2 Saameeli 19:1 - Kafa Linguistics Project

¹ Abisoloomich taatoo eeppiꞌi muushenee toommooch bi beemo Yoꞌaabich getteehe.

2 Saameeli 19:1 ပူးပေါင်းရင်းမြစ်များ

Halloo 37:35

Bulli bi anaami bushiishoonaa maache bushiishoona biin goggiiya bi waan waaheete. Tunebaani goggemmon mawiihe. “Muushenebee ta bushoo waan, maash hammemmo taane” iye. Bi bushoyichoo eeppiye.

2 Saameeli 18:12

Tunebaani uro wochiꞌi Yoꞌaabich ishichiye: “Balle kishoon ebiyee beshiti birewoon taach ne immemmo gaatoona, taatoochi bushoo toommooch ta kishoon tiijjaache; ebiyoo no waayaa beetaa taatoo neech, Abishayinaa Itayinoyich ‘Ta bushoo Abisoloomi toommooch koniyoona gonde mooyon bi tuniyaachemmoyich quyebote’ bi itoyichiye.

2 Saameeli 18:14

Yoꞌaabiyoo uroyich “Ta ebi mooyon neenna tookki ebiyee beshoon yibbaata beetaache” iichii, keejje ginoon yechiꞌi hammii, andoo Abisoloomi mixooch yeendereꞌi kashoona bi beetaa, bi mullee kaamooch kochiye.

2 Saameeli 18:20

Tunebaani Yoꞌaabi “Taatoo waan woroon yeshiree hanaach ne hamaachine. Taatoo bushoo qititoyich, hanaach ebin ne tuniyemmoyich neech daaggaache; bare aaboon ebin tuniyoon hakkihine” iye.

2 Saameeli 18:33

Taatoo oogeton ayiniye. Uxeree kellee toommooch beeti kexooch kechiꞌi, aroochaa eeppiye. Biyoo hammiibee, “Ta bushoo Abisoloomo, ta bushoocho, ta bushoo Abisoloomo, ne qoodoon ta qitito gaata amo beete! Abisoloomo, ta bushoocho, ta bushoocho!” iibee eeppiye.

2 Saameeli 18:5

Taatoo, Yoꞌaabich, Abishayinaa Itayinoyich “Taacha getiree, ta bushoo Abisoloomi toommooch gonde mooyon tuniyaahote” iꞌi gettiye. Taatoo ginee iraasheenaꞌoyich gettiti ebi mooyon ginee naayinaꞌo bulli waayeheete.

2 Saameeli 19:2

Ginee naayinaꞌo wudoon boonoshi danetoyich boonoshi emireshi qoodoon, arooba ayinoona heechiyeete. Ebiyoo taatoo bi bushoyich muushenee toommooch bi tunoon boonoshi waayetoyichiye.

Shaahiyoo 17:25

Mullaalli bushoo bi nihoon ayinooch geddiye; biin shiyetiyoo caammeyemmoyich tuniihe.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.