2 Saameeli 19:37 - Kafa Linguistics Project

³⁷ Aroochee ta hajjee katemoochaa, ta nihoonaa ta indeena duukketi maashee katinoochaa ta qitemmoyich, ne guuno ta wottemmoyich daaggibe. Tunebaani ta bushoo Kimihami ebiyoche, taatoo ta doono neenna tookki hambe; ne shunneto amoonolla biich tuniibe” iye.

2 Saameeli 19:37 ပူးပေါင်းရင်းမြစ်များ

Halloo 47:30

Ta qaabbechinaꞌo waan ta xaꞌeehooba, Gibitsee kichi daamiree, ta qaabbechinaꞌo duukketi maashooch taan duuhe” iye. Yooseefiyoo “Deꞌa, ne gettetoommon tuniyemmo taane” iye.

Halloo 48:21

Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.

Halloo 50:13

Bi dubenoon Kanaanee showooch daammii shakkiiheete. Abrahami maashee xaaꞌoo bi tunemmoyich, Hitee asho Efiroon waanee goyee budona tookkii bi kemeti, Mamiri goroochaa aabi-keyo waan, Makifeli beeti, xaqqee gofee maacooch duukkiyeete.

2 Saameeli 19:36

Taatoo ebiyoommi mooyon taach tuniiya bi qaawiibeeto amoyichiye? Ne guuno ta, Yoordaanoosi aacoyee beqach besheree giisheche gommon baach neenna tookki hambona.

2 Saameeli 19:38

Taatoo wochiꞌi, “Kimihami taanna tookki hambe; ne shunneto amoonolla biich tuniyemmo taane; wotta ta waanee ne qaawimmo amoonolla neech tuniyemmo taane” iye.

2 Saameeli 19:40

Taatoo aacon kimmiꞌi, Galigala hammiye. Kimihamiyoo biinna tookkii hammitone. Yihudee ginee naayinaꞌo bullinaa qach bede Israꞌeeleenaꞌona gommon deennii daammiyeete.

1 Taateenaꞌo 13:22

maayoon ne maataachemmonaa uyoon ne uyaachemmonoyich, neech ta getteti xaaꞌooch wottaa waaꞌa koshon maa aacon ne uchetoyich, ne dubeno ne qaabbechinaꞌochi maashooch shagaachemmone’ itone” iꞌi cookii gettiye.

1 Taateenaꞌo 2:7

“Ne manoo Abisoloomi aafoochee maxxaꞌa ta hammehooba, gaawe mooyon taach boonoshi tuniitoyich, Gilaadee asho Barizilayi bushiisheenaꞌoyich gaawe mooyon tuniibe. Ne madoochee maabeeti asheenaꞌona tookki mameete.

1 Taateenaꞌo 4:5

Naataani bushoo Azariyaasi woraafee ukkireenaꞌochi iraashoone; Naataani bushoo Zabuudi qeeshoonaa taatoochi katini mikkirechonane;

Erimiyaasi 41:17

Boonoshiyoo Gibits hamoyich boonoshi gabitoyich aroochee tiyii hammiꞌi, Beetilehemi gaꞌooch beeti Geruut Kimiham kasheheete;

2 Ximootiyoosi 4:6

Uyee deejjoochoommon ta kasho deejjeya ii beetone; Yeer waan ta hammemmi aabo katinnitone.

Yaasi 23:14

“Ebiyoche, and qitiya beddeto taane. Ittoshi bulli, Nuggishoo Doono Yeeri ittoshich bi gibenikkiti gaawe gibeno bulliichee ikkeenolla echiyaano bi tunoon ittoshi mulloona, ittoshi kashoonoo ariibeeto ittoshine; ikkolla echeyaanoon bulliyona ittoshich ceennitone.