2 Saameeli 17:8 - Kafa Linguistics Project

⁸ Ne aabbinaa bi asheenaꞌona ginee anaaminaꞌo boonoshi tunoon, wotta bi bushiishoon bokketi diibechoommon oogeton ippetinaꞌo boonoshi tunoon ariyaabeeto neene. Ebiyeenoo wotta ne nihoo koyee ariyechone. Xumoon asheenaꞌona tookki qeyaachemmone.

2 Saameeli 17:8 ပူးပေါင်းရင်းမြစ်များ

2 Saameeli 15:18

Bi naayinaꞌo bulli bi aafoona besheheete; taatoochi quyee naayinaꞌo tuneti Kereeteenaꞌo bullinaa Feleeteenaꞌo bullina, wotta Gaatee biin dabbiꞌi waati shiritte balle asheenaꞌo bi aafoona besheheete.

2 Saameeli 17:9

Ebi goora andona, ikke oppooch woyee ikke bare xaaꞌooch aashe beeyemmone. Shiichiꞌi no ginee naayinaꞌo daggoochee ikkikkeenaꞌo qitigaata, ebin waayeto koniyoona, ‘Abisoloomin dabbiti asho qitii ciirete’ gettemmone.

2 Saameeli 23:16

Ebina ebi giidechi keejje asheenaꞌo Filsixeemeenaꞌochi kaambee gutte daggoona kuxxii besheꞌi, Beetilehemi uxeree kellooch beeti aachi oppoochee aacon kittii, Daawitich deebiyeete. Tunebaani Daawiti uchemmon qajjiichii, Doono Yeerich deejjoon tunii ukkiꞌi,

2 Saameeli 23:18

Tseruuyi bushoo, Yoꞌaabi manoo Abishayi shaasheenaꞌochi toommooch ukkiroone. Aroo bi ginoon tiijjiꞌi keejje balle asheenaꞌon wuxiye. Ebina keeminaꞌoyee barii aricheti ashoon tunehe.

2 Taateenaꞌo 2:24

Elisayiyoo gubb wottee ciinniꞌi, boonoshin Doono Yeerichi shigoona uppiye. Aroochee gutte maache diibeenaꞌo kubboochee kechiꞌi, aabbaa gutte bushiisheenaꞌon tiichiyeete.

Shaahiyoo 17:12

Tuushe ashoon bi tuushee kaamoona danoyee, bi bushoo bokketi diibeena dano gaawiye.

Shaahiyoo 28:15

Girechinaꞌon hajjiibeeti maaci manje ukkiroo, gigeebeeti daaheroommo, woyee capphi yecha ii beeti diiboommone.

Hiziqeeli 19:2

“Ne indee daahereenaꞌochi daggooch am shaahe daahereene! More daahereenaꞌochi daggoochaa teeqqaacha bi bushiishoon dichiyane.

Daaneeli 7:5

Guttinnee cooxo diiboon shaahoone. Biyoo gubbi baatoona neexeechii kaama qaallitone. Bi kookkooch, bi gashee daggooch keejje naabee shaawusho beetone. Biinoo “Tiyiree ne qettee wottoon meenon mame” iyeete.

Hosee'i 13:8

Bi bushiishoo bokketi diibechoommon ittoshin yexxemmo taane; ittoshinoo shiiqqemmo taane. Aroochaanoo daaheroochoommon ittoshin yeshi maayemmo taane; kubbi cooxochoommon ittoshin yangixxemmo taane.

Woraaferasheenaꞌo 18:25

Daanee asheenaꞌo wochiꞌi, “No toommooch cookoo ne qayigaata gaawiye. Ebi tuno qayigaata, hini asheenaꞌo ipperee ne toommooch iritoon deebemminaꞌone; neennaa ne kechi asheenaꞌonochi kashoo aallemmone” iyeete.

1 Saameeli 16:18

Bi naayinaꞌo daggoochee ikkoo ishichiye: “Ooge ximboon gaawichiꞌi yexxii kaayon hakkiibeeti, Beetilehemechi Iseyi bushoon beeggeto taane. Biyoo ginee anaamonaa koyoyich kupphoonane; wotta mashaamiti yibbaatechonaa gaawe malletechonane. Doono Yeeriyoo biinna tookkii beetone” iye.

1 Saameeli 17:50

Ebiyoommi gommona Daawiti xeppelloonaa xaqqoona baach are Filsixeemoon yexxii wuxiye. Daawiti kishooch goraado aalloone.

1 Saameeli 23:23

Bi aasheebeeti xaaꞌeenaꞌo bullin xiishii ittoshi beeggitoyee gubb, xiisheeti mooyon yeshiree ta waan wobote; tawoo ittoshina tookki hammemmo taane. Are showooch baach beebani, Yihudee yareenaꞌon boonoshi ikkikkoona bosheree boonoshi daggoochee biin danemmo taane” iye.