2 Saameeli 19:22 - Kafa Linguistics Project

²² Tunebaani Daawiti ishichiye: “Tseruuyi bushiisheenaꞌote, ebiich ittoshin geddemmo amolla aalloone. Hanaach, taach ettoon tuneto ittoshine. Ta and Israꞌeelee taatoo taane. Ebich Israꞌeeleenaꞌo daggoochee hanaach koniyoona qitaachemmone” iye.

2 Saameeli 19:22 ပူးပေါင်းရင်းမြစ်များ

2 Saameeli 16:10

Tunebaani taatoo ishichiye: “Tseruuyi bushiisheenaꞌote, ebiich ittoshin geddemmi mooyo beete? Doono Yeeri, ‘Daawitin ufe’ getaa uppiibeeto bi tunegaata, biin ‘Ebin amoyich tuniinne?’ geton hakkemmo, konine?” iye.

2 Saameeli 16:5

Taatoo Daawiti Bahuriimi katemooch bi shaggimmona, Saaꞌoolichi xibeenaꞌoochee ikkoo tuneti, Geeri bushoo Shimeꞌi biinna danehe; biyoo Daawitin kuxaanoon uppiibee waa beehe.

2 Saameeli 16:9

Areegaata, Tseruuyi bushoo Abishayi taatoyich, “Hini qititi kunaanoo taatoo ta doonon bi uppemmo, amoyichiye? Bi beetooch besheree bi qettoon kuxona” iye.

2 Saameeli 3:39

Huutteti taatoo ta tunetaanoona, hanaach hakkoo guuteeto taane. Tunebaani ebi Tseruuyi bushiisheenaꞌo tayee beshii giidetinaꞌone. Doono Yeeri bi shuunetoommon gondoyich shuunebe” iye.

Isiyaasi 16:5

aroochee taatee qeeno shoodoona manjemmone; are qeenooch Daawiti yaroochee iberittinoon qaawiibeeti, dayinnetoon tuniyoyich afaafineebeeti, gibeneeti taatoo kotemmone.

Maatiyoosi 8:29

Boonoshiyoo bekkech bunneꞌi, “Yeerichi Bushoocho, no mooyooch neen amo geddiye? Nallaa galloo waataan beetaa noon xuuxiiya hiniich waanne?” iibee cookiyeete.

1 Saameeli 11:13

Tunebaani Saaꞌooli “Hanaachi aabo Doono Yeeri Israꞌeeleenaꞌon bi shiweti aabo bi tunetoyich, hanaach ikke asholla qitaachemmone” iye.

1 Saameeli 26:11

Doono Yeeri huuttito toommooch gonde mooyon tuniyoon Doono Yeeri ta waanee wokkiibe. Ebi bi qoy beeti bi ginoonaa aachi qiicoonon baach ne yeshaa hambone” iye.

1 Saameeli 26:8

Abishayi Daawitich ishichiye: “Hanaach Yeeri ne ettoon ne kishooch beshiiꞌi immitone. And illa ikke wottoon showoona xaaqqi ginoona koyone. Koshiyoo taach qaawiyaache” iye.

1 Saameeli 26:9

Tunebaani Daawiti Abishayich ishichiye: “Wuxiyaahine! Doono Yeeri huuttito toommooch gonde mooyon tuniichii, xuꞌaalli xalloo tuno aalloone.