2 Saameeli 18:2 - Kafa Linguistics Project

² Daawiti bi ginee naayinaꞌon keejj beera qoodiye. Keejje beereexi ikkoon Yoꞌaabi kishooch, andoo keejje beereexi ikkoon Yoꞌaabi manoo, Tseruuyi bushoo Abishayi kishooch, wotta echeti keejje beereexi ikkoon Gaati katemee asho Itayi kishooch tuniihe. Taatoo boonoshich “Ta qelloona ta, ittoshina tookki hammemmo taane” iye.

2 Saameeli 18:2 ပူးပေါင်းရင်းမြစ်များ

2 Saameeli 17:11

“Ebich ta boyemmo ebiniye: Daanee Beershaab beddaahaa beeti, baharee gasheexi qacoommon woddeti Israꞌeeleenaꞌo bulli ne waan kiceebeete. Ne qelloona newoo, boonoshina tookki koyooch hambe.

2 Saameeli 21:17

Tseruuyi bushoo Abishayi Daawitin gaacheya waahe; are Filsixeemoonoo kochii wuxiye. Aroochee Daawitichi ginee naayinaꞌo biich ishichiyeete: “Ne Israꞌeelee showooch aaxxeebeeti ceechoommo neene; ne qitigaata, ne shiijjeroocheenoo koniyoona ne taatittinoon yesho qayigaata, nooch beemo manderemmone. Ebich illa ebiyee damba noonna tookki koyooch hamaachemmo neene” iꞌi wogeheete.

2 Saameeli 23:18

Tseruuyi bushoo, Yoꞌaabi manoo Abishayi shaasheenaꞌochi toommooch ukkiroone. Aroo bi ginoon tiijjiꞌi keejje balle asheenaꞌon wuxiye. Ebina keeminaꞌoyee barii aricheti ashoon tunehe.

2 Saameeli 8:16

Tseruuyi bushoo Yoꞌaabi bi ginee iraashoone. Ahiluudi bushoo Yoshafaaxi wotta kiinee koorechone.

1 Taateenaꞌo 2:28

Ebi woroo Yoꞌaabich shaggiyooba, Doono Yeerichi danee duukkaanooch wocciꞌi, deejjee gudee qareenaꞌon yechiye. Yoꞌaabi Abisoloomin dabboo bi qajjitaanona Adoniyaasin dabbitone.

Shoddo 3:6

Ta guudoona giichiti, dofee ta etteenaꞌon shataache.

Woraaferasheenaꞌo 7:16

Keejje balle asheenaꞌonoo keejj beera qoodiye; asheenaꞌo boonoshi ikkikkoona tiroon, wotta ceechoo bi daggooch geddeti qulloon boonoshi yechemmoyich tuniihe.

Woraaferasheenaꞌo 7:19

Ebina Geediyooninaa biinna tookkii beeti balle asheenaꞌona xumee gutte qellimoo shagoyee shiichiꞌi, quyechinaꞌo quyee kaalloon boonoshi deqqiti katinooch, hammii ebi asheenaꞌochi kaambee gocooch shaggiyeete. Boonoshiyoo tiroon huggiyeete; boonoshi kishi kishooch beeti qulloon tiichiyeete.

Woraaferasheenaꞌo 9:43

Bi asheenaꞌonoo daammii keejje beera qoodiꞌi, gaddooch ottii quyee beehe. Asheenaꞌo katemoochee keyon beeggiꞌi bi aashetoochee boonoshin kocha kechiye.

1 Saameeli 11:11

Aroobee xum Saaꞌooli bi asheenaꞌon keejj beera qoodiye. Showee harooch Amoonee asheenaꞌo beetooch waaꞌi, aabo qeeccimmi wottoon, boonoshin wuxii aalliiheete. Qitoochee muriccitinaꞌo shacee aalleheete. Boonoshi daggoochee gutteꞌinona ikkooch echeto aalloone.