2 Saameeli 16:8 - Kafa Linguistics Project

⁸ Bi taatittinoon ne deqqeti Saaꞌooli kechi asheenaꞌochi damoon Doono Yeeri ne toommooch wochitone. Doono Yeeri taatittinoon ne bushoo Abisoloomi kishooch beshiiꞌi immitone. Damee asho ne tunetoyich, ne aallo batt shaggitone” iye.

2 Saameeli 16:8 ပူးပေါင်းရင်းမြစ်များ

2 Saameeli 1:16

Uro batt qitaan beetaa, Daawiti biich ishichiye: “Doono Yeeri huuttiton wuxito ne tunoon ne hajjee noonoona miixeto neene. Ne damoo ne toommooch tunebe” iye.

2 Saameeli 19:19

taatoyich ishichiye: “Ta doonocho, ta gondoon maaribe. Taatoo ta doono ne Yerusaalemee ne kecheti aabooba ne guuno ta gondeti gondoon shalligaaye; ebin ne mullooch kotiyaaye.

2 Saameeli 19:21

Tseruuyi bushoo Abishayi, “Shimeꞌi Doono Yeeri huuttiti taatoon bi uppitoyich, qita beddiye” iye.

2 Saameeli 21:1

Daawitichi taatee yemeenooch kuxaanoon keejje nati wottoon, giidechi shaacoo tunehe. Ebich Daawiti Doono Yeer waan corootiye. Doono Yeeriyoo “Saaꞌooli Gibeꞌoonee asheenaꞌon bi wuxitoyich, biinnaa bi kechi asheenaꞌonochi kishooch ashi damoo beetone” iye.

2 Saameeli 21:9

Boonoshinoo Gibeꞌooneenaꞌoyich beshiiꞌi immiye. Gibeꞌooneenaꞌo boonoshin guudi toommoochaa Doono Yeeri aafooch yooddiyeete. Shabaatteenaꞌoo tookkii ikkooch qitiyeete. Boonoshi qitito, maayi qecci gooree ikkinnee qemoobane; ebiyoo sheqoo batt qeccee beetenane.

1 Taateenaꞌo 2:8

“Mahanayim ta hammehooba, kupphiiꞌi taan uppiti, Bahuriim beeti Biiniyaamee asho, Geeri bushoo Shimeꞌi, ebiyoche, neenna tookkii beetone. Biyoo Yoordaanoosin ta kimiyooba, taanna daneya waahe. Tawoo ‘Goraadoona neen wuxaachemmo taane’ iyaꞌa Doono Yeerina biich wogeto taane.

Shoddo 3:2

Meeti asheenaꞌo taan, “Yeeri biin wodiyaachemmone” iyeete.

Shoddo 4:2

Hini asheenaꞌote, ta oogoon ittoshi giishii beeyemmo aati wottooniye? Gaacaalli mooyon ittoshi shuni beeyemmo, kootoon ittoshi qaawi beeyemmo, aati wottooniye?

Shoddo 55:3

Ta etteenaꞌochi cookoona shatteto taane; gondeenaꞌochi neexxii hajjoona tiisheto taane; ta toommooch xuuxoon deebiyeete; taan kaaree taach etto tunetinaꞌone.

Shaahiyoo 26:2

Yoobbii okk hach capheebeeti kafeenaꞌochoommon, naboo aalloon uppeebeeti ufo ashoon yeshaache.

Yaaꞌoo 16:6

Yaafeenaꞌonaa keemechinaꞌonochi damoon ukkitinaꞌone; ebich ne wotta damoon boonoshich uchitine; ebiyoo boonoshich tuno tatoone” ii bi getaa waayeho.

Woraaferasheenaꞌo 9:24

Ebi bi tuneto, Yerubaꞌalichi shabe bushiisheenaꞌo toommooch tuneti magge mooyonaa ufeti boonoshi damoona boonoshin wuxiti boonoshi manoo Abimeleeki toommooch, wotta bi maneenaꞌon bi wuxemmoyich bi mochoon kupphiiti Shekeemi asheenaꞌo toommooch bi shaggemmoyichiye.