraaferasheenaꞌo 9:23

Yeeriyoo Abimeleekinaa Shekeemi asheenaꞌonon kaariyemmi yinnoon deejjiye. Boonoshiyoo Abimeleeki toommooch hukkoon tiijjiyeete.