2 Saameeli 16:12 - Kafa Linguistics Project

¹² Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

2 Saameeli 16:12 ပူးပေါင်းရင်းမြစ်များ

2 Saameeli 16:13

Aroochee Daawitinaa bi asheenaꞌona gommon qaxiriyeete; Shimeꞌiyoo geppee gaadoona tatooch hammiibee uppii, xaqqoonaa buttoonon boonoshi waan duppii beehe.

2 Taateenaꞌo 19:4

Beeyechi Doono Yeerin bi naaggemmoyich bi doono tuneti, Asooree taatoo deejjiti Rabishaqichi naago bullin ne Nuggishoo Doono Yeeri diqqich waayo qayaanoone. Ebich ne Nuggishoo Doono Yeeri bi waayeti naagoyich biin bi naxemmoyich, echeti cureenaꞌoyich ne corootemmoyich neen qollehoye’ itone” iyeete.

Shoddo 10:14

Tunebaani ne, ne kishoona gatiyoon qocoyich, ashi xuuxoonaa ayinoonon beeggaabeeto neene; girecho bi qelloon neech aderehe; newoo nihaalloyich gaachoo neene.

Shoddo 109:28

Boonoshi taan uppiyeete; tunebaani ne diirihine; ta toommooch tiyii beetinaꞌo yeellebeete; tunebaani ne guuno ta emiroona wucwuccehoye.

Shoddo 132:1

Doono Yeero, Daawitin, iritoo bullin bi haaꞌiyonoo gabibe.

Shoddo 25:18

Ta xuuxoonaa ta iritoonon beege; ta axaaxoo bullinoo maaribe.

Shaahiyoo 25:22

Ebina bi toommooch qaaqqee bunoon shookkemmo neene; Doono Yeeriyoo gaawe gatiyoon neech qoccemmone.

Shaahiyoo 26:2

Yoobbii okk hach capheebeeti kafeenaꞌochoommon, naboo aalloon uppeebeeti ufo ashoon yeshaache.

Isiyaasi 27:7

Israꞌeeleenaꞌon bi yexxito, boonoshin yexxitinaꞌon bi yexoommoniye? Boonoshin guuritinaꞌo guureyoommon guureeteete?

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Yibbaatoo 23:5

Tunebaani ne Nuggishoo Doono Yeeri Balaamichi getoon waayemmon qajjiye; neen bi shunnitoyich, ebi ufon diirooch wochiye.

Yibbaatoo 23:6

Ebich ne beemmi yemeeno bullin diggoona boonoshi beeyemmoyich woyee mooyo boonoshich bi mashaamemmoyich tuniyaahine.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

Hibireena'o 12:10

No hajjee niheenaꞌo gaaweto tuneꞌi boonoshich bi bekketoommon, bushaa no beetaa, noon sheerii beetinaꞌone; tunebaani Yeeri noon bi sheeriibeeto, bi yaafittinoochee no qoodeyemmoyich nooch bi gaaccemmoyichiye.

1 Saameeli 1:11

Ishichaanoo mookkahan: “Beshe Mawe Doono Yeero, ne gonnee ta xuuxoon beeggaꞌa taan ne gabigaata, ne gonnee taanoo batteyaanoon anaami bushoon taach ne imigaata, kashoona bi beemmi yemeeno bullin neech immemmi taane; bi qelloochoo appoo shagaachemmone” iyan.