2 Saameeli 16:21 - Kafa Linguistics Project

²¹ Akixofeeliyoo Abisoloomich ishichiye: “Taatee kexon boonoshi quyemmoyich echiichii bi hammiti, ne nihoochi naamacheenaꞌo waan giyiree boonoshin qebe. Ebina ne nihoona tookkaa ciroona kuxeto ne tunoon Israꞌeeleenaꞌo bulli waayemminaꞌone. Neenna tookkii beeti asheenaꞌochi mochoo kupphemmone” iye.

2 Saameeli 16:21 ပူးပေါင်းရင်းမြစ်များ

Halloo 34:30

Yaaqobiyoo Simooninaa Lewinoyich ishichiye: “Hini showooch beeti Kanaaneenaꞌonaa Ferizeenaꞌona waanaa ta shigo gondemmoyich tuniiꞌi, ta toommooch xuuxoon deebiyote. No, haddoona giishecho noone. Ikkottee ta toommooch boonoshi tiyigaata, taannaa ta kechi asheenaꞌona aallesh toone no gettemmo?” iye.

Halloo 35:22

Are showooch boonoshi beetaa, Roobeeli bi nihoo naamache Biilin qeyiye. Israꞌeeliyoo ishin waayehe. Yaaqobichoo aaraa gutte anaami bushiisheenaꞌo beetinaꞌone.

Halloo 38:16

Bi bushoo mechee bi tunoon ariyaanoon, ure beeti gommi gashooch, bi waan giddeꞌi, “Neenna tookki qebona” iye. Ureyoo “Taanna tookki ne qeyemmoyich, amoon taach immenne?” iyaa echahan.

Halloo 6:4

Arooba, aroyee gubboo genjeenaꞌonaa giidechinaꞌona tuneti Nefiliimeenaꞌo showee toommooch beeheete; eboshi Yeerichi bushiisheenaꞌo asheenaꞌochi maache bushiisheenaꞌon shaaggiꞌi, boonoshi shiyiti bushiisheenaꞌone. Eboshiyoo wonna aricheti ginee anaaminaꞌone.

2 Saameeli 10:6

Amoonee asheenaꞌo Daawiti boonoshin bi tiyaaroon ariiheete; ebich Beet Rehoobinaa Tsobaahinoochee hiye hume Sooriyee ginee naayinaꞌon, Maꞌaki taatoon ikke hume bi asheenaꞌona tookkii, wotta Xoobee aaraa gutte hume asheenaꞌon kiraayiyeete.

2 Saameeli 12:11

“Andoo Doono Yeeri ishichiye: ‘Ebiyoche, ne hajjee kechi ashi daggoochee gonde mooyon ne toommooch tiijjemmo taane. Ne ciini beetaa, ne mecheenaꞌon daamiree bare ashich immemmo taane. Areddee aaboona ne mecheenaꞌona tookki qeyemmone.

2 Saameeli 13:5

Yonadaabiyoo biich ishichiye: “Ishigaata, biiyeton shaahiree qeenooch qebe. Ne nihoo neen cacheya bi waahooba, biich ‘Ta manee Tamaari waaree maayoon taach bi immemmoyich daaggibe. Biyoo maayoon ta aafoochaa, ta ciini beetaa, qanniiree bi giddiitaa, bi kishoochee deꞌiree mamona’ gete” iye.

2 Saameeli 15:16

Ebina taatoo kechii qaxiriye; bi taatee kexon quyiyoyich bi echiiti aashire bi naamacheenaꞌo baach echeechaa, bi kechi asheenaꞌo bulli bi hillooch dabbiyeete.

2 Saameeli 16:20

Aroochee Abisoloomi Akixofeelin, “Eke boyebote; amoon tuniibona?” iye.

2 Saameeli 17:7

Hushayiyoo Abisoloomich ishichiye: “And Akixofeeli boyeti boyo gaaweto toonoone.

2 Saameeli 2:7

Illa maac kuxo tunebote; kupphebote; ittoshi doono Saaꞌooli qititone; Yihudee asheenaꞌo ta shimbooch zayitoon huuttiꞌi boonoshi toommooch taan taatiitinaꞌone” iye.

2 Saameeli 20:3

Daawitiyoo Yerusaalem beeti bi kexooch shaggiye. Biyoo bi kexon boonoshi quyemmoyich bi echiiti aashire bi naamacheenaꞌon daammii, ikke kexooch, quyecho kishooch tuniihe. Boonoshich qaawii beeton immiye. Tunebaani boonoshi achooch shagaanoone. Ebich boonoshi qitimmi wottoon ashoyee badd kechiꞌi, xuumeenaꞌochoommon tuneꞌi beeheete.

1 Taateenaꞌo 11:25

Hadaadi deebiti iritoyee baroo, Rezooni Solomooni kashoona beeti yemeeno bulliich Israꞌeeleenaꞌochi etto tunehe. Sooriyee showooch taatehe; Israꞌeeleenaꞌonoo tiyaarehe.

1 Taateenaꞌo 2:17

Biyoo ishichiye: “Taatoo Solomooni neen yeelliyaachemmone. Shuneemee ashe Abishagin taach bi daaggaa ta shaaggemmoyich, biich ne gettemmoyich neen qollehoye” iye.

1 Taateenaꞌo 2:22

Taatoo Solomooniyoo bi indeyich ishichiye: “Amoyich Shuneemee ashe Abishagin baach Adoniyaasich echenne? Ta qaabbe manoo bi tunetoyich, taatittinoonoo biich echebani am! Biich baach tuneyaanoon, qeeshoo Abiyataarinaa Tseruuyi bushoo Yoꞌaabinoyichoo ebiyoommon echebe!” iye.

Leweenaꞌo 18:8

“ ‘Ne nihoochi mecheen qemona ne nihoon giishiyaahine.

Leweenaꞌo 20:11

“ ‘Ikke asho, bi nihoochi mecheen bi qeyigaata, bi nihoon bi giishiitoyich, boonoshi guttiyona qitibeete. Boonoshi damoyich koniyoona echeyaachemmone.

Zakaariyaasi 8:13

Yihudee asheenaꞌonaa Israꞌeeleenaꞌonote, aageteenaꞌo daggooch uppetooch haddeeto ittoshine; tunebaani and ittoshin wodiyemmo taane. Ittoshiyoo diiroo tunemmo ittoshine. Shattaahote; ittoshi mochoo niraaye” iye.

1 Qorontoosi 5:1

Ittoshi daggooch shunee mamo beemo waayee beetone; ebiyoo bi nihoochi mecheen shaaggiti asho beemone. Ebiyoommi yeelliibeeti mooyo Yeerich goyinneyaani asheenaꞌo daggoocholla aalloone.

1 Saameeli 13:4

Ebina Israꞌeeleenaꞌo bulli “Saaꞌooli Filsixeemeenaꞌon kochii wochite. Wotta Israꞌeeleenaꞌo Filsixeemeenaꞌo aafoochaa tiyaareetinaꞌo tuneteete” getaa bi getteyoon waayeheete. Ebich asheenaꞌo Saaꞌoolin dabbiya Galigala kiceeheete.

1 Saameeli 27:12

Akiishiyoo Daawitin gibenehe. Ebiyoo “Bi asheenaꞌo tuneti Israꞌeeleenaꞌona tiyaareeto bi tunetoyich, bulli aaboon taach maddemmone” iꞌi bi gabitoyichiye.