2 Saameeli 15:25 - Kafa Linguistics Project

²⁵ Taatoo, Sadooqich ishichiye: “Yeerichi taabootoon katemooch wochi daambe. Doono Yeeri aafoochaa gidoon daneto ta tunegaata, bi taan wochi deebiree, taabootoonaa bi qeyi kexonon wochinnoon ta beeggemmoyich tuniyemmone.

2 Saameeli 15:25 ပူးပေါင်းရင်းမြစ်များ

2 Saameeli 6:17

Aroochee Doono Yeerichi taabootoon deebii, Daawiti xogiti duukkaanooch giijjiꞌi, bi kotemmoyich qanniti xaaꞌooch kotiiheete. Daawitiyoo micciibeeti deejjoonaa ikkittinee deejjoonon Doono Yeerich deejjiye.

2 Saameeli 7:2

keemechi Naataanich ishichiye: “Ta, yigee mixoochee hakkeeti kexooch beeto taane. Tunebaani Yeerichi taabooto duukkaanoochiye bi beeto” iye.

Shoddo 122:1

“Doono Yeerichi kexooch hambone” boonoshi immona emiriyoye.

Shoddo 122:9

No Nuggishoo Doono Yeerichi kexoyicha iyaꞌa, gaawe mooyo neech tunemmoyich qaawiyoye.

Shoddo 26:8

Doono Yeero, ne beeti kexon, ne oogo beeyi xaaꞌoon shunnoye.

Shoddo 84:10

Bare xaaꞌooch hume qemon kotoyee, ne addibaabooch ikke heeyon heeyo gaawiye. Gondeenaꞌochi duukkaanooch beemoyee, Yeerichi kechi kellooch neexoon shunnoye.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 33:12

Muusiyoo Doono Yeerich ishichiye: “ ‘Hini asheenaꞌon yaabibe’ ito neene; tunebaani taanna tookki konin ne daachiyemmo gaata taach arichiyaano neene. Wotta ‘Neen, ne shigoona ariito taane; ta aafoochaa gidoon daneto neene’ ito neene.

Keyo 33:13

Gidoon daneto ta tunegaata, neen ta ariyemmonaa ne aafoochaa gaawe aafoona ciiche ta beeyemmonoyich, and ne gommon taach ne bekkiyemmoyich neen qollehoye. Wotta hini aagetoo ne aagetoo bi tunoon gabibe” iye.

Isiyaasi 38:22

Hiziqiyaasiyoo, “Doono Yeerichi yaafee kexooch hammemmo ta tunee malletoo amoone?” itone.

Erimiyaasi 25:30

“Ebich ne hini qaaro bullin boonoshi toommooch keembe; boonoshich ishichibe: ‘Doono Yeeri dambaa cookii beetone; yaafe bi beeyi xaaꞌoochaa bi qaaroon waayii beetone; bi bageenaꞌo toommooch oogichii cookii beetone; woyinoon hiiccii beetinaꞌochoommon, showooch beetinaꞌo bulli toommooch cookii beetone.

Erimiyaasi 7:4

“Hini Doono Yeerichi yaafee kexone; Doono Yeerichi yaafee kexone; Doono Yeerichi yaafee kexone” getibee koote qaaree toommooch gibeno geddaahote.