2 Saameeli 17:17 - Kafa Linguistics Project

¹⁷ Areegaata, Yonaataaninaa Ahimaazina katemooch giyiree boonoshi bekkeyaachemmoyich, Yerusaalemiyee maach wokkiꞌi beeti, En Rogeel quyee beeheete. Tuneti mooyo bullin ikke gonnee hammaa boonoshich gettaa beehan. Boonoshiyoo hammii taatoo Daawitich gettii beeheete.

2 Saameeli 17:17 ပူးပေါင်းရင်းမြစ်များ

2 Saameeli 15:27

Taatoo daakkiꞌi Sadooqich ishichiye: “Illa mooyon beeggaabeeto neene. Ne bushoo Ahimaazinaa Abiyataari bushoo Yonaataaninon yeshiree katemooch diggoona wottebe; neennaa Abiyataarina gutte ittoshi bushiishoon yeshiree hambote.

2 Saameeli 15:35

Qeesheenaꞌo Sadooqinaa Abiyataarina arooch neenna tookki tunemminaꞌone. Taatoo kexoochee ne waayemmi amee mooyonona, boonoshich gete.

2 Saameeli 15:36

Boonoshi gutte bushiisheenaꞌo, eboshiyoo Sadooqi bushoo Ahimaazinaa Abiyataari bushoo Yonaataanina boonoshina tookkii arooch beetinaꞌone. Ne waayemmi mooyo bullin boonoshina taach wochebe” iye.

1 Taateenaꞌo 1:42

Ebin getooch bi beetaa, qeeshoo Abiyataari bushoo Yonaataani waahe. Adoniyaasiyoo “Ne gaawe asho neene; ne deebaabeeto gaawe worooniye; hach gibe” iye.

1 Taateenaꞌo 1:9

Adoniyaasiyoo bageenaꞌon, wurinaꞌonaa gubbeneenaꞌonon En Rogeeli aachi xuuphee gaꞌooch beeti Zoheleeti Xaqqoochaa deejjiye. Bi maneenaꞌo tuneti taatoochi bushiishoo bullinaa taatoo iraashiiti Yihudee iraasheenaꞌo bullinon ceeggiye.

Yaasi 15:7

Akoori bamboochee tiijjiꞌi Debiiri katemooch kechiichii, bamboochaa deshi-waan beeti Adumiimi deshee damba besheebeeti kaattee ciinoona tuniiꞌi, dambi-waanaa Galigala waan guuddii beetone. En Shemeesh besheꞌi, En Rogeel beddaahaa kechii beetone.

Yaasi 18:16

Aroochee Refayee bambee dambi-waani ciirooch beeti Hinoomi bushoo bambee ciinoona besheꞌi, guudi baatooch shaggiye; wotta aroochee tiijjiꞌi, Yebuseenaꞌochi katemee deshi-waan beeti sharebe showoona tuneꞌi, Hinoomi bambooch shaggii, En Rogeeli beddiye.